童時愛上你

童時愛上你|陳展鵬拋愛情金句冧高海寧 尹詩沛爆seed怒摑小三零包袱

最新娛聞

廣告

《童時愛上你》今晚播出大結局,最新一集除咗高海寧激咀張振朗一幕吸眼球外,尹詩沛(Nicole)演技大爆發怒摑小三同樣成為焦點!

尹詩沛溫柔人妻極速變潑辣老婆

尹詩沛(Nicole)私下形象活潑健康,喺 《童時愛上你》飾演溫柔人妻Tina,但最新一集竟一反常態變成潑辣老婆,突然衝上老公Raymond(袁文傑飾)辦公室當場爆seed摑小三,更大嗌要離婚。短短十零秒極速變面,由高貴大方靚太變潑婦獲唔少網民大讚好戲。對於好評,尹詩沛接受傳媒訪問時表示好開心大家有留意佢嘅演出,因為以前嘅角色俾人感覺太過地踎,所以呢次專登用比較溫文爾雅嘅方式演,亦因為咁先造成呢個強烈對比。

童時愛上你 尹詩沛Nicole)私下形象活潑健康
尹詩沛(Nicole)私下形象活潑健康(圖片來源:IG@nicolewanseepui)
童時愛上你 《童時愛上你》
《童時愛上你》(圖片來源:TVB提供)
童時愛上你 《童時愛上你》
《童時愛上你》(圖片來源:TVB提供)
童時愛上你 《童時愛上你》
《童時愛上你》(圖片來源:TVB提供)
童時愛上你 《童時愛上你》
《童時愛上你》(圖片來源:TVB提供)
童時愛上你 《童時愛上你》
《童時愛上你》(圖片來源:TVB提供)

形象百變演豬肉婆都掂

尹詩沛入行十二年,以扮演綠葉角色為主,由於出色所以備受網民讚賞。早前喺《十八年後的終極告白》中飾演豬肉店老闆娘「趙玉娣」、《十八年後的終極告白2.0》扮問米婆「鄧燕霞」亦維肖維妙,令觀眾留下深刻印象,甚至力推做女一。

童時愛上你
(圖片來源:IG@nicolewanseepui)

陳展鵬大拋愛情金句

今晚大結局陳展鵬為咗贏取高海寧芳心,將會一連串爆出愛情金句:「我鍾意一個人,我會全心全意為佢付出,無論佢對我點都好,因為我心裏面容納唔到其他人」、「愛情冇得妥協,只有唯一」等。到底高海寧會唔會接受陳展鵬?定情歸張振朗?今晚九點半自有分曉!

童時愛上你
(圖片來源:TVB提供)
童時愛上你 天台錫錫戲。
最新一集《童時愛上你》高海寧同張振朗激咀(圖片來源:TVB
即睇《童時愛上你》大結局劇情劇透

《童時愛上你》大結局:高海寧被蛇咬突恢復記憶

Ding 哥(張振朗飾)和雷紫彤 Amanda(高海寧飾)大放閃光彈,劇情講到紫彤在露營時意外被蛇咬後突然恢復記憶,遂把握機會與張振朗在天台盡訴心中情。 原來高海寧很早以前就與張振朗邂逅,當時高海寧工作壓力爆煲,在獨自行山時迷路,正當她想放棄時,張振朗剛好在附近參與野外定向路過,高海寧靠着張振朗的「一點光」 重新振作。高海寧又親自講述其經營的化妝品牌「Double P」名字由來,其實就是當時張振朗身上的 「Power Of Pain」衣服,得知到這段隱藏的「愛的密碼」後,氣氛變得非常浪漫,之後兩人上演情深一吻,張振朗問:「錫我係彤彤(心智只有8歲的高海寧)定 Amanda?」高海寧則回答得很有意思:「係對你有記憶嘅雷紫彤!」 可惜高海寧翌日醒來後,又變回只有 8 歲心智的彤彤……

童時愛上你 天台錫錫戲。
天台錫錫戲。(圖片來源:TVB

《童時愛上你》高海寧:切換心情是最大挑戰

這集天台戲對高海寧來說亦是演技大挑戰,高海寧在該場戲要放下 8 歲彤彤的天真爛漫和 Amanda 的倔強,化身成溫柔體貼、愛得坦白的雷紫彤,據知之後高海寧會在三種「模式」之間不停切換,絕對是演技考牌作。高海寧受訪時分享拍攝心 得,她笑言 8 歲的彤彤相對較容易演:「有朋友直情話彤彤就係高 Ling,我本身都有小朋友性格,好真、好開心同白癡!反而最難演係彤彤扮 Amanda,首先係小朋友扮大人, 加上因為跳拍嘅關係,要好熟個劇本,好清晰每個階段要做啲咩先得,每場都要計算用幾多成彤彤、幾多成Amanda,好複雜!」為了演好「彤彤」,高海寧亦下了不少功夫, 她說:「唔想彤彤出嚟效果好作狀同懶可愛,做小朋友最緊要係真實,所以要唔好諗咁 多,當諗得太多嘢就會勒住勒住。最尾我說服咗自己,做番彤彤要做嘅嘢就 OK,反而 愈放做出嚟效果就愈真。」講到天台接吻戲,高海寧直認拍攝第一 Take 時已經好有 Feel:「大家錫完之後分開停頓對望嗰幾秒,嗰種感覺都幾好。」

《童時愛上你》高海寧為自我突破奮力演出

高海寧(高Ling)在《童時愛上你》中飾演雷紫彤Amanda,她由女強人變成8歲心智的彤彤,考驗著高海寧的神情、說話語氣及動作有否流露出小朋友特有的童真;及是否能隨時切換性格。但本劇也有向觀眾派「福利」,例如隨着劇情發展到第5集時,其中一場戲高海寧向糖妹剖白失憶時,就突然雙手托34D上圍,指對前面的「兩團肉」感到不習慣,拋開她經常被人談論的身型,以此突顯兒童的天真,更加上手勢示意,畫面搞笑。

童時愛上你 高Ling去到盡,「自揸」大解放
高Ling去到盡,「自揸」大解放(圖片來源:《童時愛上你》劇集截圖)

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!

撰文:東方新地圖片來源:TVB、IG@nicolewanseepui