邱淑貞

明年赴英伴讀!邱淑貞斷沈月入行後路

最新娛聞

廣告

星二代繼承父母優良基因又有世襲人氣先天幫補,被金牌經理人、電影、唱片公司吼實是常識吧!不過你有你打如意算盤,星爸星媽們嘗盡娛樂圈苦頭,對兒女入行堅決投反對票,當中包括林海峰彭羚愛女林泳、Eason阿徐獨女康堤、仲有17歲人仔已經靚爆鏡又有星味,十足十迷你邱淑貞沈月。再三澄清不支持女兒入行,邱淑貞又強制沈月停止在社交網絡公開靚相,據知近日更決定明年一口氣送埋沈月、沈日赴英升學,索性斷絕寶貝女入行後路!

 

撰文:東方新地 圖片:Instagram 、新傳媒圖片、沈月IG

邱淑貞 沈月 似兩姊妹

99年下嫁商人沈嘉偉後全面息影,邱淑貞先後誕下三個女兒沈 月、沈日同沈晨,將近二十年來全天候持家湊女,除了娛樂圈老友畀 面派對和丈夫旗下時裝店活動外極少露面。早前偉仔成為首位華人演員獲得卓別靈電影人士藝術成就獎(Chaplin Award),太太劉嘉玲特 別製造驚喜派對邀請各方好友飛到上海為偉仔慶祝,席間便見到久違的豆斗邱淑貞,雖然剛剛踏入五字頭,卻依然亮麗美艷,難怪行出街 被形容同大女沈月似兩姊妹多過似母女。

放低細女親自伴讀

據知情人士透露,其實早在沈月、沈日還小時,豆斗已經有送兩 個女去英國讀書計劃。不過孻女沈晨出世打亂計劃、沈月又愈大愈靚 身邊多狂蜂浪蝶又蠢蠢欲動想入行,囡囡不在身邊始終難放心,海外 升學於是一推再推,直到明年沈月升大學才有機會執行:「豆斗成日 幫沈月答記者,話個女無心入行。沈月由細到大成長環境亦都慣咗被 明星同閃光燈包圍,所以將自己IG由私人變公開、大量網民畀like 又讚索,心嗰句係開心仲心思思想入行。不過豆斗覺得呢行好辛苦人 事又複雜,一直都好反對。本來早兩年已經想送沈月去英國,不過豆 斗放唔低孻女沈晨,咁多年佢湊女親力親為,更加唔放心怕沈月一個 人在外會學壞又太早拍拖。出年沈月中學畢業、沈日又升高中,佢今 次真係做足準備搵定學校諗住英國香港兩邊走陪住兩個女升學,反正過多一兩年沈晨都可以去埋英國升中學!」人盯人伴讀都的確係一個 辦法,不過沈月都就快成年,又盯得幾耐呢?

甜到漏

讀緊國際學校的沈月最後一年中學生涯,每日如常由司機接載返學放學。不過就算素顏兼一身校服,甜美又有星味的星二代氣質擋也擋不住。上車前見到司機不自覺甜笑,純真又可愛!

餅印母女

豆斗作為九十年代的性感女神,係唔少男士心目中完美的化身,不過佢自1999年嫁俾時裝公司I.T.老闆沈嘉偉後就淡出幕前。豆斗結婚後替老公誕下三個女兒沈月、沈日及沈晨,其中長女沈月生得亭亭玉立、小時候已經氣質出眾,皮膚及標緻面孔都甚有媽媽的影子!

14歲沈日 健康豆斗

三個女各自繼承媽媽不同優良傳統, 14歲二女沈日就黑黑實實,夠晒健康。

8歲沈晨 精靈豆斗

8 歲的沈晨年紀最細、最得父母和兩個家姐寵愛,不過精靈乖巧,邱淑貞寧願把時間放在大女身上,三女就由工人主力接送。

聽阿媽話停派軍糧

愈大愈靚的沈月最驚艷一役絕對是去 年盛裝出席世叔伯城城婚禮,16歲人 仔身穿黑色連身裙腳踩紅色高踭鞋, 現身半島酒店時比媽媽更搶鏡。

沈月唔想太高調

離開大銀幕嘅豆斗一如以往星味不減,不過講搶鏡度全晚最閃係豆斗16歲囡囡沈月,冇見一排又靚咗,衣著打扮更勝班星。雖則豆斗話過阿女無意入行,對娛樂圈表演等毫無興趣,唔想太高調更連IG都停咗冇更新,但係呢,星味同氣質呢家嘢,唔係話冚就冚得住,沈月係最一個最好例子!

去年個人社交帳戶由私人設定改為公開,沈月未出道已經瞬間吸得過7萬粉絲關注,次次一po靚相一萬幾千個like話咁易就呃到,拍得住一班藝 人,不過阿媽出手叫停,沈月亦從此絕跡社交網。

沈月早前上載的和服照,更睇到一眾男網民目定口呆!

 

之前沈月同家人去灣仔參觀香港巴塞爾藝術展 (Art Basel),事後上載幾張靚相到Instagram,見到佢着上紅色上衣配黑色直腳褲、手持紅色clutch,I.T太子女果然衣著品味獨到。沈月呢日化個靚妝、紮起馬尾,展露殺死人的甜美笑容,極有媽媽豆斗的影子!

沈月聽媽咪話不再公開發布私相,不過契媽上山詩鈉個人IG就經常見到沈家三千金新相,各有各精靈可愛的三姊妹都深得契媽寵愛。

邱淑貞全家福首曝光 二女沈日都好靚女

今年4月歌神張學友喺台北小巨蛋舉行最後一場演唱會,好友梁家輝、劉嘉玲、梁朝偉、曾志偉、梁家輝、上山詩鈉及杜德偉等都化身小fans,專程飛到台灣為學友捧場,陣容超豪華,而邱淑貞更加同埋老公沈嘉偉同三個囡囡舉家睇騷,大女沈月亦是公認的靚女,靚樣似足媽咪。至於甚少在公開場合現身嘅邱淑貞14歲二女沈日,同樣遺傳豆斗嘅優良,更加係愈大愈靚女,似足邱淑貞咁靚呀!至於現年7歲嘅三女沈晨的也是個可愛小美人。

睇番沈日童年的打扮比較男仔頭,而且愛跳跳紮,是屬於可愛型的小女孩,估不到多年後,一洗小男孩的打扮,少女味愈來愈濃,仲愈大愈靚女!

沈日由工人姐姐接放學,一出校門就手舞足蹈,好活潑呢!

至於7歲細女沈晨,都係眼大大輪廓分明,有美人胚子,相信長大後都似媽咪邱淑貞!

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!