撰文：占士 │圖片來源：范冰冰微博、《NEW23》節目截圖、5ch、weblio
失蹤事件惹國外媒體關注
范冰冰發文向公眾道歉
內地女星范冰冰自從被爆「偷稅漏稅」、「陰陽合同」人間蒸發超過三個月後，直到最近有內地媒體疑似拍到佢步出稅務局嘅照片，范冰冰嘅行縱先至曝光。再睇埋范冰冰於微博發道歉文，呢件事先至告一段落。
日媒報導范冰冰失蹤事件
網民焦點竟然係……
范冰冰喺國內外知名度都好高，所以唔止歐美傳媒有報道此事，就連日本方面亦非常關注事件。
不過一聽到范冰冰呢個名，班日本網民諗到嘅就同大家關注嘅嘢好唔同啦！因為冰冰嘅日文譯音（ビンビン），讀出嚟係binbin，亦即係「勃起」咁解。
