薛凱琪

簽Juno撻Q 翻𢱑Paco 薛凱琪 拒被Kay騎住

最新娛聞

廣告

家底厚的麥浚龍Juno去年投資成立「幻覺文化娛樂」拓大個人娛樂版圖,鎖定簽起雙「琪」謝安琪薛凱琪發圍,講足大半年,近來產女抖足年幾的謝安琪,終於復工坐正成為公司一姐,Juno更落足本幫Kay大堆頭製作新歌。

見Kay頭威頭勢先聲奪人,難免令薛凱琪眼紅,同Juno傾足大半年約仍未成事,全因唔甘心過檔畀Kay騎住只做阿二,決定反口縮沙,近日有傳翻𢱑Paco以新形式合作留喺太陽娛樂!

撰文:東方新地|圖片:新傳媒圖片庫、薛凱琪IG謝安琪IG

薛凱琪 Juno 傾足大半年

12年離開效力十年、一手捧紅自己嘅華納唱片,薛凱琪就係貪可以喺太陽娛樂坐正一姐之位,兼且旨意Paco出力打入內地電影市場。六年來雖然靠太陽娛樂同Paco成功北闖佔一席位,不過又係簽完約即遇上鄧麗欣回流,表面一姐實情身份地位都遠遠不如Paco多年愛將,自然耿耿於懷。36歲未有拖拍唯一寄託就係事業同買磚頭,Fiona兩年前與Juno合作歌曲〈結〉時已經密密斟商量合約事宜,直到去年底落實細節,一心諗住今個月滿約就有得過檔,一圓一姐夢。

一山不能藏二琪

據知情人士透露,Fiona的如意算盤全部因為生完女自由身隨時可以簽約開工的謝安琪打亂:「Juno間幻國娛樂同電影公司一定會愈做愈大,第一步就係簽晒『雙琪』返嚟。其實Juno冇諗過邊個先係一姐,反而Kay好大方,佢好有音樂理想,一早話過新公司簽多啲人百花齊放仲多元化,係Fiona一直以為一姐過檔件事可以好隆重,點知佢舊約未完、嗰頭Kay已經簽咗約仲開緊工,第一首主打歌就係Juno監工導演動員全公司拍MV。見到Kay係威係勢,Fiona唔想過檔被人騎住,又咁啱Paco出動銀彈攻勢留人,所以臨時決定留低。」不過據聞再續約,形式已經大不同,Fiona今次會自組工作室自己話事,咁就唔怕又要做阿二!

自組工作室

12年簽太陽殺出個鄧麗欣、今年想過檔幻國又被謝安琪先聲奪人,據悉Fiona將會招攬合作多年助手和經理人,自組工作室。

Fiona Sit 薛凱琪(@physit)分享的貼文 張貼

碼實老闆娘

感情生活冇著落,Fiona只好將重心放在事業上又勤買磚頭養自己,去年開埋自家時裝寶號,仲好醒水送貨畀老闆娘Heidi著上身宣傳兼打關係。

去年12月Juno同Fiona傾定細節,等今年中滿約落筆,不過Kay產後復出先行開工仲出埋新歌,搞到Fiona不滿風頭被搶又做唔成一姐,因而同Juno合作撻Q。

Fiona要同舊東家滿約才能過檔,Juno於是照原定計劃先簽Kay仲做埋新歌,Kay在MV大露背又食煙,勁有noise,不過就被Fiona理解成搶去風頭和一姐地位。

親自出馬幫Kay新歌〈人妻的偽術〉執導、出動公司上下創意團隊打造、又班埋自家電影班底拍攝,Juno在Kay身上投放愈多、Fiona愈係深明過檔後又係冇得做一姐。

Kay Tse 謝安琪(@kaykayiskay)分享的貼文 張貼

停工兩年、陀生女,去年底謝安琪復出同Juno傾合作,以自由身身份重新起步自然啱傾快落筆。

相對於Fiona進取向上精神,Kay更重視家庭生活同創意,所以同Juno理念特別合拍。

Kay Tse 謝安琪(@kaykayiskay)分享的貼文 張貼

話就話復出,Kay工作量比起生女前後並沒有增加太多,重心還是放在家庭同一對仔女身上,日前就被拍到素顏自駕在寓所附近添購日用品。

高衩泳衣拍MV 薛凱琪自摸排骨胸

Kay拍MV大露背又食煙,Fiona都唔弱,曾經著高衩泳衣拍MV,仲自摸排骨胸!

Fiona拍歌曲〈Miss Fiona〉MV時,為展示成熟一面,曾經穿著黑色高衩泳衣同魚網絲襪露出小蠻腰,期間更high爆邊跳邊自摸排骨胸。

Fiona話希望咁樣帶出女性power、有態度嘅自強信息:「呢首歌特別想送畀女仔,鼓勵大家自強, 尤其事業女性好辛苦,太強會令人覺得你man,太柔弱又令人感覺你冇用。而透過不同造型,希望令更多女生明白,只要有自信,穿咩都唔重要!」

 

制服誘惑

Fiona又以性感洗碗阿姐造型登場,雖然穿上圍裙,但仍不忘晒長腿,認真惹火!

Fiona笑言由於喺真實酒樓拍攝,所以要頂通拍攝完成:「拍十個鐘左右,唔算太耐,因為喺酒樓拍攝,天未光已經有茶客嚟幫襯,惟有加緊拍攝,期間仲有洗碗阿姐同赤裸上身嘅師傅喺我哋旁邊洗碗洗米,我覺得好搞笑!」


將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!