蘇施黃

蘇施黃教煮頻道會員制索價月費$800惹網民不滿 睇埋收費內容先知值唔值

最新娛聞

廣告

由DJ轉型做飲食節目的蘇施黃,近年做埋飲食界KOL,開YouTube channel拍Vlog,題材由生活Vlog、餐廳開箱甚至拍片教煮都有,近日更宣佈大搞收費會員制,不過網民普遍唔多Buy!

頻頻出片 兩年儲16萬粉絲

蘇施黃的YouTube channel「教煮蘇 This is So good」在2020年創立,開台兩年,片量豐富,多達300條,目前超過16萬人訂閱。近日她基於剪片費用高昂而決定實施會員制,以後要看教煮片一定要付費付到特定金額為才可收看,並以不同的收費將粉絲分為「合桃蘇」、「鳳梨蘇」及「蝴蝶蘇」。

蘇施黃會在channel拍教煮片。
蘇施黃會在channel拍教煮片。(圖片來源:YouTube Channel@教煮蘇 This is So good )

蘇施黃「合桃蘇」$80級無片睇

當中最低Level為「合桃蘇」,每月收費$80,沒有收看教煮片的權限,只可得到用蘇施黃頭像所製作的emoji sticker,做滿12個月「合桃蘇」,則可得到禮物一份。

「合桃蘇」的月費$80,只有一堆蘇施黃的emoji sticker,連續參加12個月先有一份禮物,連睇教煮片資格都無。
「合桃蘇」的月費$80,只有一堆蘇施黃的emoji sticker,連續參加12個月先有一份禮物,連睇教煮片資格都無。(圖片來源:YouTube Channel@教煮蘇 This is So good)

蘇施黃「鳳梨蘇」$400級月睇兩片

而「鳳梨蘇」的收費則為每月$400,除了可得到emoji sticker、做滿12個月會員可得到禮物一份之外,可收看教煮片,但沒有中英文字幕的基本版。

蘇施黃 「鳳梨蘇」收費每月$400,可以睇無字幕的教煮片!
「鳳梨蘇」收費每月$400,可以睇無字幕的教煮片!(圖片來源:YouTube Channel@教煮蘇 This is So good)

蘇施黃「蝴蝶蘇」承惠$800-有資格參加自費活動

最高Level的「蝴蝶蘇」月費為$800,每月可收看不少於兩條教煮片,上片後將安排所有「蝴蝶蘇」與蘇施黃Zoom Chat 1小時,讓蘇施黃與鐵粉互相交流。同時亦可購買由阿蘇推薦的有機菜及肉類,阿蘇直言‌:「唔洗運費,當然啦,買嘢梗係要比錢啦!八舊水唔通養埋你全家咩!」。另一「福利」就是連續課金六個月的「蝴蝶蘇」,可參加阿蘇舉辦的活動:「可能係行山呀、食嘢呀,唔知㗎!當然係自費啦!」,連續課金12個月,亦會得到禮物一份。

蘇施黃 收費最貴的「蝴蝶蘇」,盛惠每月$800,有片睇、可以買有機菜,仲可以自費參加阿蘇主辦的活動,不過有什活動?暫時未知!
收費最貴的「蝴蝶蘇」,盛惠每月$800,有片睇、可以買有機菜,仲可以自費參加阿蘇主辦的活動,不過有什活動?暫時未知!(圖片來源:YouTube Channel@教煮蘇 This is So good)

網友一面倒鬧搶錢 揚言unfollow兼改睇肥媽

將粉絲按課金程度分類,而且索價最貴一個月$800,令一眾網民嘩然,幾乎一面倒鬧阿蘇搶錢,直言教煮片YouTube有很多,不少網民揚言unfollow,又指$800看兩條教煮片,按年計$9,600不如出街食!不過,仍然有鐵粉力撐,指外國有不少youtuber都會按收費等級分類。

蘇施黃
(圖片來源:YouTube截圖)
蘇施黃
(圖片來源:YouTube截圖)
蘇施黃
(圖片來源:香港討論區截圖)
蘇施黃
(圖片來源:YouTube截圖)
蘇施黃 不過仍有少數鐵粉力撐。
另一方面亦有鐵粉力撐。(圖片來源:YouTube Channel@教煮蘇 This is So good留言)

不如直接聽吓佢點講:

蘇施黃曾捲「茶包事件」被重提

一向惹火頭的蘇施黃,最為人熟悉的一定是「茶包事件」,今次會員制事件更令她被舊事重提。蘇施黃在2014年到銅鑼灣皇冠假日酒店飲茶,要求店員提供三杯,每杯兩個茶包的English tea,店員表明需要收兩杯茶錢,阿蘇當時直言:「你敢收就得嘞!」,最後酒店收取六杯English tea費用,阿蘇就將對方的「惡行」在網上公開,以「cheap精惡行」形容之餘並叫網友廣傳,不過當時網友認為她恃住自己的名氣去索取利益,無法得到利益就發難,阿蘇曾鬧「茶包一個值幾多錢呢,三個茶包就立即可以損害Crown Hotel的聲譽」,反被網友串她「茶包一個值幾多錢呢,三個茶包就立即可以損害蘇施黃的聲譽。」

蘇施黃 阿蘇2014年網上公審銅鑼灣皇冠假日酒店飲茶飲茶收Double,結果被網友反指她恃住自己的名氣去索取利益。
阿蘇2014年網上公審銅鑼灣皇冠假日酒店飲茶飲茶收Double,結果被網友反指她恃住自己的名氣去索取利益。(圖片來源:網上圖片)

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!

關鍵詞
蘇施黃
撰文:東方新地圖片來源:YouTube Channel@教煮蘇 This is So good