譚炳文

心臟衰竭行動不便 85歲硬淨譚炳文 繼續開工

最新娛聞

廣告

老牌演員買少見少,身子好夠硬淨依然可以做幕前過吓戲癮,就更加冇乜幾個。去年尾慶祝完85歲大壽的炳哥譚炳文自爆做過通波仔手術、又確診心臟衰竭,更因為尾龍骨刺影響長期行動不便要用拐杖助行,好彩炳哥睇得開依然精靈好動,年年客串幾集重頭劇過戲癮,而且仲keep住把招牌靚聲繼續活躍配音界,一過完年,又見炳哥返無綫開工!

撰文:東方新地 圖片 :新傳媒圖片、微博

85歲譚炳文心臟衰竭行動不便

唱得演得主持得亦搞笑得,譚炳文更加係香港配音界泰斗,香港人邊個唔係聽炳哥配音卡通片長大先?雖然話歲月不饒人,不過年過八十的炳哥依然算係同輩藝人中夠硬淨嗰幾個。自言拍戲多年辛苦過頭補都補唔番,但至愛配音工作就仲頂得住,炳哥真係講得到亦做得到,去年一年之 內美劇、日劇同卡通片產量就超過二十部,一人分飾三十多個角色,19年呢頭放完個新年假,嗰頭就見佢帶埋工人姐姐貼身照顧返無綫錄音。

譚炳文
幫無綫錄完音,85歲譚炳文開工收工都有外傭貼身看實,等候的士期間炳哥挨實欄杆仲識慳番啲腳骨力。
譚炳文
離開將軍澳電視城,譚炳文離遠望實等車、一見的士到達,炳哥眼力佳反應亦夠快,由外傭扶實上車。

風險大放棄手術

身為德高望重老行尊,無綫監製高層個個對炳哥照顧有加,電視客串只限輕鬆文戲、保證每晚八、九點前有得收工,配音工作亦不超時不趕工盡量半日內完成,所以呢日天未黑炳哥已經有得收工。照顧他多年的外傭 姐姐仲醒目幫炳哥call定的士,二人齊齊挨在電視城外欄杆前等候。曾經 因為心臟病做過11個鐘手術、去年又氣喘入院,身體大致康復的炳哥拐杖不離手就係因為尾龍骨神經線被軟骨刺痛:「 隻腳無力,行路會痛﹐可以做手術,但風險大,嚴重就會死,我都80幾決定唔做手術。」據悉自認年過八十依然行得走得就係福氣,炳哥對生老病死已經睇化,雖然因心臟衰竭要長期服藥兼改變飲食習慣,不過仲係堅持喜歡就食、工作亦繼續。見佢雙眼有神等的士、動身上車反應又夠快,就知適當工作保持社交對老人家絕對有益身心。

外傭扶實

僅僅五六步從路邊行上的士,只見炳哥要外傭扶實再加拐杖輔助,行動能力的確被尾龍骨刺影響不少。

心臟衰竭行動不便 85歲硬淨譚炳文 繼續開工

好眼力

譚炳文
85歲高齡都仲好好眼力亦貼實最新科技,一上車,就見炳哥攞個智能手機出嚟撳。

寶珠姐賀壽

譚炳文
去年11月女兒為炳哥在酒樓擺大壽,圈中老相識包括陳寶珠亦親自到賀。
譚炳文
恨拍劇,不過就承認以前操勞過度補都補唔番,所以炳哥幕前演出最多都係一年一部,17年客串過《溏心3》,18年就於《果欄中的江湖大嫂》露面過一集咁多。

愛女照顧

炳哥近年生活作息主要由女兒譚淑瑩照顧,多次露面都見父女拖到實,譚淑瑩絕對是孝順女一名。

好拍檔琴姐 醫院常客

由粵語片年代、EYT年代到電視台,譚炳文同李香琴做足60年好拍檔,16年琴姐84歲生日,炳哥女兒譚淑瑩就同大班密友上門為琴姐慶祝。

心臟衰竭行動不便 85歲硬淨譚炳文 繼續開工

比炳哥年長兩歲的琴姐自12年退休後身體就每況愈下,在家中跌到三次、經常出入醫院,更有友人指現時琴姐已經不認人。
比炳哥年長兩歲的琴姐自12年退休後身體就每況愈下,在家中跌到三次、經常出入醫院,更有友人指現時琴姐已經不認人。

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!