萬千星輝頒獎典禮 花生位

萬千星輝頒獎典禮2022|一文睇清花生位 頒獎嘉賓頻頻穿越、珍姐都有獎攞

最新娛聞

廣告

《萬千星輝頒獎典禮2022》於今日舉行,今年台慶頒獎典禮依然不乏花生位,每年台慶都聽到嘅「多謝珍姐」主角曾勵珍終於奪得「萬千光輝演藝大獎」之外,一班久無露面的星級嘉賓到場頒獎,其中郭可盈殘爆登場,被網民指:成個林建明咁!

花生1:林敏驄妙語連珠 笑江美儀食事後丸封視后

今年失落視帝的林敏驄一直沒有機會上台亂講嘢,終於到最後《下流上車族》獲得「最佳劇集獎」的時候,才有機會上台講幾句,仲要字字珠磯,妙語連珠。一開波就宣傳自己在3月即將舉行的演唱會,之後又笑江美儀一身黑色晚裝似烏雞,仲要話勇奪視后的江美儀在事前食咗多顆「事後丸」,笑爆全場!

萬千星輝頒獎典禮 花生位 林敏驄笑江美儀一身黑色晚裝似烏雞,又話事前勇奪視后嘅江美儀食事後丸
林敏驄笑江美儀一身黑色晚裝似烏雞,又話事前勇奪視后嘅江美儀食事後丸(圖片來源:東方新地)
萬千星輝頒獎典禮 花生位 林敏驄笑江美儀一身黑色晚裝似烏雞,又話事前勇奪視后嘅江美儀食事後丸
林敏驄笑江美儀一身黑色晚裝似烏雞,又話事前勇奪視后嘅江美儀食事後丸(圖片來源:東方新地)

林敏驄彈出彈入撐枴杖出場

在今天早上,林敏驄曾經發文表示因為腳傷未能出席台慶頒獎典禮,令一班網民懷疑是否因為冇獎攞而缺席:「尋日踢波畀條鬼頭踢瘀左腳眼…斤(今)晚去5到鳥(唔到了)。」結果在行紅地毯的時候,手持拐杖的林敏驄與郭柏妍和一班《下流上車族》的演員出場!

萬千星輝頒獎典禮 花生位
(圖片來源:TVB截圖)
萬千星輝頒獎典禮 花生位
(圖片來源:TVB截圖)
萬千星輝頒獎典禮 花生位
(圖片來源:TVB截圖)

林敏驄寸曾志偉唔得民心

林敏驄早前憑無綫劇《下流上車族》車志明一角奪Yahoo人氣電視男角色,最爆就係他直斥無綫總經理曾志偉唔得民心,林敏驄在台上爆肚話:「今日153有冇嚟先?我見193喺度,193唙度眼超超咁,153有冇嚟?193問153有冇嚟,有嚟揼到佢變143。都唔得民心,你做呢個位有咩用呀?係咪呀?講真話,睇幾好反應,再嘈揼到佢133或者123……」佢話153做高層做到咁,唔得人心,台下觀眾大拍手掌,林敏驄沾沾自喜話「講真話幾受歡迎」,旁邊嘅森美不停拉住佢都無用。

萬千星輝頒獎典禮 花生位 Yahoo搜尋人氣大獎 Yahoo 林敏聰講153講唔停,森美拉都拉唔住。
林敏驄講153講唔停,森美拉都拉唔住。(圖片來源:Yahoo搜尋人氣大獎影片截圖)
萬千星輝頒獎典禮 花生位 林敏驄上獎門人,因在曾志偉耳邊按喇叭,一秒激嬲曾志偉!
林敏驄上獎門人,因在曾志偉耳邊按喇叭,一秒激嬲曾志偉!(圖片來源:YouTube@See Saw 先截圖)

曾志偉裸跑走數 林敏驄:你第一日識佢咩?

