老公啜女 伍詠薇:佢偷食我即走

老公啜女 伍詠薇:佢偷食我即走

最強精選

廣告

伍詠薇老公練海棠被爆連日來偷食兼啜爆34D大奶妹,更親自駕駛七人車齊齊去南灣玩車震!報道指練海棠從事廣告創作,經常要cast啲女仔拍廣告,因利乘便自然多女埋身!雖然明知老公沙沙滾,但伍姑娘仍選擇相信老公,亦曾說過「佢偷食我即走」,為免家破人亡,所以練海棠玩得格外小心,因此只曾有兩次斷正!

中環偷食摸女

老公啜女 伍詠薇:佢偷食我即走

2010年,練海棠被拍到趁老婆伍詠薇出遊上海,公然同打扮比老婆差一截,但年紀卻細一截嘅後生女到中環燭光晚餐歎法國菜,席上,二人不時甜蜜互望;臨走前,練海棠更公然同對方摸手仔,飯後,二人更身貼身行街,然後還雙雙跳上練海棠同老婆共同持有的七人車走人。

老公啜女 伍詠薇:佢偷食我即走

事後,當記者將相片送到伍姑娘手上時,佢即收起笑容並說「趁我不在香港」這幾個字,不過及後伍姑娘挺身力撐老公之餘,更坦言對老公百分之二百的信任,又說覺得自己依然非常幸福,其後更於街上跟老公公錫錫晒恩愛!

約中女行商場

老公啜女 伍詠薇:佢偷食我即走

2010年,練海棠被拍到與一名女性於中環IFC出現,期間二人並肩而行閒逛,不停遊走商場店鋪,可能知練偷食有前科,驚被記者撞破,沿途中女表現神色慌張,邊行邊四圍望,慌死被記者追蹤,最後急急腳離去。

伍詠薇:佢偷食我即走

老公啜女 伍詠薇:佢偷食我即走

跟老公練海棠結婚十七年,伍詠薇一向對老公百分百信任,而對於老公多女埋身,更曾被影到偷食,伍詠薇早年受訪時說:「如果有都好正常,代表我有眼光啫!如果佢真係搵到真愛,我會俾佢走唔會阻佢,相信佢一樣會咁對我。咁多年我哋都互相信任,真係做到相敬如賓,所有嘢唔會奉旨,唔會要求對方報到,主動講行蹤係唔想對方擔心,佢一直以嚟都冇做過界嘅事,老實講咁多年當然冇咗嗰份激情,但會變成細水長流嘅家人。」

老公啜女 伍詠薇:佢偷食我即走

至於老公今次偷食34D大奶妹事件,伍姑娘冷靜回應:「冇問題,冇乜特別嘢幫到(回應),今日我要做嘢,有記者嚟,可能大群啲,到時我一嘢公開交代我要講嘅嘢。呢刻充滿正能量!」

延伸閱讀:

練海棠瞞伍詠薇偷食

周秀娜大奶奶失蹤