西童

口罩小姐冠軍西童被揭同「中年阿叔」公幹 親自回應公開阿叔身份

最新娛聞

廣告

網紅「西童」梁茜童在爆冷奪得ViuTV《尾二一屆口罩小姐選舉》冠軍後,並無好似上屆口罩小姐冠軍「浩南」鄭伊琪一樣簽入ViuTV發展,反而係衝出香港,去到新加坡同馬來西亞,不過就被眼利的網民發現西童係同一位「中年阿叔」去公幹,引起網上熱討,對此西童選擇親自回應,仲公開埋阿叔的真正身份!

西童 西童近日去了新加坡和馬來西亞公幹。
西童近日去了新加坡和馬來西亞公幹。(圖片來源:IG@westtung)

西童同「中年阿叔」去公幹 網民:阿叔點忍?

西童今次公幹除咗大騷與偶像DJ Soda合照打碟,仲時不時分享下福利圖,有眼利網民就發現佢tag咗一位男士,原來就係同佢一齊去公幹的同伴,被網民翻出IG照片形容為「中年阿叔」!不過據西童對傳媒透露,這位被網民形容為「中年阿叔」的男士,其實是她的DJ師傅兼經理人,而今次的公幹是出去見識一下其他知名DJ,而且間Club仲包晒基本衣食住行,好過返電視台咁話!

西童 西童story tag咗「中年阿叔」令ig曝光
西童story tag咗「中年阿叔」令IG曝光(圖片來源:IG@westtung)
西童 西童直認被阿叔捉咗出街
西童直認被阿叔捉咗出街(圖片來源:IG@westtung)

西童強調:唔係去賣身

西童向傳媒強調今次的行程並非去賣身,而是好似特訓DJ團一樣,有機會見識到世界級網紅和DJ有幾認真工作及經營自己的事業,令她覺得自己要更加努力工作和學習。她又笑指網民所講的「中年阿叔」,個樣好似荒失失奇兵入面傻傻嗰隻企鵝,肥咗之後更有啲似minions!西童又特別為「阿叔」平反,指他雖然經常戴帽,但其實係有頭髮嘅,並非「光頭阿叔」!不過網上就有網民疑似爆料指:「跟親昵條呀叔D女都無運行,重痴埋去以為自己做明星,發明星夢!」

西童 西童在IG中tag出同「中年大叔」的合拼海報,預告將同對合作出騷。
西童在IG中tag出同「中年大叔」的合拼海報,預告將同對合作出騷。(圖片來源:IG@westtung)

一齊睇吓阿叔視點西童靚相:

重溫西童鬧爆傳媒

西童獲選《尾二一屆口罩小姐選舉總決賽》後網上被劣評如潮,被抨擊樣唔夠靚同cheap等等,不過西童心臟強大,日前接受傳媒專訪時,講明口罩小姐重內涵非外表,仲直斥傳媒助長歪風引致她一直被抨擊。

一張grad din相傳足7年

2015年西於社交平台貼出謝師宴相片,繼而於討論區瘋傳自此成名,每逢討論區有關於謝師宴的帖文,「西童grad din」keywords,她的相自會出現,西童順理成章進軍網紅界,以爆乳上圍作賣點,今次化身「聞西」參選口罩小姐,旋即被認出是7年前的grad din西童,自言無諗過拎冠軍的她,接受傳媒訪問時剖白指奪冠驚多過喜,認為實俾網民鬧爆,果然不出她所料,奪冠同時亦受盡網民抨擊,網民留言狂插:「其實決賽果12位大部分都靚過冠軍果位」、「爆冷到咁… 佢個樣有啲似蜥蝪」、「其實係咪男人扮? 真係好驚喜呀!」、「由頭HEA到尾都保送到攞冠軍… 癲到呢」等等,連一句支持都冇,可見觀眾緣欠奉。

口罩小姐西童 呢張相七年前在討論區流傳,有指當時西童將相放社交網被網民流出。完全發育健全狀態引發熱話。
呢張相七年前在討論區流傳,有指當時西童將相放社交網被網民流出。完全發育健全狀態引發熱話。(圖片來源:westtung@ig)
口罩小姐西童 060號梁茜童,化名「聞西」當選冠軍,在官方發文公布口罩小姐三甲時,近萬網民派嬲。
060號梁茜童,化名「聞西」當選冠軍,在官方發文公布口罩小姐三甲時,近萬網民派嬲。(圖片來源:viu官方圖片)

西童自言由細被插大冇有怕

西童認為大多網民攻擊其外表,而冇人在乎過她付出的努力,甚至怪責傳媒助長歪風先令人腹背受敵,她覺得選口罩小姐唔係剩係靠樣,但傳媒一直用她去引戰,風氣令她覺得很差,例如有些標題是指她奪冠網民嬲爆,但她覺得傳媒該冠以正能量,而非插埋一份,西童亦自言從大學開始已被網民熱討,就算做空姐時都一直有人鬧她是「雞」唔正派等等,她覺得大部份人以著得性感、胸大就係雞呢個諗法去定義女性,對於被鬧是「雞」都冇感覺,因為唔係事實。

口罩小姐西童 西童早前曾上堂193主持的綜藝節目《戀講嘢》,露出四吋乳溝講大波被抨擊,夠晒出位。
西童早前曾上堂193主持的綜藝節目《戀講嘢》,露出四吋乳溝講大波被抨擊,夠晒出位。(圖片來源:戀講嘢影片截圖)
口罩小姐西童 因為曾上Viu節目,在口罩小姐選舉甄選期間寸嘴連連,但最終獲冠軍,網民質疑有造馬之嫌。
因為曾上Viu節目,在口罩小姐選舉甄選期間寸嘴連連,但最終獲冠軍,網民質疑有造馬之嫌。(圖片來源:westtung@ig)

露波有理

西童覺得自己既年輕又有身材,所以騷身材是做番自己鍾意的事,唔會理人點睇,就算被抨擊醜樣,她亦覺得冇辦法,但她樂觀認為呢班酸民先係真愛,因為他們事事跟得好貼好足,鬧足咁多年,係愛喎!仲多謝酸民留意佢。

點名講保錡

節目邀請了張敬軒、谷德昭同王丹妮擔任評判,ERROR有份做主持,西童表示從ERROR身上學到好多嘢,她指從銀幕看唔會知道他們有幾辛勞,但她係參賽者會清楚,而且還要在鏡頭前專業扮到好開心,西童特別點名自爆與保錡成日鬧交,幾乎見親都鬧,保錡會形容她是死𡃁妹,覺得她態度唔認真,然後西童「回敬」話保錡MK格,而其他ERROR成員就望住佢哋對鬧拒絕參戰。

口罩小姐西童 男團ERROR是口罩小姐選舉主持,搞氣氛搞笑無難度,亦是西童好欣賞他們的地方。
男團ERROR是口罩小姐選舉主持,搞氣氛搞笑無難度,亦是西童好欣賞他們的地方。(圖片來源:viu影片截圖)
口罩小姐西童 西童自爆經常同保錡頂嘴,「錯粉」會唔會好羨慕呢?
西童自爆經常同保錡頂嘴,「錯粉」會唔會好羨慕呢?(圖片來源:viu影片截圖)

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!

撰文:東方新地(部分內容轉載自New Monday)圖片來源:IG@westtung資料或影片來源:原文刊於NewMonday