而《下流上車族》大結局當晚,曾志偉現身支持劇組,被問到和林敏驄的收視約定時,他笑言:「裸跑嗎,我依家去街市買緊隻『螺』。」林敏驄表示一早預計曾志偉「唔認數」,更反問:「你第一日識佢咩?」

萬千星輝頒獎典禮 花生位 下流上車族 曾志偉現身,笑談與林敏聰之約。
曾志偉現身,笑談與林敏驄裸跑之約。(圖片來源:TVB 娛樂新聞台)

花生2:《開心無敵獎門人》奪獎 曾志偉唔肯上台

今年「最佳綜藝節目」由《開心無敵獎門人》奪獎,獎老錢嘉樂、阮兆祥都有上台領獎,相反節目的核心人物「獎門人」曾志偉未知是否為了身份問題,一度不願上台,要等錢嘉樂請先肯上,在上台後亦避嫌不發言。

萬千星輝頒獎典禮 花生位 「獎門人」曾志偉一度不願意上台,要等錢嘉樂開口,先肯上台授獎。
「獎門人」曾志偉一度不願意上台,要等錢嘉樂開口,先肯上台授獎。(圖片來源:東方新地)
萬千星輝頒獎典禮 花生位 上到台之後依然冇發言,非常避忌。
上到台之後依然冇發言,非常避忌。(圖片來源:東方新地)

花生3:《萬千星輝賀台慶》都有得攞獎?

今年最騎呢位絕對是《萬千星輝賀台慶》獲封「最佳年度及特備節目」一事,不少網民一聽賽果都大跌眼鏡,紛紛留言:「可唔可以每一年頒返俾上年頒獎禮」、「今次真係自己頒俾自己」、「今年台慶係歷界最垃圾」等。

萬千星輝頒獎典禮 花生位
(圖片來源:網民留言截圖)
萬千星輝頒獎典禮 花生位
(圖片來源:網民留言截圖)
萬千星輝頒獎典禮 花生位
(圖片來源:網民留言截圖)
萬千星輝頒獎典禮 花生位
(圖片來源:網民留言截圖)
萬千星輝頒獎典禮 花生位
(圖片來源:網民留言截圖)

花生4:穿越到2002年頒獎典禮?

今次頒獎典禮有不少曾經擔任過經典角色的星級嘉賓到場頒獎,可是未知是否因為《萬千星輝頒獎典禮2022》的名字太繑口,吳啟華、湯寶如等人都口誤講成「萬千星輝頒獎典禮2002」,無論係嘉賓定頒獎典禮個名都成功穿越到2002年!

萬千星輝頒獎典禮 花生位 吳啟華、湯寶如等人都口誤講成「萬千星輝頒獎典禮2002」
吳啟華、湯寶如等人都口誤講成「萬千星輝頒獎典禮2002」(圖片來源:東方新地)

花生6:曾勵珍獲「萬千光輝演藝大獎」

每年必定聽到的「多謝珍姐」的主角曾勵珍,今年在《愛回家》一班演員和曾志偉手上獲得「萬千光輝演藝大獎」。曾勵珍獲獎的時候,全場都起立拍手祝賀。首次獲獎的曾勵珍都非常驚喜,一上台之後仲即刻反問曾志偉:「明明我地開會嘅時候唔係咁講㗎喎」,引起全場大笑。

萬千星輝頒獎典禮 花生位 曾勵珍在曾志偉和《愛回家》一班演員的手上接過「萬千光輝演藝大獎」
曾勵珍在曾志偉和《愛回家》一班演員的手上接過「萬千光輝演藝大獎」(圖片來源:東方新地)
萬千星輝頒獎典禮 花生位 首次獲獎的珍姐都忍不住落淚,仲拿起有份贊助嘅紙巾牌子嚟抹眼淚!
首次獲獎的珍姐都忍不住落淚,仲拿起有份贊助嘅紙巾牌子嚟抹眼淚!(圖片來源:東方新地)

花生5:郭可盈殘爆登場:成個林建明咁

多位久無露面的演員都有出席頒獎典禮,其中頒發「最受歡迎電視男角色」和「最佳男主角」的郭可盈就殘爆登場,更加撞樣林建明,嚇親一班網民。相反今年已經66歲的呂良偉依然保養得非常好,皮膚緊緻過一班小生!

