蓋世寶

童你一起長大了|蓋世寶狠批貨不對辦暗指被利用 強調單次合作冇下次

最新娛聞

廣告

蓋世寶月前回巢拍《童你一起長大了》,被網民指吃回頭草,蓋世寶強調只是單次合作﹗雖然有傳因批評無綫而收封嘴令,但未有令蓋世寶滅聲,近日接受電台訪問時,蓋世寶指當初應承是因創意官王祖藍親自邀請,但拍攝時卻不似預期,蓋世寶直指「貨不對辦」,爆seed指只是被利用作宣傳工具﹗

文:東方新地 |圖:IG@poupou_poupoupou、TVB《童你一起長大了》截圖
蓋世寶近日接受商台《一圈圈》訪問,被主持問到為何回巢主持《童你一起長大了》時,蓋世寶就話:「因為王祖藍親自打嚟講個節目概念係集合每一代、每一個主持返嚟,聽到咁有意思,我覺得喺嗰個台做咗咁多年兒童節目,係應該要幫手嘅﹗」不過蓋世寶正式開工後始發現「貨不對辦」﹗

蓋世寶被指食回頭草感到好無奈,強調同無綫只是單次合作﹗(圖片來源:IG@poupou_poupoupou)
蓋世寶被指食回頭草感到好無奈,強調同無綫只是單次合作﹗(圖片來源:IG@poupou_poupoupou)

未有向王祖藍反映 蓋世寶:佢負責出橋之嘛﹗

蓋世寶指漸漸發覺跟最初傾洽時有出入,指當初王祖藍sell橋時表示會搵晒全部昔日主持一起,點知原來只是部分主持被邀亮相,蓋世寶話:「仲有好多好多主持冇搵返嚟,仲要跳過咗《放學ICU》,呢個就係我反晒眼嘅地方,連我離開兒童組前嘅主持都冇搵。」主持問覺得點解會咁?蓋世寶長嘆一聲:「 唉,我唔想估,講咗就好似講人是非﹗但係…(有冇向王祖藍反映?)冇,佢個角色好難做,佢負責交橋之嘛,啲人事又關佢事,我惟有盡量配合囉﹗」主持再問拍攝以來一直唔開心?蓋世寶話:「初時拍我個樣係開心㗎,拍拍吓發現原來咁㗎,點解會咁嘅,個心唔舒服 ﹗基於專業操守,都要做落去﹗」

蓋世寶接受商台梁泰來的《一圈圈》訪問。(圖片來源:《一圈圈》截圖 )
蓋世寶接受商台梁泰來的《一圈圈》訪問。(圖片來源:《一圈圈》截圖 )
《童你一起長大了》最後一集請來兒童節目元祖級主持Sunny哥哥以及著名填詞人鄭國江,王祖藍亦有現身﹗(圖片來源:IG@poupou_poupoupou)
《童你一起長大了》最後一集請來兒童節目元祖級主持Sunny哥哥以及著名填詞人鄭國江,王祖藍亦有現身﹗(圖片來源:IG@poupou_poupoupou)

無奈被指食回頭草:我係宣傳工具啫﹗

對於網民指她食回頭草,蓋世寶大呻好慘,強調這次合作只是一次性,全因她和王祖藍在兒童節目時已認識,聽到他講解整個節目構思,蓋世寶認為很有意思所以答應﹗」問到酬勞好好?蓋世寶話大家一直冇傾過酬勞:「其實係咁嘅﹗因為要等『過塘』,我個名要等佢哋上面批核,所以應承咗之後我等消息,都冇去傾酬勞﹗」蓋世寶無奈指:「我相信搵我返去最大作用只係幫個節目宣傳, 佢應該係咁計嘅,佢哋咁識計數﹗」蓋世寶坦言經過這次不愉快經驗,將來再合作的機會相當微﹗

蓋世寶近年愛上跳舞,大玩sexy chair﹗(圖片來源:IG@poupou_poupoupou)
蓋世寶近年愛上跳舞,大玩sexy chair﹗(圖片來源:IG@poupou_poupoupou)
蓋世寶苦練鋼管舞﹗(圖片來源:IG@poupou_poupoupou)
蓋世寶苦練鋼管舞﹗(圖片來源:IG@poupou_poupoupou)

蓋世寶與前度同場硬晒軚

蓋世寶在《一圈圈》訪問被主持提及前度鄧健弘及以及《十兄弟》做「順風耳」的的林景弘,主持指鄧健泓話同蓋世寶「再見亦是朋友」,蓋世寶就答:「我大多數嘅前度都可以做番朋友﹗」主持又提到蓋世寶同林景弘拍拖七年,為何差一步結唔成婚?蓋世寶就話覺得結婚的感覺唔夠強烈,所以最後分手收場﹗其實蓋世寶的前度還有一位是圈中人,同樣是兒童節目主持出身的伍文生,早前亦亮相《童你一起長大了》,在節目提到婚後育有三名子女,大講仔女經,有網民指蓋世寶全程參與度極低,表現得極不自然,硬晒軚﹗相信是她指「貨不對辦」,令她「愈拍個心愈唔舒服」﹗

在第五集請來伍文生及張美妮,兩位嘉賓同譚玉瑛、黎芷珊有不少互動,唯獨同一代的主持蓋世寶表現生硬,參與度好低﹗(圖片來源:《童你一起長大了》截圖)
在第五集請來伍文生及張美妮,兩位嘉賓同譚玉瑛、黎芷珊有不少互動,唯獨同一代的主持蓋世寶表現生硬,參與度好低﹗(圖片來源:《童你一起長大了》截圖)
蓋世寶只發問了一個問題,全程參與度好低﹗(圖片來源:《童你一起長大了》截圖)
蓋世寶只發問了一個問題,全程參與度好低﹗(圖片來源:《童你一起長大了》截圖)

