郭嘉文

同小小超外遊?郭嘉文 激罕泳裝晒玉背

最新娛聞

廣告

15年港姐冠軍麥明詩樣貌唔出眾,但勝在學歷超高,風頭勁!其實同屆季軍郭嘉文(Karmen)都唔輸蝕,雖然事業未見大突破,但感情上有個身家過百億的超級鑽石筍盤 — 小小超李澤楷做佢男友!二人久唔久就被影到出雙入對,即使有小小超傳出緋聞,但他回應傳媒時話「We are fine!」,形容兩人關係好好,默認郭嘉文地位,仲順向佢派定心丸。

近日郭嘉文去峇里享受陽光與海灘,又喺IG罕有晒玉背照,唔知係咪同小小超去呢?

撰文:東方新地 圖片:新傳媒圖片、郭嘉文IG

郭嘉文 激罕泳裝晒玉背

「楷女郎」郭嘉文喺ig留言話:「One more summer please.(麻煩多一個夏天)」仲po上一張罕見泳衣,晒出佢嘅白滑玉背!

View this post on Instagram

One more summer please #Bali 🌴🌴

A post shared by Karmen Kwok 郭嘉文 (@karmen_kkm) on

黃心穎都有俾like仲話張相影得好,郭嘉文就覆番佢,要多謝姊妹成日都幫佢揸機,是最好的攝影師。咦!咁即係同啲女仔朋友去,而唔係小小超喎!

 

小小超 粉碎新歡傳言

早前小小超被指疑似有長腿新歡陪去泰國,不過佢回應傳媒時話同郭嘉文好好,而所謂嘅長腿新歡都係郭嘉文嚟!

富貴揸遊艇

前兩年有市民影到郭嘉文同小小超去銀座博品館玩電動模型車,過程好甜蜜,戀情因而曝光,而郭嘉文嘅Instagram貼咗揸遊艇出海、收花收戒指等相放閃,同早期捱麥記、搭廉航等平民生活大不同!

城大校花

其實郭嘉文出身小康之家,與父母家姐同住馬鞍山一個屋苑。個樣有少少似李亞男的郭嘉文,中學就讀沙田崇真中學及台山商會中學,15年城大工商管理學畢業,大學時期已有「城大校花」稱號。佢同同屆嘅友誼小姐林凱茵超級friend!

爆冷奪季軍

郭嘉文參選港姐時唔算特別標青,身高只得5呎3,學歷又唔係特別高,最後能以257,064 觀眾選票奪得季軍,都算小爆冷。

當選後,郭嘉文立即同TVB簽咗八年長約,有份同陳展鵬、唐詩詠等演出劇集《廉政行動2016》,又獲安排做《東張西望》主持。

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!