虎年娛圈預測

虎年娛圈預測|馬國明湯洛雯紅鸞星動 唐詩詠姚子羚齊行桃花運

最新娛聞

廣告

去年牛年娛樂圈喜事一籮籮,特別多人結婚生仔,今年虎年又如何呢?本刊請來著名玄學家吳佩孚,為虎年娛圈預測,其實未婚的星級情侶已經所剩無幾,單身花旦反而仲有好幾個。

撰文:東方新地 圖片:新傳媒資料庫

馬國明 湯洛雯有結婚卦象

19年黃心穎「安心偷食」,馬國明焉知非福,未幾與湯洛雯一拍即合,20年6月公開戀情,拍拖至今依然甜如蜜,還屢傳婚訊,對於47歲的馬國明與34歲的湯洛雯能否修成正果,吳佩孚:「馬國明同湯洛雯今年結婚機會好大,睇佢哋兩個嘅姓名,都有結婚嘅卦象,本身嚟講佢哋都係三合,會紅鸞星動。」

馬國明與湯洛雯拍拖未夠兩年,不過戀情穩定,看來打風都打唔甩。(圖片來源:新傳媒資料庫)
馬國明與湯洛雯拍拖未夠兩年,不過戀情穩定,看來打風都打唔甩。(圖片來源:新傳媒資料庫)
湯洛雯今年有機會做虎年新娘。(圖片來源:IG@roxannetong)
湯洛雯今年有機會做虎年新娘。(圖片來源:IG@roxannetong)

張振朗 楊偲泳維持現狀

張振朗曾與無綫女藝人陳芷尤拍拖多年,18年分手後翌年宣布與當年的ViuTV女藝人楊偲泳撻著,因為公司關係一直低調拍拖,近年上位做一線小生的張振朗,雖然要在事業上衝刺,不過未有冷落女友。吳佩孚指34歲的張振朗與28歲楊偲泳感情穩定:「張振朗同楊偲泳呢一pair今年結婚就未必會,但佢哋拍拖就好順利,或者更進一步同居,但暫時唔會真真正正結婚。」

張振朗與楊偲泳曾被本刊影到甜蜜遊公園,不時深情對望。(圖片來源:新傳媒資料庫)
張振朗與楊偲泳曾被本刊影到甜蜜遊公園,不時深情對望。(圖片來源:新傳媒資料庫)
張振朗去年為《拳王》操肌鍛鍊,付出有目共睹。(圖片來源:IG@owencheung)
張振朗去年為《拳王》操肌鍛鍊,付出有目共睹。(圖片來源:IG@owencheung)

唐詩詠 桃花運到

40歲的唐詩詠多年來感情運都麻麻,與崔建邦、洪永城拍拖多年都分手收場,前年與升學顧問陳思銘過從甚密到最後都情感歸零,吳佩孚:「唐詩詠本身個名係水土相剋嘅佈局,今年虎年會有戀情開始,姻緣運有好轉,可能桃花會旺啲,有心儀對象出現。」

唐詩詠每逢新年都去繞住桃花行,望遇到好姻緣。(圖片來源:新傳媒資料庫)
唐詩詠每逢新年都去繞住桃花行,望遇到好姻緣。(圖片來源:新傳媒資料庫)
唐詩詠多次被斷正與陳思銘約會,不過從來唔肯認愛。(圖片來源:新傳媒資料庫)
唐詩詠多次被斷正與陳思銘約會,不過從來唔肯認愛。(圖片來源:新傳媒資料庫)
唐詩詠的感情路並不平坦。`(圖片來源:IG@natalietong53)
唐詩詠的感情路並不平坦。`(圖片來源:IG@natalietong53)

姚子羚 有機會脫單

入行20年自稱最老花旦的姚子羚今年41歲,與前男友「的士邦」鄭子邦去到談婚論嫁都撻Q,多年來姻緣運都麻麻。吳佩孚:「姚子羚個名本身都係水土相剋,佢帶住紫微六害,今年壬寅老虎年佢喺感情上有可能脫單,或者有一個比較好嘅男性追求佢,桃花運唔錯。」

41歲的姚子羚多年來尋尋覓覓都未見有好姻緣。(圖片來源:IG@elaine_yiu)
41歲的姚子羚多年來尋尋覓覓都未見有好姻緣。(圖片來源:IG@elaine_yiu)
姚子羚與的士邦拍拖多年見晒家長,有指最後因姚子羚催婚過度而分手收場。(圖片來源:新傳媒資料庫)
姚子羚與的士邦拍拖多年見晒家長,有指最後因姚子羚催婚過度而分手收場。(圖片來源:新傳媒資料庫)
姚子羚與唐詩詠差唔多同期出道,就連命格都相似,同樣年過40都未搵到好歸宿。(圖片來源:新傳媒資料庫)
姚子羚與唐詩詠差唔多同期出道,就連命格都相似,同樣年過40都未搵到好歸宿。(圖片來源:新傳媒資料庫)

練美絹 犯太歲感情失意

近年在ViuTV做主持人氣勁旺的練美娟,32歲依然單身,去年曾被七師傅爆肥仔@ERROR對她有意,不過都係唔過電。吳佩孚:「練美娟本身屬蛇,今年感情會差啲,因為犯太歲,同埋六害太歲,所以感情路上會失意啲。」

去年曾傳出肥仔對娟姐有意思,不過娟姐就話介意男朋友矮過佢。(圖片來源:IG@linkuen13)
去年曾傳出肥仔對娟姐有意思,不過娟姐就話介意男朋友矮過佢。(圖片來源:IG@linkuen13)
娟姐其實條件唔差,不過緣份未到。(圖片來源:IG@linkuen13)
娟姐其實條件唔差,不過緣份未到。(圖片來源:IG@linkuen13)
本刊請來著名玄學家吳佩孚預測虎年藝人運程。(圖片來源:吳佩孚提供)
本刊請來著名玄學家吳佩孚預測虎年藝人運程。(圖片來源:吳佩孚提供)

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!