袁偉豪39歲生日 與張寶兒買7千萬西貢星級盤 同周柏豪 王浩信 黃智雯做鄰居

袁偉豪同張寶兒呢一對已經係圈中公認嘅恩愛情侶，無論張寶兒講錯乜，甚至被鬧係「冇腦港姐」，袁偉豪都會為佢護航，相信打風都打唔甩。去年袁偉豪同成班好兄弟拉大隊恭喜陳山聰娶妻，袁偉豪同張寶兒自然會被催婚，有傳今年會係好日子，依家就孖住買樓同車位，不過寶兒就咁講…

撰文、圖片：東方新地

袁偉豪生日大日子，獲大班好朋友陳山聰、豹哥、胡蓓蔚等人為他慶祝，現場布置極盡心思，看來是由最貼心女友張寶兒經手。

其實當日下午，寶兒先返TVB錄影《學是學非》，當日被爆與男友擲七千萬買樓及車位，作為TVB小藝員，真係天價喎！寶兒被問到與袁偉豪聯名買樓，她謂：「我哋做過研究，計算過風險 先做投資嘅。」被求證七千萬買樓數字是否正確，寶兒就笑晒口話：「大概啦大概啦！」聯名買樓難免令人聯想到下一步是結婚，寶兒就有所保留：「呢刻係希望一齊做投資，但你話關於感情方面係點，呢個係兩個話題嚟嘅！那方面如果有任何update會再同大家講了。」買了樓寶兒話如果作為投資來說，人生多一個責任多一個動力來年要繼續努力，始終都迴避結婚話題。

眼光獨到 星級豪宅

原來投資眼光獨到的周柏豪，早在03年已做業主，當時把全副身家做首期，買入一個60多萬的居屋單位，之後樓換樓斬獲唔少。而他買的西貢單位正正是袁偉豪張寶兒聯名買入的傲瀧，此處位於清水灣，交通方便，環境清幽，王浩信同黃智雯都居於此，可算最新星級居所。

袁偉豪拉大隊賀兄弟做老襯 懶理被催婚

去年陳山聰娶妻，袁偉豪同成班好兄弟拉大隊到賀，其實陳山聰同女友Apple有情人終成 眷屬固然值得開心，不過好多人都好想知，到底幾時輪到袁偉豪同女朋友張寶兒呢？

事業愛情倆得利 38歲袁偉豪鋼條身形fit到爆

呢個問題被大家問咗好多次，亦都周不時盛傳好日子就係今年，不過當事人始終都係 嗰句，事業為重喎。咁又係，搵到對的人，其實又唔爭在嗰一時半刻嘅。重點係39歲嘅袁偉豪呢期絕對狀態大好，事業、愛情雙雙得利，兼且自律又勤力副偈愈操愈fit，日前一個 人頂住烈日喺寓所附近練跑，黑黑實實鋼條身形，呢個咁fit嘅狀態去影婚照好睇得喎！