謝安琪

44歲謝安琪箍牙舊照被出土 上Do姐節目為狂奶搶Fo解畫

最新娛聞

廣告

日前在《2021叱咤樂壇流行榜頒獎典禮》記者會上以一套黑白透視裝搶盡風頭的謝安琪,多年來五官與身形都不斷變幻,難得在記者會上遇上舊相識霍嘉豪Heyo(音樂人),在現場寒暄完再影合照,事後Heyo放相上社交網,加多張16年前謝安琪的箍牙舊照,有冇得到當事人授權先?

撰文:東方新地 圖片:IG@kaytse、IG@heyoliztic、IG@do_do_cheng

 

謝安琪與相識多年的Heyo霍嘉豪在叱咤記者上重聚。(圖片來源:IG@heyoliztic)
謝安琪與相識多年的Heyo霍嘉豪在叱咤記者上重聚。(圖片來源:IG@heyoliztic)

 

二人見面好興奮,仲傾到雞啄唔斷。(圖片來源:IG@heyoliztic)
二人見面好興奮,仲傾到雞啄唔斷。(圖片來源:IG@heyoliztic)

謝安琪被好友出賣

在《2021叱咤樂壇流行榜頒獎典禮》記者會上,樂壇前輩與新人同場,女歌手中以44歲的謝安琪最搶鏡。受疫情影響,歌手共聚一堂的活動不多,當日大家見面特別興奮,謝安琪與Heyo霍嘉豪出道時間相若,相識多年自然自然雞啄唔斷,其間更合照留念。事後Heyo在社交網開心分享與謝安琪的合照,還附送了一張謝安琪箍牙時期的舊照,真係夠朋友。

Heyo公開當年謝安琪一張箍住牙影的合照。(圖片來源:IG@heyoliztic)
Heyo公開當年謝安琪一張箍住牙影的合照。(圖片來源:IG@heyoliztic)
原來Heyo與謝安琪是舊相識,已經十幾年冇見。(圖片來源:IG@heyoliztic)
原來Heyo與謝安琪是舊相識,已經十幾年冇見。(圖片來源:IG@heyoliztic)

謝安琪極速回應

由於Heyo有Hashtag謝安琪,當事人亦好快留言回應,非常大方說:「我而家其實好鍾意箍牙時期嗰陣影啲相,因為當年覺得好難影得好睇好怕影相,今時今日睇返反而覺得珍貴。」舊照片中的Heyo無論身形與樣貌都與現在判若兩人,而箍住鋼牙的謝安琪就笑對鏡頭,二人都好青春。雖謝謝安琪唔介意,但陳奐仁Hanjin就留言:「你post張舊相會唔會激死佢呀 @kaytse」

謝安琪大方留言,仲話覺得當年的箍牙相好珍貴。(圖片來源:IG@heyoliztic)
謝安琪大方留言,仲話覺得當年的箍牙相好珍貴。(圖片來源:IG@heyoliztic)
陳奐仁加把嘴搭訕。(圖片來源:IG@heyoliztic)
陳奐仁加把嘴搭訕。(圖片來源:IG@heyoliztic)

解釋為何著透視裝

日前在叱咤記者會上一件透視裝令謝安琪成為全場焦點,就連Do姐鄭裕玲都非常好奇,日前謝安琪上Do姐的商台節目《口水多過浪花》,被問到基於咩原因會揀那件衫,謝安琪說:「我嘅造型師係好斯文好文青嘅女仔,嗰日佢揀咗呢套衫畀我,叫我試一試,出嚟效果好好,同佢平時揀嘅衫好唔同,我好想支持佢,當場話就咁啦!我對造型嘅接受能力都好高,冇乜所謂!」造型師成功令謝安琪吸引住大家的眼球,應記一功。

Do姐日前請來謝安琪做電台節目嘉賓,二人無所不談。(圖片來源:IG@do_do_cheng)
Do姐日前請來謝安琪做電台節目嘉賓,二人無所不談。(圖片來源:IG@do_do_cheng)
謝安琪被Do姐追問點解在記者會著件咁嘅衫,仲話「唔係人人都carry到」。(圖片來源:IG@do_do_cheng)
謝安琪被Do姐追問點解在記者會著件咁嘅衫,仲話「唔係人人都carry到」。(圖片來源:IG@do_do_cheng)

當年出道任性箍牙

謝安琪在訪問中講盡事業家庭事,無所不談,對於當年28歲入行時個箍牙樣,謝安琪自認好爆裂:「我出道時好爆裂咁箍住牙,好多人都問點解,好應該係箍完整好先出道。其實當時我已簽公司,冇同公司講去箍牙,大家都好震驚。我一直好想箍牙,但父母叫我唔好搞咁多嘢,我刷牙刷得好仔細,所以牙齒好白好靚,但有兩隻牙疊埋咗,我好想整好佢。結果第一次拍廣告,賺咗少少錢,我就即係走去箍,仲要係鋼箍,好肉酸。」

謝安琪話著呢件衫全為支持她的文青造型師。(圖片來源:IG@kaytse)
謝安琪話著呢件衫全為支持她的文青造型師。(圖片來源:IG@kaytse)
細個屋企反對謝安琪箍牙,所以佢出道後拍第一個廣告賺到少少錢就去整靚棚牙,又白又整齊的牙齒又真係好吸引嘅!(圖片來源:IG@kaytse)
細個屋企反對謝安琪箍牙,所以佢出道後拍第一個廣告賺到少少錢就去整靚棚牙,又白又整齊的牙齒又真係好吸引嘅!(圖片來源:IG@kaytse)

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!