賴慰玲

賴慰玲獲秋生封「小鄭裕玲」|原來教過前輩做戲⋯

最新娛聞

廣告

去年尾剛誕下B仔嘅賴慰玲(Winki),近日喺劇集《棟仁的時光》中飾演袁偉豪同林子善嘅下屬「阿Yan」(丘茵茵),戲份頗多。演藝學院出身嘅Winki當年主修演技,係校內高材生,曾演出過多部舞台劇,入行以來曾獲曾志偉、黃秋生等多位影壇大佬提攜,黃秋生仲讚佢係「小鄭裕玲」㖭!原來佢拍首部TVB劇《女人俱樂部》時,就曾教過一位前輩做戲⋯⋯

撰文:東方新地|圖片來源:新傳媒圖片庫、賴慰玲IGTVB

賴慰玲 戀上郭子豪

新劇《棟仁的時光》中賴慰玲飾演嘅「阿Yan」同郭子豪飾演嘅「狄倫」係鬥氣冤家,後尾仲發展出辦公室戀情 , 唔少巴絲打都大讚佢嘅演出自然不造作。賴慰玲話劇中不時見到佢肚凸凸,原來拍攝當時佢已經開始陀B,佢話︰「套劇對我好有意義,因為係我陀住BB時拍,當時只得監製、Ben(袁偉豪)、子善同長興知道,佢哋對我都特別照顧!」

演藝學院出身

現年31歲賴慰玲讀演藝學院表演系出身,早喺佢讀中五那年,演藝已經破例讓Winki跳級入讀,曾演出多個舞台劇,後來經演藝學院老師羅冠蘭推薦,於2014年首次演出無綫劇《女人俱樂部》,試鏡期間一人分飾七角,當時佢深得監製曾志偉欣賞,安排她飾演少女版張慧儀「許珍妮」!

教李麗珍做戲

當久未演戲嘅李麗珍難以入戲時,曾志偉就搵賴慰玲幫手為李麗珍分析劇本,成功幫助李麗珍入戲。

黃秋生封「小鄭裕玲」

雖然賴慰玲初演TVB劇有唔少負評,但之後賴慰玲參演《梟雄》獲男主角黃秋生賞識,認為佢聰明而且反應快適合各種戲劇,又稱佢為「細玲」,讚佢演技拍得住「大玲」鄭裕玲。

賴慰玲是實力派演員,她早年曾跟黃秋生、甄詠蓓合辦的「神戲劇場」學戲,仲畢業攞埋證書!

而佢喺《殭》裏面飾演「丘玲梅」一角,同劇年輕演員仲有陳凱琳、陳嘉寶,但觀眾對賴慰玲的評價是「演技已經『超曬班』,已成功演活劇中角色。」更獲網民大讚搶鏡過女主角謝安琪!

鄭嘉穎對賴慰玲另眼相看,同秋生一樣覺得她演技了得,十分有前途。而Winki雖然拍過多套劇集,但完全係零緋聞傳出,堪稱演藝圈的一股清泉呀!

之後賴慰玲獲無綫電視監製王心慰賞識,在其劇集《迷》中首度擔任第二女主角,亦是第二度與鄭嘉穎合作。

一索得男

事業得意,家庭生活也幸福,賴慰玲同舞台劇演員梁子峰已拍拖五年,在去年7月賴慰玲31歲生日時,佢喺網上宣佈懷孕,同年8月兩人簡單簽字註冊結婚,同年12月賴慰玲一索得男,現時佢經常喺社交網絡上分享同囝囝照片,大晒幸福。

陳凱琳、陳嘉寶榮升契媽

睇番當日賴慰玲生咗BB後,陳凱琳先在IG上載與陳嘉寶到醫院探望賴慰玲母子的合照,據知,陳嘉寶都係BB嘅契媽!照片中的賴慰玲好精神,而陳凱琳就抱住熟睡中的契仔,BB鼻子高高,輪廓分明好靚仔呀!

賴慰玲親自報喜 Post埋生仔相

之後賴慰玲也親自在社交平台報喜及上載多張相片,見到好多朋友已經去咗探BB,包括契爺鄭嘉穎、陳凱琳、田蕊妮、陳嘉寶、孫慧雪等。賴慰玲留言話:「Yes!!! My baby boy is born!!!3kg , super lovely」。跟住Winki又話:「原來生仔真係好痛㗎!搏鬥36小時,可惜最終都係要剖腹,無辦法,安全最緊要嘛!」,賴慰玲囝囝嘅英文名叫做「Marat」,係由契爺鄭嘉穎改!「英文名由KC契爺改好,Marat,佢話要好Man,Man到心口有胸毛」賴慰玲不忘答謝老公:「多謝BB爸爸的陪伴,沒有你就不能有我們」好Sweet呀!

簡單簽紙結婚

去年8月,由於賴慰玲腹大便便,所以同梁子峰嘅婚禮未有大搞,簡簡單單簽紙結婚,同好友親友分享喜悅,但一對新人都有跟傳統向長輩斟茶。

而賴慰玲之前在TVB拍《女人俱樂部》而同陳嘉寶、陳瀅成為了好朋友,所以她們都有出席婚禮,同場還有蔡思貝及在《殭》中合作過的鄭嘉穎。

晒大肚寫真

去年臨盆在即的賴慰玲曾在社交平台分享性感大肚寫真,以全黑Look示人,展露型媽一面。佢話:「由兩條線到了今天,一步一步走來真不容易。第一次產檢聽到你的心跳聲,喊咗;第一次感受到你的胎動,喊咗;第一次向朋友介紹你的出現,喊咗;第一次見到你郁到我個肚3尖8角,笑咗。這8、9個月來相依為命的每一日,你都令我感覺到好溫暖(有時仲會好熱),女王式的生活快要結束,爸爸媽媽都好期待和你見面,和你一起健康、成長,咁到底你係幾時出嚟呢?」

勇敢媽媽 選擇順產

去年賴慰玲出席好友陳嘉寶婚禮時,曾話BB已經足月兼隨時生得,所以已經準備好「走佬袋」。當時她說﹕「不過已經足月了,我都有想過,飲飲吓作動應該會幾刺激。老公都有來,因他和新郎是朋友,『走佬袋』都放了在車上,隨時ready。同埋我近排出街都會想,如果行行吓街作動會怎樣,應該很刺激。」賴慰玲當時透露會選擇順產,直言想感受生仔的痛楚。

賴慰玲在拍攝《女人俱樂部》及《殭》的時候,與劇中演員包括陳凱琳、陳嘉寶、劉佩玥、吳嘉熙、王敏奕等在私底下都成為閨密!

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!