楊怡

謙謙一腳踢帶去澳洲 楊怡:佢係好抵錫

最新娛聞

廣告

楊怡同羅仲謙結婚一年多,恩愛程度有增無減,「愛妻號」當之無愧!日前,謙謙就安排澳洲造人之旅,同老婆去浪漫的澳洲黃金海岸再度蜜月,享受陽光與海灘,實行放鬆心情趕緊造人。其中,楊怡分享謙謙陪玩水上滑梯影片後,謙謙獲網民激讚貼心又體貼,連楊怡接受本刊訪問時,都激讚老公好抵錫!

撰文:東方新地
圖片:東方新地、楊怡 Instagram

羅仲謙一手安排兩家旅行團

問到楊怡,澳洲之旅係咪老公羅仲謙安排,佢直認係老公負責,仲要出錢又出力:「冇錯係謙仔安排呢次澳洲旅行嘅,因為佢一路好想去澳洲黃金海岸,於是等我拍完劇就一齊去玩,咁當然係佢出錢同出力啦!佢一路都好想帶埋媽咪同家姐去旅行,而且我哋唔係咁鍾意只係兩個人去旅行嘅,鍾意人多,食嘢或者一齊玩都可以多啲人熱鬧啲。

楊怡:佢係好抵錫

楊怡指謙謙為咗今次旅行一早做晒 research,仲要一人分飾多角,導遊、 搬運工人、司機等等,成個Trip都好開心:「老實講都覺得佢係好抵錫,係好貼心嘅人,佢喺去旅行方面係好優勝,佢攞住地圖就可以行去邊都得!」更大讚之前去謙謙陪佢希拉格工作時,搵定美食等佢放工:「似之前去布拉格,我去開工,佢就攞住地圖搵,就知可以去邊,夜晚又會搵定邊度食嘢好!

老公獲網民激讚貼心

去旅行咁開心緊係會忍唔住分享快樂啦,楊怡日前就share咗一段謙謙陪佢玩水上滑梯嘅影片,其後老公獲網民激讚貼心又體貼,楊怡冧爆指:「網民又太誇張,不過佢都好貼心,會睇住我玩,其實佢好鍾意玩呢啲機動遊戲,水上活動嘅嘢,今次佢拉我去玩之前,自己係先試玩咗,覺得一啲都唔驚,先叫我去玩,而我玩完亦都係覺得唔驚,所以就拉埋阿媽同埋奶奶一齊玩!

生BB冇壓力

提到謙謙話生小朋友順其自然,楊怡同老公意見一致:「生BB都係順其自然啦!講真,冇時間就冇可能,有時間亦要夾到,個天要畀你,唔係有時間就一定會生到,我覺得都係順其自然,唔好急,有就自然有!一路Ready冇壓力!

萬能老公羅仲謙

好男人謙謙當然唔係只顧冧老婆,此行更帶埋岳母、媽咪、家姐同行,唔介意一個男人做阿四服侍成團女人,除了搬運工人、司機、攝影師、導遊一腳踢,謙謙更加做埋人肉提款機,全程包起所有開支。楊怡揀到如此好老公,真係幸福滿瀉!

幫手 Check In

推行李

兩家聯誼

變搬運工人

好啱傾

兼任領隊

等埋老婆

停工調理

楊怡羅仲謙姊弟戀開花結果,婚後謙謙對老婆更愛護有加,去年底楊怡拍畢《再創世紀》,宣布停工調理身體,作好準備ready生BB,羅仲謙講到明等老婆休息吓,自己孭起頭家全面配合,日前趁假期陪老婆去澳洲黃金海岸再度蜜月。

相處融洽

絕對係「愛妻號」的羅仲謙,知老婆鍾意熱鬧,同奶奶又相處融洽,今次造人之旅亦唔係單過二人世界,謙謙帶齊一屋女人包括岳母丶媽咪同家姐去旅行。據知情人士透露:「謙謙份人好細心,錫老婆仲錫埋岳母,對岳母一樣無微不至,佢一路都好想帶兩邊媽咪一齊去旅行,咁佢哋又唔會咁悶,大家又可以玩得盡興啲,雖然謙謙明知成團得佢一個男人要一腳踢做晒所有嘢,除咗一早安排晒所有行程,去到當地又要負責揸車,搬搬抬抬當然都係佢,又要幫手揸機影相又要睇地圖,真係做唔停手,但謙謙一啲唔覺辛苦,反而好enjoy!」

請假做阿四

事實上,婚後搬入大埔比華利山愛巢,謙謙因為老婆錫媽咪,亦預埋岳母一齊住,完全係老婆控的他,即使同老婆各有各忙,但工作一定先就老婆工作表。據知情者透露,之前楊怡因拍《再創世紀》,幾個月以來都要凌晨起身開工,謙謙就每日都做司機,半夜起身接送老婆,令楊怡非常感動。

「上年10月楊怡要去布拉格拍《再創世紀》外景,撞正佢哋嘅結婚周年,謙謙直頭請假跟埋老婆去,除咗喺嗰邊慶祝之外,佢仲做埋老婆助手,幫阿怡執頭執尾。」難怪唔少人都話楊怡揀到好老公,呢種男人真係邊度搵。

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!