萬千星輝頒獎典禮 花生位 久無露面的郭可盈殘爆登場,相反今年已經66歲的呂良偉依然保養得非常好,皮膚緊緻過一班小生!
久無露面的郭可盈殘爆登場,相反今年已經66歲的呂良偉依然保養得非常好,皮膚緊緻過一班小生!(圖片來源:東方新地)
萬千星輝頒獎典禮 花生位 有網民更指郭可盈撞樣林建明
有網民更指郭可盈撞樣林建明(圖片來源:Facebook@林建明)

花生6:錢嘉樂條眉超唔自然 似足「王小虎」

除了郭可盈之外,有份攞「最佳綜藝節目」的錢嘉樂都被網民嘲笑佢條眉非常唔自然,除咗條眉短過對眼之餘,眉形仲要非常老套,同「王小虎眉」有異曲同工之妙!

萬千星輝頒獎典禮 花生位 有份攞「最佳綜藝節目」的錢嘉樂都被網民嘲笑佢條眉非常唔自然
有份攞「最佳綜藝節目」的錢嘉樂都被網民嘲笑佢條眉非常唔自然(圖片來源:《萬千星輝頒獎典禮2022》截圖)
萬千星輝頒獎典禮 花生位 又深色又短過對眼,非常奇怪
又深色又短過對眼,非常奇怪(圖片來源:《萬千星輝頒獎典禮2022》截圖)
萬千星輝頒獎典禮 花生位 同《百變星君》入面嘅「王小虎眉」有異曲同工之妙
同《百變星君》入面嘅「王小虎眉」有異曲同工之妙(圖片來源:《百變星君》劇照)

花生7:周奕瑋主持全個SHOW 成功hold成個大局

去年11月舉行的台慶大會司儀陣容鼎盛,史無前例由汪明荃、陳貝兒、陳百祥、鄧梓峰等20位星級主持組成龐大司儀陣容。今次《萬千星輝頒獎典禮2022》就只有周奕瑋一個主持,雖然周奕瑋名氣不大,主持大型節目的經驗亦不算多,但依然能夠毫無甩漏咁撐住場面,成功hold成個大局!

萬千星輝頒獎典禮 花生位 雖然今次頒獎典禮只有周奕瑋一個主持,但依然表現唔錯、冇甩漏,成功hold成個大局。
雖然今次頒獎典禮只有周奕瑋一個主持,但依然表現唔錯、冇甩漏,成功hold成個大局。(圖片來源:TVB《萬千星輝頒獎典禮2022》截圖)

花生8:廣告期間一班藝人掛住玩電話

除了台上有睇頭之外,台下亦有不少花生位,一班藝人在廣告期間都只顧玩手機、補妝,大家都未有交談,肥媽仲要悶到扁曬嘴添。

萬千星輝頒獎典禮 花生位 肥媽悶到扁曬嘴。
肥媽悶到扁曬嘴。(圖片來源:東方新地)
萬千星輝頒獎典禮 花生位 After Class三位有份出席頒獎典禮嘅成員都只顧低頭玩電弧
After Class三位有份出席頒獎典禮嘅成員都只顧低頭玩電弧(圖片來源:東方新地)
萬千星輝頒獎典禮 花生位 唔係玩電話就補妝,大家都冇互相交談
唔係玩電話就補妝,大家都冇互相交談(圖片來源:東方新地)

花生9:龔嘉欣得罪陳瀅冇運行 排排坐互當透明

33歲龔嘉欣早前暗寸受TVB力捧的陳瀅,並表示:「我都係捱返嚟,19歲簽畀TVB,由一個小蕃薯捱吓捱吓到而家都好感恩。」而令她參演的劇集《新四十二章》屢被抽起延播,連視后10強名單亦沒有她的名字,只入圍「最受歡迎電視女角色」。龔嘉欣對未能入圍視后直認感到失望及愕然。今晚二人排排坐互當透明,中間隔住劉佩玥,當劉佩玥攞馬來西亞最喜愛TVB女主角,龔嘉欣亦交足戲!

