繩角

繩角|AK嘴角傷痕似茄汁漬 Tiger乸乸哋登場被封女一「虎師妹」

最新娛聞

廣告

ViuTV劇集《繩角》播了兩集,AK江熚生硬要挑戰大師兄駱振偉,被當沙包咁打由靚仔變豬頭,不過面部傷痕就被笑指似食完薯條留有茄汁漬。至於劇中另一驚喜就是Tiger邱傲然,娘娘腔演出獲讚賞,不但被戲謔是「虎師妹」,更被指是女一,與AK湊成一對搞笑拍檔!

即睇《繩角》最新劇情及角色介紹
繩角 AK江熚生在《繩角》中飾演的歐陽駿性格執著唔認輸。
AK江熚生在《繩角》中飾演的歐陽駿性格執著唔認輸。(圖片來源:ViuTV劇照)

《繩角》AK犧牲靚仔樣

《繩角》頭兩集都集中火力講述AK江熚生如何決心成為拳手,他飾演的歐陽駿被無賴阿哥KB欠債拖累,搞到被放貴利嘅肥腸追打,屋企都唔敢返,KB就叫AK投靠飾演拳手嘅駱振偉,但AK畀駱振偉當沙包咁打,仲要一身傷咁瞓走廊、攬住垃圾袋當被冚好慘慘豬。

繩角 AK唔識死,一開場就挑戰大師兄駱振偉。
AK唔識死,一開場就挑戰大師兄駱振偉。(圖片來源:ViuTV影片截圖)
繩角 結果AK畀人當沙包打到反白眼,嘴角的傷痕仲被笑指食完著條留有茄汁。
結果AK畀人當沙包打到反白眼,嘴角的傷痕仲被笑指似食完薯條留下茄汁漬。(圖片來源:ViuTV影片截圖)

《繩角》AK似食完薯條冇抹嘴

為了鋪排AK成為專業拳手之路,連續畀幾鑊打到成面傷痕都幾誇張,不過網民就話AK的傷痕好流,好似食完薯條塊面揩到茄汁一樣。雖然同《打天下》相比,AK演技明顯大有進步,不過編劇就被投訴在劇中加插太多星爺對白,雖然好笑,但誠意扣分!

繩角 再戰駱振偉都係被打,AK嘴角的茄汁漬仲大撻咗。
再戰駱振偉都係被打,AK嘴角的茄汁漬仲大撻咗。(圖片來源:ViuTV影片截圖)
繩角 有網民質疑AK的受傷妝好唔掂,笑言好似揩到成面茄汁。
有網民質疑AK的受傷妝好唔掂,笑言好似揩到成面茄汁。(圖片來源:Facebook@ViuTV截圖)

《繩角》Tiger乸型演出驚喜十足

除了男主角AK與Lokman傾力演出,《繩角》中的配角都好出色,先講飾演Lokman嫲嫲的馮素波,網民都覺得她初遇AK那場戲好搞笑。不過最意想不到的角色屬Tiger邱傲然莫屬, 平時唔聲唔聲的Tiger,今次飾演一個乸型拳手,首播後一班演員開Live,Tiger自言這角色是一個大挑戰,亦好難演:「係乸乸哋嘅角色,金牌殺手,好似幾好笑。打拳本來好man好熱血,乸乸哋同熱血同man大纜都扯唔埋,但我又要好好拿捏,唔能夠乞人憎,一線之差,但end up ok嘅,幾開心。」

繩角 有一幕Lokman與AK在擂台上跳起Cha Cha,有網民笑他們He味濃,亦有人指呢幕太無厘頭。
有一幕Lokman與AK在擂台上跳起Cha Cha,有網民笑他們HeHe味濃,亦有人指呢幕太無厘頭。(圖片來源:ViuTV影片截圖)
繩角 估唔到馮素波配呢班新人都有化學作用。
估唔到馮素波配呢班新人都有化學作用。(圖片來源:ViuTV影片截圖)

《繩角》Tiger拉丁舞底有助角色扮演

Tiger出場後即引起網民熱議,不少人都覺得這個角色非常討好,像是為Tiger度身訂造,監製選角應記一功,值得一提是Tiger雖然冇乜演戲經驗,但他無論聲音抑或肢體動作都表現得淋漓盡致,而且喜感十足,網民更笑指「虎師妹」原來是劇中女一。其實Tiger自小學拉丁舞,舞姿要成日扭身扭勢,今次要他演娘娘腔的角色,應該都好易上手,再加上他一頭中長曲髮,增添幾分女性嫵媚。

繩角 Tiger飾演的拳館師弟變「虎師妹」。
Tiger飾演的拳館師弟變「虎師妹」。(圖片來源:ViuTV影片截圖)
繩角 劇中加插了不少搞笑場面,包括Tiger突然在AK面前行moon walk及搞佢條褲。
劇中加插了不少搞笑場面,包括Tiger突然在AK面前行moon walk及搞佢條褲。(圖片來源:ViuTV影片截圖)
繩角 Tiger的角色乸乸哋,又fing頭又fing手講「啋」,而他亦落足心機去演繹。
Tiger的角色乸乸哋,又fing頭又fing手講「啋」,而他亦落足心機去演繹。(圖片來源:ViuTV影片截圖)

網民留言大讚虎哥Tiger

繩角
(圖片來源:Facebook@ViuTV截圖)
繩角
(圖片來源:Facebook@ViuTV截圖)
繩角
(圖片來源:Facebook@ViuTV截圖)
繩角
(圖片來源:Facebook@ViuTV截圖)
繩角
(圖片來源:Facebook@ViuTV截圖)
繩角 Tiger一頭曲長髮非常設合角色造型。
Tiger一頭曲長髮非常設合角色造型。(圖片來源:ViuTV影片截圖)
繩角 Tiger最擅長跳拉丁舞,要扮嫵媚難唔到佢。
Tiger最擅長跳拉丁舞,要扮嫵媚難唔到佢。(圖片來源:ViuTV影片截圖)

重溫《繩角》第二集:最緊要睇腳步!

《繩角》大結局師徒大戰邊個會贏?

大師兄戰死擂台後,Lokman和AK各自態度大轉變,到最後一集兩師徒將一齊上擂台對戰,二人都無因為對方而手下留情,到最後關頭⋯⋯按此大結局劇情劇透

Mirror仲有邊套劇即將播出?

由《大叔的愛》班底製作的《百萬同居計劃》即將接檔於12月5日首播,由於Edan呂爵安檔期不合而辭演,其角色由魏浚笙頂上⋯⋯按此看劇集及角色介紹

撰文:東方新地圖片來源:ViuTV劇照、ViuTV影片截圖