陸永

網民留言挑機 陸永開腔護妻女

最新娛聞

廣告

今年是非特別多的陸永,早前老婆Reina在社交網Po出細女準備參加學校表演的相片,卻被一名網民留言揶揄細女sim sim不及大女Hannah靚,寶貝女被踩,護女心切的陸太隨即留言反擊:「我覺得我兩個女都好靚⋯⋯佢哋兩個唔係倒模出來,所以各有特色。」

出名愛錫老婆同女兒的陸永,亦開腔護妻:「我都覺得兩個女都好靚!」更以行動幫女兒平反,日前就帶齊靚老婆及兩個萌爆女一家四口出巡,sim sim得意活潑人見人愛,食餐車仔麵都手舞足蹈,自娛一番。做父母見子女健康開心,就心滿意足!

撰文:東方新地|圖片:新傳媒圖片庫、陸永IG

陸永妻被撻著

陸永同老婆有兩個精靈活潑囡囡係人都知,唔知係咪畀人讚得多招人妒忌,日前陸永嫂Po出細女sim sim準備參加學校表演時的相片,一如以往即時獲網民狂畀Like,更有唔少網民留言大讚sim sim可愛又cute爆,但偏偏就有一名網民留言挑機:「Hannah靚好多!」明踩陸永細女不及家姐靚,一秒撻著陸永嫂留言護女。

據知情者透露:「可能有人會覺得陸永嫂反應過大,但個女畀人踩梗係肉赤啦!始終小朋友心智仲喺成長階段,呢啲留言大人睇落可能好小事,但對於小朋友內心係有一定影響,陸太好緊張兩個女,唔想個女受傷害,好理性咁留言係想話畀人知,人與人之間唔應該去比較,根本冇意思!」

陸永:兩個女都好靚

廿四孝老竇陸永回應本刊時,就同老婆睇法一致,開腔保護家人兼大讚女兒:「我唔覺得太太係反擊,佢係話兩個女都好靚,我都係一樣,我覺得兩個女都好靚,好似如果你問我黃色靚定藍色靚,我就覺得兩隻色都咁靚!」

正在趕拍無綫電視劇《金宵大廈》的陸永,一有時間就家庭樂,上周日(5月13日)就趁著母親節不用開工陪靚老婆同兩個女去九龍城食麵,一家出巡晒齊三母女靚樣,出名友善冇架子的陸永,似乎是該麵店熟客,吃麵期間就同店員傾個不停,而遺傳咗爸爸表演天份的兩個女,得意鬼馬玩唔停,吃麵吃了半小時,陸永就埋單走人。

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!

關鍵詞
陸永女兒