萬千星輝頒獎典禮 花生位 劉佩玥攞馬來西亞最喜愛TVB女主角,龔嘉欣交足戲!
劉佩玥攞馬來西亞最喜愛TVB女主角,龔嘉欣交足戲!(圖片來源:TVB截圖)
萬千星輝頒獎典禮 花生位 陳瀅和龔嘉欣互當透明。
陳瀅和龔嘉欣互當透明。(圖片來源:TVB截圖)
萬千星輝頒獎典禮 花生位 萬千星輝頒獎典禮 龔嘉欣 萬千星輝頒獎典禮 視帝 視后 最佳劇集 龔嘉欣及陳瀅自日前傳不和後首度同場現身,但企到離行離迾,龔嘉欣沒有入圍視后,只憑一套《十八年後的終極告白2.0》入圍「最受歡迎電視女角色」,陳瀅順利憑《美麗戰場》入圍視后,明顯先輸一仗。
龔嘉欣及陳瀅自日前傳不和後首度同場現身,但企到離行離迾,龔嘉欣沒有入圍視后,只憑一套《十八年後的終極告白2.0》入圍「最受歡迎電視女角色」,陳瀅順利憑《美麗戰場》入圍視后,明顯先輸一仗。(圖片來源:娛樂新聞台截圖)
萬千星輝頒獎典禮 花生位 萬千星輝頒獎典禮 龔嘉欣 萬千星輝頒獎典禮 視帝 視后 最佳劇集 龔嘉欣講到眼濕濕,江美儀卻在忍笑!
龔嘉欣講到眼濕濕,江美儀卻在忍笑!(圖片來源:娛樂新聞台截圖)

花生10:宣傳照P圖出事!網民:個設計批咗俾淘寶做?

TVB早前亦發放了有份角逐主要獎項的藝人宣傳照。不過今次TVB宣傳照懷疑太過慳水慳力,光用P圖了事,搞到全部藝人都同背景顯得格格不入!大部分照片都出現偏紅的情況,特別以汪明荃的宣傳照為例,身穿一身高貴晚裝裙的汪阿姐,塊面卻被P到好似飲醉酒一樣。部分女藝人更因為姿勢問題,搞到出來的效果變得非常滑稽,例如羅毓儀就成個人「凌空」咗;江美儀就突然變成抬高腳嘅大叔姿勢。

萬千星輝頒獎典禮 花生位 身穿一身高貴晚裝裙的汪阿姐,塊面卻被P到好似飲醉酒一樣。
身穿一身高貴晚裝裙的汪阿姐,塊面卻被P到好似飲醉酒一樣。(圖片來源:TVB
萬千星輝頒獎典禮 花生位 羅毓儀就成個人「凌空」咗!
羅毓儀就成個人「凌空」咗!(圖片來源:TVB)

花生11 :藝人用約換獎潛規則?

大部份TVB藝人上台領獎時都不忘感謝「樂小姐」,足證無綫高屬樂易玲在電視城內舉足輕重。對於每次頒獎禮都有續約換獎的新聞,樂易玲曾於訪問中回應,大數過去與無綫無合約的藝人,同樣能在頒獎禮上獲獎,當中包括有黃子華、惠英紅和已脫離無綫的鄭嘉穎等,樂易玲在訪問中指在公司立場,攞奬的藝人願意為無綫拍攝當然是好事!

萬千星輝頒獎典禮 花生位 頒獎禮鏡頭不斷影住各大高層。
頒獎禮鏡頭不斷影住各大高層。(圖片來源:TVB截圖)

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!

圖片來源:東方新地、《萬千星輝頒獎典禮2022》截圖、娛樂新聞台截圖、Yahoo搜尋人氣大獎影片截圖