袁偉豪

袁偉豪自拍浸牛奶浴 自摸露點騷腳趾

最新娛聞

廣告

話要為女友張寶兒禁慾嘅袁偉豪,近日出咗個筍trip,受品牌邀請去咗尼泊爾去了解保育小熊貓計劃,大會安排全程六星級享受,入住豪華靚resort,袁偉豪一人獨享獨立屋,夜晚仲歎番個玫瑰花牛奶浴㖭,咁happy,阿Ben立即同大家開心些牙,自拍浸緊牛奶浴片段上IG,有胸有腳睇,夠晒香艷﹗可惜女友張寶兒未有同行⋯⋯

撰文:東方新地

圖片:袁偉豪Instagram岑樂怡Insatgram

袁偉豪 自摸嗌爽

袁偉豪平時拍劇,日拍夜拍,挨更抵夜冇覺好瞓。近日獲品牌邀請去尼泊爾,一聽尼泊爾大家只諗到落後,仲以為袁偉豪去體驗生活,錯喇﹗今次大會安排阿Ben食好住好,全程六星級,入住豪華resort。夜晚食完dinner返自己間resort,已經有人校好水落晒玫瑰花瓣嘅牛奶浴,等阿Ben食飽去享受。阿Ben雖然自己獨自享受,不過唔自私浸,立即將浸浴過程拍片直擊放上IG供大家欣賞。阿Ben拎住部電話自拍,半個身浸咗喺個牛奶浴度,半裸露出佢兩塊雞扒胸,仲對住鏡頭掃胸,用把好磁性嘅聲嗌爽﹗這些機會唔止張寶兒獨享喇﹗大家都有得睇﹗

剝衫做瑜伽

袁偉豪每日被安排有不同活動及體驗,呢日就邊享受日光浴邊做瑜伽,阿Ben索性剝去上衣,練得一身好肌肉唔騷等幾時先?同行嘅另一嘉賓係ViuTV嘅阿妹岑樂怡,見到阿Ben除衫,立即吹晒口哨,不停近鏡遠鏡影低阿Ben一副弗body。

袁偉豪晒畫功 阿妹都讚好

袁偉豪唔止睇得,仲畫得,即席畫咗一隻疑似貓科類動物,畫功唔錯。阿Ben呢幾日咁悠閒嘅工作,相信都叉足電,返嚟再拼過啦﹗

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!