衛蘭

衛蘭後繼有人 邊位女星咁縮骨⋯

最新娛聞

廣告

09年底,衛蘭推出的唱片《Wish》,其封面以高難度瑜伽動作為主題,結果慘被網民改圖,成為萬能Key。相信大家對於呢張圖都記憶猶新,估唔到多年後嘅今日後繼有人,早前女歌手連詩雅(Shiga)喺IG拍片表演呢個高難度動作,一take過自己完成,做完連佢都忍唔住爆笑,睇唔出佢咁縮骨⋯

撰文:東方新地|圖片:Shiga@IG

衛蘭後繼有人連詩雅表演縮骨功

女歌手連詩雅拍短片上載到其IG,話要同大家分享一個小秘密,而且係最近新練成的,原來Shiga要表演呢個高難度動作,就係將一雙腿遞高放到頭後⋯

結果,梗係難唔倒有做開瑜伽嘅Shiga啦!佢一take過自己完成,唔使人幫手,對腳成功hold住幾秒,做完連佢自己都忍唔住爆笑,唔知Shiga會唔會學衛蘭咁影番個縮骨功主題封套呢?

衛蘭呢個瑜伽甫士嘅唱片封套,畀人笑咗咁多年,係就係騎呢啲,但至少都有人記得喎!再講,衛蘭係sell唱功,其他都唔重要!

意大利晒微波

近日Shiga應時裝品牌邀請去意大利工作,在當地一個小鎮拍攝硬照,搭十幾個鐘飛機逗留3日2夜,見佢著住泳衣同晒長腿,行小性感!

Shiga呢件白色衫其實係泳衣嚟,睇吓外藉女模穿上同款泳衣,Model出身嘅Shiga其實都著得好好睇!

Shiga留言話:「雖然行程很緊密,但係很有滿足感,很開心,遇到很多新朋友,感受到很多的熱情,很快就愛上這個小鎮,希望有一天可以再來這個羅密歐與茱麗葉定情的那個地方,真的去感受一下浪漫的氣氛,轉轉眼已經回到香港好好休息一回晚上繼續工作。」

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!