岑麗香

結婚一周年 馬爾代夫慶祝 岑麗香 同強強展開造人之旅

最新娛聞

廣告

之前岑麗香話拍完《果欄中的江湖大嫂》後,會小休一排,早前台慶頒獎禮都未見香香蹤影,原來佢同老公強強去咗馬爾代夫旅行,慶祝結婚一周年,香香不忘跟粉絲們分享呢趟旅程嘅靚相,雖然性感三點式欠奉,但佢香香甜美笑容加埋靚景,一樣煞食!

撰文:東方新地

岑麗香 同強強去馬爾代夫慶祝

岑麗香同老公強強早前拍拖去馬爾代夫,喺當地享受陽光海灘,順道慶祝結婚一周年。香香在社交平台分享泳衣照,雖然未有穿上火辣的三比堅尼,但有靚景和香香甜美笑容,一樣吸引,而香香日前出席活動時透露老公送咗手鈪畀佢做禮物!

香香笑指小時候看得鯊魚題材的電影多,所以一落水就好驚,不過今次找了專業教練學潛水,試過潛到11米水深,真的看到鯊魚、海龜和珊瑚,她笑說:「最初落水時好緊張,不過有老公陪着,又有教練指導,之後心情變得輕鬆了。」

香香還大讚老公夠體貼又sweet:「他知道我做藝人不可以曬得太黑,每當猛太陽時,他會用身體為我擋太陽,真是大隻好遮蔭!」

其中有部分靚相仲係由老公強強視角出發,為靚靚人妻留下最美一刻,超sweet!

岑麗香去年12月在加拿大溫哥華嫁強強(Joshua),結束短短年半的異地戀,強強更為香香放棄在加國的事業,留港陪老婆。但婚後香香拍劇未停過,腰傷舊患未好,早前又傷手,女人條腰骨唔多唔少影響陀B,為盡快令33歲的香香養好身體生強B,強強成功游說香香推劇跟佢返加國小休,同去馬爾代夫旅行,希望離開香港呢個繁忙地,在冇壓力下一擊即中!

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!