衛斯理

衛斯理慘被改到離晒譜 《支離人》膠位多多觀眾冇眼睇

最新娛聞

廣告

《冒險王衛斯理之支離人》昨晚一連播出兩集,余文樂飾演衛斯理,配上「晶女郎」胡然飾演的白素。衛斯理系列固然有吸引力,不過今次劇集情節同原著大相徑庭,人物設定亂晒大籠,膠位多多,相信倪匡老師都冇眼睇…

撰文:東方新地|圖片:劇集截圖、劇照

王晶客串外星人

第一集開始不久,就見到劇集監製王晶自己出來客串一角,客串一隻叫「大食」之類的外星人,冇眼耳鼻,得個大口,見到咩都食晒落肚… 由王晶演似乎幾適合。

衛斯理爸媽登場?

劇集中,吳啟華同陳法蓉飾演主角衛斯理的父母,兩人原來係考古學家,多年前唔知點解一家三口齊齊去闖古墓,最後兩人為保護兒子被怪物捉走,所以年幼的衛斯理只能獨自離開埃及…

機械管家又出現

原著中衛斯理家中的老管家老蔡唔見咗,反而多咗個據稱服侍了衛家幾代人的機械管家阿七,阿七上身係人樣下半身係機械腳,真係即時令人王晶先生另一大作《賭城風雲》中,周潤發個機械管家傻強。

高科技過復仇者

余文樂版本的衛斯理,演技如何就見仁見智啦,不過小編起覺得起碼樂仔一身衣著夠晒有型。除了有靚衫外,呢次劇仔中的衛斯理仲有好多高科技裝備,好似呢部可以飛得高過大貨車的電單車,有藍色防護罩擋下所有攻擊,撳個掣仲可以發射火箭炮!係咪睇緊《復仇者聯盟》?

「晶女郎」胡然晒身材

《衛斯理》系列的女主角白素,今次劇集中由「晶女郎」胡然飾演,職業設定為國際刑警,喺劇集中唔多展示到聰明絕頂同身手敏捷的一面,因為最重要的任務,當然就同歷代晶女郎一樣,就係騷身材!

其中一幕見到胡然一身白色性感睡衣,狂谷34E噴血身材,又有白滑美腿,晶女郎果然唔會令人失望!

張秀文除衫露Bra

劇中晒身材的又點止胡然,仲有大台咪神代表張秀文!劇情講述佢被支離人林家棟捉住,家棟一句「我點知你身上有無收埋武器」,楚楚可憐的秀文只好就範,慢慢將上衣脫下… 其實無啦啦做咩要有除衫情節呢?

張秀文個樣實在我見猶憐,露出粉紅色內衣,大騷豐滿上圍,短短幾秒已經非常吸睛!

白老大變國際刑警

劇情方面有讚有彈,但如果話任達華係全劇最有型一人,相信人人都同意!63歲華哥在劇中飾演白老大,原著中白老大為地下組織青幫的長老,在江湖上赫赫有名,武功高強,係個行事瀟灑磊落的大人物。不過今次華哥演的白老大就被設定為國際刑警元老級領導,大家叫聲「白Sir」…

既然白老大變國際刑警,白老大個仔白奇偉都順理成章一齊做國際刑警,不過每次何浩文出場都總係有種「鴨王」影子…

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!