蝦頭船P大露波邊撼贏一眾女星 邊個著泳衣最吸睛？
撰文：東方新地｜圖片：Instagram、新傳媒圖片庫
船P鬥性感泳衣
日前，一班藝人為咗留下夏天一個美好回憶，於是約成大班人出去船p，除咗玩水，仲開live玩埋busking。不過最吸引都係女星們著住性感泳衣，大派福利！有魔鬼胸之稱嘅蔚雨芯出哂名上圍強勁，今次佢就著起白色喱士泳衣，大玩透視誘惑！
雖然今次Rainky唔騷事業線，但依然夠性感， 一身白色衣著，再加白嫩皮膚，認真青春無敵！
同場另一位藝人王子涵亦有參與今次船P，見佢著上淺藍色比堅尼大晒弗爆身材，同樣青春逼人！
唔知係咪著泳衣就一定要擺個扎頭髮嘅甫士，見啱先Rainky都有做同樣甫士影相，難道係指定動作？
蝦頭大露波邊
嗱！重點嚟啦！就係蝦頭雖然只著上一件頭泳衣加絲質披肩上陣，但一啲都唔會比以上兩位女星比下去！皆因蝦頭中門大開勁騷逼爆上圍，露出波邊嘅佢勁吸睛！
蝦頭極罕三點式
早前阿Bob同一班無綫藝員到惠洲為《大玩特玩》拍外景，42歲蝦平時相當密實，以紅色比堅尼上陣，大家至知佢好有事業心，阿Bob對眼望咗去邊？！
🦐頭嘅膽固醇係比較高嘅…未必人人受得到…各位保重😂😂😂 #Repost @bob_lamshingbun with @get_repost ・・・ 無論我老婆send咩相俾我， 有d嘢真係忍唔住…………
A post shared byHatou 蝦頭 楊詩敏(@yeunghatou) on
在大合照上，蝦頭居然拉開潛水衣拉鍊，露出紅色三點式，深藏不露咪呢啲囉！物以罕為貴，蝦頭咁樣露兩手，網民高度關注，個個對眼變咗把尺，話目測至少有「D」……
今輯 大玩特玩 消暑篇 真係好多嘢睇！ 😍😍 日日笑到甩肺多謝呢班癲喪狂嘅友仔😘😘😘😘😘😘
A post shared byHatou 蝦頭 楊詩敏(@yeunghatou) on
大玩特玩 消暑篇 惠州站 拍攝順利完成！ 辛苦哂各位台前幕後嘅手足同事👏🏻👏🏻👏🏻👏🏻 今個暑假一定笑聲滿載😄😄 特別喜歡這張照片😍😍 thx @dominic_hhm
A post shared byHatou 蝦頭 楊詩敏(@yeunghatou) on
晒完胸再晒腿
晒完胸，蝦頭再益街坊，同林秀怡紮孖辮晒長腿，蝦頭笑話：「孖辮長腿係適合我㗎，我同秀怡會組隊好蝦秀，進軍韓國市場，係咪有得做先？」點解睇落蝦頭好似高咗幾吋？
孖辮長腿係適合我㗎 👯👯👯 我同秀怡會組隊 #好蝦秀 進軍韓國市場，係咪有得做先？🤣👯👯👯 #大玩特玩消暑篇 #無違和 #rose執相超勁又快
A post shared byHatou 蝦頭 楊詩敏(@yeunghatou) on
蝦頭真係瘦咗好多，名副其實有前有後！
呢2個係邊個？ #大玩特玩消暑篇 #ashworklife
A post shared by朱智賢 Ashley(@ashley_ellabel) on
大玩特玩 消暑篇 ！ ☀️☀️☀️☀️☀️☀️ 我哋喺惠州暢泳中！笑到甩肺！ 🤣🤣🤣🤣🤣🤣🤣🤣🤣
A post shared byHatou 蝦頭 楊詩敏(@yeunghatou) on
大玩特玩江門篇，完成； 下一站惠州，我哋嚟嘞！ 講明先，我冇谷㗎，我急屎咋….
A post shared byBob Lam(@bob_lamshingbun) on
大家唔好催我啦， 有嘞，女呀喂…….
A post shared byBob Lam(@bob_lamshingbun) on
連續幾日《美女廚房》不停食食食， 呢個禮拜《大玩特玩》不停玩玩玩。 放心，福利圖聽日有，睇住d仔先！
A post shared byBob Lam(@bob_lamshingbun) on
邵子風 4月宣布同蝦頭分手
網友大讚楊詩敏（蝦頭）身材噴血！仲話佢前度邵子風走寶！
蝦頭同經理人邵子風自2015年起拍拖， 人前人後一直相當恩愛。但今年4月初邵子風突然在網上宣布「分」訊，稱兩人其實早在去年6月已經分手，強調分手不涉及第三者；另外邵子風又感激蝦頭，指對方喺分手至今10個月以來，依然「假裝」女友如常出席親友聚會。
邵子風又非常感激蝦頭，指對方給予受抑鬱症困擾的自己無限支持，邵子風更揚言如果人生中唔係遇上蝦頭，可能已經自殺了！
邵子風「分」訊全文如下：
邵子風 嘟嘴索吻
雖然生得矮又其貌不揚，但恃住吹得幾嘴，邵子風即使有正印女友蝦頭，仍經常口花花撩女仔。就在他宣布分手前，本刊斷正佢同貌似蝦頭的肉肉女視像，當日傍晚時分，邵子風一個人揸車出動，去九龍城街市買火鍋材料，見他買餸期間亦忙於睇手機，還以為他同女友蝦頭聯絡，誰知急急腳返上車廂的邵子風，開埋視像媾女對話，睇真啲，原來視像對象，並唔係女友蝦頭，是皮膚白滑的年輕肉肉女，見佢陶醉到不停嘟晒嘴向女方索吻，互相挑逗了差不多十分鐘。同一時間，蝦頭當時跟翟威廉丶周志文等又彈又唱，直播「Happy Live」當中。
蝦頭被問到邵子風啜女一事，睇相仍扮鎮定幫男友苦撐：「佢講嘢嘟嘴啫！我有時講嘢都嘟嘴啦！」但其實佢當時已同邵子風分手多時，只是她仍一直幫前度男友扮女朋友，真是傻女！
服侍周到
現年42歲的蝦頭，15年被爆撻著經理人邵子風，二人極速在西貢同居，當時就有指蝦頭撬好姊妹，同是邵子風旗下的龍小菌牆腳，不過，即使邵子風曾同龍小菌拖手行街被斷正，當時邵仍否認同過小菌拍拖，只承認對方是好朋友同工作夥伴，蝦頭為撐男友閃爆認愛，又指同龍小菌是好朋友，最終龍小菌輸家離場。
躁鬱症拖婚
可惜，明知女友已屆42歲高齡的邵子風仍未肯定落嚟畀名份蝦頭，之前佢被問到幾時娶女友過門，更以有躁鬱症做藉口，話「唔知自己擺得幾耐!」一味拖婚。
其實在斷正啜女前，邵子風已多次被拍到單拖約女，同前度龍小菌亦經常以工作為由唔避忌單獨約會，每次邵子風都氹得女方好開心。據知情者透露：「我哋都知阿Dean同小菌一齊過，不過嗰時小菌事業啱啱起步，佢哋拍得好低調，後尾蝦頭簽咗畀Dean，兩個仲情侶檔演出好快就撻著咗，嗰時小菌知道但好似畀人灌迷湯一樣。阿Dean好識冧女，亦從來冇放棄過個森林，畀佢睇中嘅女仔都係唔好彩啦！」
