邱淑貞

邱淑貞 梁朝偉 22年後再次同框 防腐逆齡美貌驚艷全場!

最新娛聞

廣告

唔少90年代女星都靚爆燈,而其中一位就梗係唔少得今年已50歲嘅邱淑貞(豆斗)!最近,已淡出娛樂圈嘅邱淑貞就專登飛到上海慶祝梁朝偉獲獎,其中二人同框合照相更成為大眾焦點,皆因豆斗凍齡逆天嘅顏值真係睇到人嘩嘩聲!

撰文:東方新地|圖片:新傳媒圖片庫、劉嘉玲杜德偉微博

梁朝偉獲頒藝術成就獎

日前,梁朝偉喺上海獲頒「卓別林電影人士藝術成就獎」,成為首位獲得呢項殊榮嘅亞洲電影人!

據知,「卓別林電影人士藝術成就獎」自1972年創立,而當晚更由已故喜劇大師差利卓別靈(Charlie Chaplin)嘅孫女Kiera Chaplin頒獎俾朝偉!

老婆劉嘉玲更特意安排一班好友,如梁家輝夫婦、鍾鎮濤夫婦、邱淑貞、杜德偉夫婦等人飛到上海一同祝賀老公獲獎,認真有心思!

邱淑貞明豔照人

然而,當晚另一大重點就係90年代性感女神邱淑貞亦有盛裝出席頒獎禮,著上黑色長袖深V晚裝,將秀髮盤起並配上簡單款式嘅鑽石首飾,非常明豔照人!

邱淑貞 梁朝偉 22年後再次同框

而重中之中,係當晚邱淑貞更與梁朝偉合照!最值得一提嘅係,今次二人係繼22年前電影《偷偷愛你》後再度於公開場合同框同台!最令人驚訝嘅係邱淑貞嘅容貌更如防腐咗一樣,冇變過!

獲網民激讚

唔少網民都驚呼今年已50歲嘅邱淑貞,皮膚仍然白滑緊緻,被大讚:「豆斗還是這麼美」、「歲月悄悄的放過了邱淑貞」,非常令人羨慕!

延伸閱讀:

邱淑貞孖囡囡沈月出席曾志偉生日派對

之前曾志偉生日,離開大銀幕嘅豆斗一如以往星味不減,不過講搶鏡度全晚最閃係豆斗17歲囡囡沈月,冇見一排又靚咗,衣著打扮更勝班星。雖則豆斗話過阿女無意入行,對娛樂圈表演等毫無興趣,唔想太高調更連IG都停咗冇更新,但係呢,星味同氣質呢家嘢,唔係話冚就冚得住,沈月係最一個最好例子!

邱淑貞出席郭富城婚禮

其中昔日性感女神邱淑貞出席郭富城婚禮時,以低胸黑色套裙亮相,輕輕露事業線,網民們都大讚索爆!不過大家都估唔到,豆斗呢晚會被大女沈月搶晒鏡!

沈月 搶盡風頭

凌晨十二點開始,出席婚宴的兄弟及賓客陸續離場,邱淑貞步出時保持燦爛笑容,不過風頭隨即被跟在後面的大女沈月搶晒!沈月呢晚以全紅色打扮示人,鮮紅運動外套及鮮紅運動喇叭褲,內裏則是黑色低胸裝,有型又性感!另外沈月紥住條高高的馬尾,戴住副襯到絕的紅框黑超,舉手投足如同國際巨星!

星味爆發

事後沈月喺IG上載當晚的火紅造型照,喺梳化上擺晒甫士,真係好有星味!

原來沈月配戴的飾物都好潮,係眼睛、鼻同嘴!

仲有婚宴上「沈月小姐」的坐位名牌,認真架勢!


將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!