蓋世寶重提兒童組被瓦解似入靈堂 不滿結束方式欠得體

42歲的蓋世寶2015年因為無綫大規模改革兒童組,迫於無奈被調離工作了18年的崗位,而最令她心灰意冷的,相信是公司將其每月底薪減到得$7,000,最終在2019年結束與無綫電視23年的賓主關係。直到今年,蓋世寶獲王祖藍邀請回巢,與譚玉瑛及黎芷珊等人主持新節目《童你一起長大了》。日前蓋世寶接受港台節目《安哥同學會》主持人訪問,再重提被無綫調離兒童組種種辛酸史時一度哽咽。

童你一起長大了|蓋世寶重提兒童組被瓦解 最尾半年開工似入靈堂
蓋世寶本月初已回巢無綫主持《童你一起長大了》。(圖片來源:IG@poupou_poupoupou)

重提被調離兒童組辛酸史

42歲的蓋世寶2015年因為無綫大規模改革兒童組,迫於無奈被調離工作了18年的崗位,而最令她心灰意冷的,相信是公司將其每月底薪減到得$7,000,最終在2019年結束與無綫電視23年的賓主關係。直到今年,蓋世寶獲王祖藍邀請回巢,與譚玉瑛及黎芷珊等人主持新節目《童你一起長大了》。日前蓋世寶接受港台節目《安哥同學會》主持人訪問,再重提被無綫調離兒童組種種辛酸史。

童你一起長大了|蓋世寶重提兒童組被瓦解 最尾半年開工似入靈堂
蓋世寶日前接受港台節目《安哥同學會》主持人訪問,再重提被無綫調離兒童組種種辛酸史。(圖片來源:IG@poupou_poupoupou)
童你一起長大了|蓋世寶重提兒童組被瓦解 最尾半年開工似入靈堂
蓋世寶今年獲王祖藍邀請回巢,與譚玉瑛及黎芷珊等人主持新節目《童你一起長大了》。(圖片來源:TVB《童你一起長大了》截圖)

唔開心譚玉瑛姐姐離開先

蓋世寶表示當年兒童組改革雖然對她算不上是打擊,因為已是預計當中,不過提起譚玉瑛被轉型到幕後做顧問,而自己繼續留守幕前工作時,蓋世寶就一度哽咽流淚,她說:「不過冇預到係成個節目嘅人唔喺度,一直都有心理準備每次換人都可能有自已份,你憑咩留底呀?我覺得唔開心係譚玉瑛姐姐佢離開先,我唔鍾意。」

節目中蓋世寶表示最唔開心係譚玉瑛姐姐佢離開先,更一度哽咽流淚。(圖片來源:TVB《放學ICU》截圖)
節目中蓋世寶表示最唔開心係譚玉瑛姐姐佢離開先,更一度哽咽流淚。(圖片來源:TVB《放學ICU》截圖)

感覺好似入靈堂

訪問中蓋世寶表示對當年《放學ICU》的結束方式大感不滿,覺得做法不得體,她續說:「一係一齊走,一係一齊消失。做咩要前後咁,而且前後唔make sense,我留守到最後係捱,嗰半年係捱,你知我哋做節目要好開心,其實內心深處係唔開心,嗰種無奈係幾難受。我哋個廠不嬲都好嘈,後來感覺好似入靈堂咁,因為知道倒數中,其實就係強顏歡笑,嗰半年係唔開心。」

童你一起長大了|蓋世寶重提兒童組被瓦解 最尾半年開工似入靈堂
蓋世寶表示對當年《放學ICU》的結束方式大感不滿,感覺公司做法不得體。(圖片來源:IG@poupou_poupoupou)

蓋世寶曾哭訴懷才不遇

蓋世寶兩年前因為在無綫冇工作令收入減少,供樓及生活上的負擔令她感到非常徬徨,一直靠積蓄支撐日常生活的她,更要賣車又cut保單。據知雙方傾約期間,無綫以蓋世寶演出量不足及個人成績表唔好為由,要求蓋世寶減人工,而蓋世寶亦指已睇唔到自己在無綫的前景,再加上收入問題而決心離巢!蓋世寶要離巢的消息傳出後,她曾在訪問中哭訴:「自己不懂擦鞋(拍馬屁),因為自己唔夠假。」更指出:「有人說我好快就撈唔掂,做影視要好識做人,我唔夠。」

蓋世寶
蓋世寶離開無綫後不久即轉投開電視。(圖片來源:IG@poupou_poupoupou)
蓋世寶
蓋世寶主持開電視的節目《蓋世尋寶》。(圖片來源:IG@poupou_poupoupou)

當年被減底薪至7,000蚊

蓋世寶於2019年結束與無綫電視23年的賓主關係,當中令她最心灰意冷的原因相信是公司將其每月底薪減到得$7,000,離巢後蓋世寶在其中一條免費電視頻道開電視做主持,節目名叫《一曲走天涯》,主要訪問香港樂壇裡面曾經一曲成名的歌手。工作重回軌道之餘,喜歡跳舞的蓋世寶,更不時係社交平台上載性感熱舞相,心情唔錯。

蓋世寶
蓋世寶早前曾現身ViuTV的節目。(圖片來源:IG@poupou_poupoupou)
蓋世寶
蓋世寶更有份客串ViuTV非常受歡迎的劇集《大叔的愛》。(圖片來源:IG@poupou_poupoupou)

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!