許廷鏗罕晒與父母合照 二千呎獨立屋私人花園意外曝光

文：東方新地｜圖：許廷鏗IG圖片

許廷鏗：一句「OK啊」勝過千言萬語

許廷鏗（Alfred）日前在社交網晒出幾張在自家花園拍攝的靚相，其中有一張更是他與父親的激罕合照，原來當日他親自下廚煮了擔擔麵請父母食，他留言說：「我知道⋯⋯佢地一定唔prefer我將佢地個樣放上網，但係⋯⋯對我黎（嚟）講實在太值得post。」

許廷鏗描述當時場面：「如無意外應該係我人生第二次煮嘢畀爸媽食，雖然整呢啲唔健康嘢，但係阿媽叫到想食，淺嚐都勉強可以，一人食咗一碗仔，冇講啲咩嘢評語。」

他續說：「家人就係咁，輕輕咁帶過，一句『OK啊』勝過千言萬語，其實做仔女嘅，咁樣就咩都值。」

在許廷鏗出post後，DJ朱薰留言笑指：「Auntie似乎好滿意。」許廷鏗就搞笑回應：「佢問我張相咁肉酸做咩post。」

有網友大讚許母貌似「詩琪姐」（指李司棋），許廷鏗贊同說：「弱弱的講，我細個睇《真情》真心覺得好似我阿媽。」

許廷鏗又分享說煮嘢食想啱屋企人口味，最重要只得一個字，就係「心」。

許廷鏗叫粉絲如果想重溫今次擔擔麵的煮法，可以去他的IG睇highlight精選重溫。

近期在疫情影響下，許廷鏗發掘出自己在廚藝方面的天分，日前他又跟梁祖堯主持的ViuTV節目《空肚講宵夜》學煮多士，並將其命名為「許廷鏗鏗聲多士」。

住市值約三千萬獨立屋

現年32歲的許廷鏗入行已有12年，早前獲得「叱咤樂壇男歌手金獎」，令他事業登上高峰，本身做牙醫的他，與父母同住在大圍一幢面積約2,000呎的湖景獨立屋，屋後更擁有一個私人花園，市值估計約三千萬。許廷鏗父親許義鏞為香港腎臟基金會副主席，有指他亦從事貿易生意，並靠炒樓起家，因此擁有豐厚身家。

從許廷鏗過去所拍的照片所見，他家中的私人花園有樹有草地又有石板路以及各式盆栽，空間廣闊，擺下桌椅後，一家人就可以一齊在花園中聚餐。