鄭嘉穎、陳凱琳

自出自入鄭家 陳凱琳「I Love You」紙仔攻陷嘉穎

最新娛聞

廣告

鄭嘉穎同陳凱琳拍拖年幾,雖然年齡相差21年,依然愛得癡纏,陳凱琳早前25歲生日,自爆收到嘉穎送嘅玫瑰花同粉紅頸鏈,高調放閃。對住香港傳媒都唔再收收埋埋,更何況要北上做節目賺人仔呢?日前嘉穎同張柏芝一齊上內地節目《誰是你的菜》,兩人除咗比拼廚藝,當然唔少得爆下私隱啦!

其他文章︰

關禮傑索女成長記

袁嘉敏床上賣大包

節目組將嘉穎屋企個雪櫃運咗去電視台(有冇做假就唔知喇!),雪櫃門上貼咗大堆外賣單,單上面都係寫繁體字,似係香港餐廳嘅外賣紙;磁石貼都好得意,有東南西北中發白,又有angry bird,主持人話估唔到嘉穎咁有童真,點知嘉穎二話不說,即刻chok咗個憤怒鳥樣出嚟!主持人仲發現有張寫住「管你處」嘅memo,原來嘉穎抄低管理處電話時執筆忘字,就求其寫個同音至頂檔!

其中一名主持人突破盲點,竟然晌一堆外賣紙中,發現一張紫色心形紙仔,上面用英文寫咗大堆字,嚇到嘉穎即刻出手掩住!不過主持人又點會放過佢呢,一手搶咗俾柏芝,仲叫佢大聲讀出嚟,內容超級肉麻,「I am for you, you are right for me. One hundred times a day for sweet words also, but don’t……」講到戲肉位,柏芝突然O嘴,仲話唔敢再讀落去,嘉穎就乘機搶返張紙!

被主持大迫供,嘉穎焗住承認張紙仔係陳凱琳寫,佢話有時自己唔晌屋企,陳凱琳會拎食物上去,再寫低張愛的留言貼晌雪櫃門。咦,拍拖年幾已經有鎖匙可以自出自入,睇嚟佢哋都好穩定喎!

全文完

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!