金仔 聲夢傳奇2

聲夢傳奇2|Sean文佐匡無自信激到泳兒爆喊鬧仔!金仔剖白令二汶心痛

最新娛聞

廣告

《聲夢傳奇2》第八集紅、藍隊分出勝負,最後XiX所屬的紅隊勝出,落敗的藍隊淘汰金仔,全場變喊包!

《聲夢傳奇2》第八集|Sean激喊泳兒:佢成日問下回合係咪foul佢

曾赴韓國做練習生的Sean,舞功、外型有返咁上下,但原來零自信,綵排期間多番洩氣兼放棄, 令導師泳兒大感頭痛並苦勸 Sean 謂:「Everyone is Special!你唔好再諗其他人喇,唔好去比較,唔好覺得自己愈嚟愈差。」最終泳兒點醒 Sean,在台上又 Rap又跳又唱的他, 每個肢體動作及眼神均自信滿滿,令泳兒看畢忍不住感動爆喊:「同Sean每次 WhatsApp 或見面,佢都係問下一個係咪 Foul 我,我就覺得點解呢個男仔咁冇信心呢?佢覺得自己 好多嘢唔夠人哋好,所以我好希望你對自己有信心,知唔知呀衰仔?!」一表演完即由 野性變馴服的 Sean,聽畢泳兒的話亦即場淚流滿面,場面感人。

聲夢傳奇2 Sean曾經去過韓國做練習生,點知好冇自信,仲激喊泳兒。
Sean曾經去過韓國做練習生,點知好冇自信,仲激喊泳兒。(圖片來源:TVB提供)
聲夢傳奇2 泳兒俾Sean激到喊,淚痕清晰可見。
泳兒俾Sean激到喊,淚痕清晰可見。(圖片來源:TVB截圖)

《聲夢傳奇2》第八集|藍隊落敗 金仔冇得留低

金永衡(金仔)今集唱《Toxic》係佢拿手的曲風,點知綵排時俾林二汶話:「要面子又怕俾人judge!」最後藍隊落敗他亦被淘汰,全場即刻變喊包。而金仔深情剖白:「從來冇人對我有過期望。」呢句令二汶聽完好心痛。金仔雖然鏡頭前態度輕佻,但見到大家為佢喊,大為感動,佢話:「幾難得一生人對你有期望,分分鐘你老細對冇期望,反而一班同事對我有期望希望我成材,Sorry,辜負咗大家。」

聲夢傳奇2 金仔被淘汰強忍淚水。
金仔被淘汰強忍淚水。(圖片來源:TVB截圖)

金仔最後感言:

Janees轉行跳舞即甩碌

賽前大熱之一Janees曾赴維也納讀音樂,拉得一手好小提琴的她突然轉行跳舞,但完全冇跳舞底子的她動作生硬,就連陳奐仁都話她的表演欠一個高潮給觀眾。Janees挑戰性感跳唱《Lady Marmalade》,她先認四肢不協調,加上排練時間緊逼,正式上台前亦忍唔住喊:「我超級緊張,我好想出嚟效果好睇同好靚!」最終她不敵「爆seed」唱出感情的Zayden。

聲夢傳奇2 賽前大熱之一Janees倒灶。
賽前大熱之一Janees倒灶。(圖片來源:TVB提供)
聲夢傳奇2 End pose係擺得靚,但前面跳舞動作生硬唔夠壓台。
End pose係擺得靚,但前面跳舞動作生硬唔夠壓台。(圖片來源:TVB提供)
聲夢傳奇2 一向有實力的Zayden唱出感情,大勝Janees。
一向有實力的Zayden唱出感情,大勝Janees。(圖片來源:TVB提供)

XiX再次挑戰《If I Ain’t Got You》

XiX成員Kiele 及 Caitlin 組成的二重唱組,選唱歌曲《If I Ain’t Got You》,一首Kiele 去年參加《聲夢 Junior》的滑鐵盧作品;為了展示「邊度跌低、邊度爬番起身」的決心,Kiele 與 Caitlin 在「爸爸」Eric Kwok 帶領下,去了著名音樂人杜自持老師家中拜師學藝,獲杜老師拍手兼大讚有顯著進步。最終 XiX 二重唱組獲得現場評審不少正評,就連向來要求甚高的伍仲衡 亦讚不絕口:「你哋拍埋咗後 Blend 到好似一把聲咁,Unbelievable!」

聲夢傳奇2 XiX成員Kiele 及 Caitlin 組成的二重唱組,選唱歌曲《If I Ain’t Got You》,一首Kiele 去年參加《聲夢 Junior》的滑鐵盧作品
XiX成員Kiele 及 Caitlin 組成的二重唱組,選唱歌曲《If I Ain’t Got You》,一首Kiele 去年參加《聲夢 Junior》的滑鐵盧作品(圖片來源:TVB提供)
聲夢傳奇2 Kiele成功超越自己。
Kiele成功超越自己。(圖片來源:TVB提供)

泳兒為何在節目中爆喊鬧人?

泳兒見到Sean在台上自信滿滿的表現,原來節目背後泳兒花了很多心機去點醒Sean⋯⋯詳見:泳兒恨鐵不成鋼激到喊

13歲大魔王Sabrina被擊敗了嗎?

Sbrina趙紫諾自上一集表演後就出現聲帶發炎,加上不停練習沒有時間休息,最後被⋯⋯詳見:大熱Sabrina慘敗

撰文:東方新地圖片來源:TVB提供、TVB截圖資料或影片來源:YouTube@TVB