賴慰玲

賴慰玲那些年曾被網友「負皮」 話佢把聲太⋯⋯

最新娛聞

廣告

賴慰玲(Winki)最近演出《棟仁的時光》,雖然唔係女主角,但都獲唔少觀眾讚好,演藝學院出身嘅Winki當年主修演技,係校內高材生,曾演出過多部舞台劇,入行以來曾獲曾志偉、黃秋生等多位影壇大佬提攜,黃秋生仲讚佢係「小鄭裕玲」㖭!但原來佢過往拍《殭》時,都有畀觀眾「負皮」過⋯⋯

撰文:東方新地|圖片:新傳媒圖片庫、賴慰玲IG

賴慰玲 戀上郭子豪

新劇《棟仁的時光》中賴慰玲飾演嘅「阿Yan」同郭子豪飾演嘅「狄倫」係鬥氣冤家,後尾仲發展出辦公室戀情 , 唔少巴絲打都大讚佢嘅演出自然不造作。賴慰玲話劇中不時見到佢肚凸凸,原來拍攝當時佢已經開始陀B,佢話︰「套劇對我好有意義,因為係我陀住BB時拍,當時只得監製、Ben(袁偉豪)、子善同長興知道,佢哋對我都特別照顧!」

賴慰玲 演曾棟仁下屬

賴慰玲在《棟仁的時光》中飾演的是曾棟仁如好友一般的下屬「丘茵茵」,其性格敢愛敢恨,是個直爽的女生。

演藝學院出身

現年31歲賴慰玲讀演藝學院表演系出身,早喺佢讀中五那年,演藝已經破例讓Winki跳級入讀,曾演出多個舞台劇,後來經演藝學院老師羅冠蘭推薦,於2014年首次演出無綫劇《女人俱樂部》,試鏡期間一人分飾七角,當時佢深得監製曾志偉欣賞,安排她飾演少女版張慧儀「許珍妮」!

教李麗珍做戲

當久未演戲嘅李麗珍難以入戲時,曾志偉就搵賴慰玲幫手為李麗珍分析劇本,成功幫助李麗珍入戲。

黃秋生封「小鄭裕玲」

雖然賴慰玲初演TVB劇有唔少負評,但之後賴慰玲參演《梟雄》獲男主角黃秋生賞識,認為佢聰明而且反應快適合各種戲劇,又稱佢為「細玲」,讚佢演技拍得住「大玲」鄭裕玲。

賴慰玲是實力派演員,她曾跟黃秋生、甄詠蓓合辦的「神戲劇場」學戲,畢業攞埋證書。

作為舞台劇演員,賴慰玲曾演出多個劇團的作品,甚至曾經擔任第二十三屆香港舞台劇獎頒獎禮的司儀。

曾被轟尖聲趕客

後來在2016年《殭》中飾演的丘玲梅演出更大受讚賞,獲得更多人的關注。不過同時亦有好多網友彈賴慰玲喺《殭》入面個樣同把聲好趕客,畀「負皮」佢,賴慰玲解釋話自己可能係屬於尖聲嘅一個群組,喺演繹角色時好容易尖聲!

有片睇:

賴慰玲與舞台劇演員梁子峰拍拖五年,在去年31歲生日時,她在網上宣佈懷孕,同年12月誕下男丁。

一索得男後,賴慰玲經常在社交網絡上分享與囝囝的合照,大晒幸福!

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!