郭子豪

為酒駕公開道歉!郭子豪:會承擔相關責任

最新娛聞

廣告

警方凌晨在尖沙嘴設路障,進行打擊酒後駕駛行動,期間截停一名27歲、姓郭司機進行酒精呼氣測試,結果所錄得的酒精度數超出法例限制近1倍,遂以涉嫌酒後駕駛將他拘捕。有指被捕男子為去年在TVB台慶《跳躍生命線》中,飾演救護員「六號」一角的藝員郭子豪(Arnold),經警方調查後已獲准保釋候查,須於5月上旬向警方報到。今日下午,郭子豪以短訊回覆傳媒並公開道歉,更直認昨夜以『我在家,沒有駕車』回應傳媒是出於思想混亂!

 

撰文:東方新地|圖片:新傳媒圖片、郭子豪IG、劇照

郭子豪 涉酒駕被捕

警方凌晨在尖沙嘴梳士巴利道與麼地里交界設路障,進行打擊酒後駕駛行動,向駕駛人士進行隨機呼氣測試。期間警方截停一名27歲姓郭司機進行酒精呼氣測試,據報其酒精度數更達至50度,超出法例限制1倍,警方遂以涉嫌酒後駕駛將他拘捕。消息指,被捕司機是27歲無綫藝員郭子豪,由於郭當時表示不適,由救護車送往伊利沙伯醫院治理。一名女友人事後到醫院陪伴,約一小時後登乘警車離開;經警方調查後已獲准保釋候查,須於5月上旬向警方報到。而涉事私家車是Kia Stinger,去年11月新車落地,車主登記正是郭子豪,報住大埔,私家車扣在九龍灣車輛扣留中心候驗。

一度聲稱涉事者並非他本人

事後有傳媒向郭子豪求證﹐他聲言涉事者並非他本人,又指自己一整晚在家,沒有外出駕駛。而無綫方面今日下午指郭子豪有聯絡公司經理人告知此事,但之後聯絡唔到佢。

為酒駕及講大話公開道歉

及至傍晚郭子豪以短訊回覆傳媒,表示:「我在此為昨晚發生的事情衷心道歉,由於已進入司法程序,我不方便再作回應,我會全力協助警方調查,並承擔相關責任。而在今日清晨回覆記者時,我在混亂情况下回答了『我在家,沒有駕車』,當時因為思想有點混亂,亦因為家人未知道這個事情,故不想令家人擔心,所以未有想清楚就回答,因此引起了誤會,我必需要為此再次道歉。我承諾以後會更注意安全駕駛,不要讓自己的過錯影響到其他人。」

有樣又有米

郭子豪喺去年大台熱播嘅《跳躍生命線》中,飾演消防救護學員陸昊然一角,此劇令他知名度大增!

台慶劇《跳躍生命線》大受歡迎,劇中四位男角何廣沛、郭子豪、張彥博及羅天宇化身「跳躍F4」,拍攝《無畏的肩膀》嘅最新MV,重現經典歌《流星雨》嘅畫面!

其中扮演吳建豪的郭子豪,以一頭直髮示人,全程都瞇著眼,學足吳建豪的神態!

《親親我好媽》演籃球王子

如果有睇開無綫劇,或者就會留意到郭子豪亦有份參與前年熱播的《親親我好媽》。佢飾演的連國佳都吸引到唔少女粉絲!劇中佢有「籃球王子」之稱,係何廣沛的死對頭,仲向年紀比自己大好多的訓導主任陳敏之示,同樣地角色性格都好突出!

郭子豪完美男神Package

而在劇集《三個女人一個「因」》中,飾演唐米尼(Dominic)的郭子豪經常喺劇集入面騷肌,令各位女觀眾們睇到嘩嘩聲,話說郭子豪除咗靚仔大隻、畢業於世界知名學府外,原來仲係來自富貴家庭!

郭子豪愈睇愈有「肌」?!

初時出場的郭子豪明顯衣著比較密實,但之後愈睇愈有「肌」,去到第二次再次出場就已經半裸登場。嘩,結實的胸肌、粗壯的手臂,六舊腹肌兼遮啲唔遮啲的人魚線,睇到人眼定定,差啲連心臟都停埋!

郭子豪在劇中攞正牌騷肌,作為劇迷嘅觀眾朋友們真係大飽眼福,完全係眼球嘅一大享受。

名牌大學高材生

郭子豪14年加入娛樂圈,讀完藝人訓練班後,簽約成為無綫「親生仔」。原來佢亦係圈中高學歷一族,中小學就讀於名校喇沙,成績一直名列前茅,據知未放榜已經有數間英國學校向佢招手。之後郭子豪畢業於世界知名學府倫敦帝國學院 (Imperial College London),佢修讀的機械工程學科更是排全球第3,名副其實係高材生!

A&F 首位亞洲代言人

郭子豪21歲回港在保時捷做實習生時,憑俊朗外表及健碩身型打低二百幾位對手,被美國時裝品牌A&F選為香港代表,為該品牌百多年來首次選用的華人面孔!郭子豪不旦擔任A&F的2013春夏廣告男模,亦是該品牌世界巡迴宣傳的模特兒之一,曾在不同城市如芝加哥、倫敦、紐約等地出席開幕儀式。

郭子豪本來已經好大隻,最近更加密密加操,一身肌肉超誇張!

努力練肌肉練到攞冠軍你估易架咩!

住豪宅 揸靚車

靚仔、大隻仲係高材生,呢個package都仲未夠!因為郭子豪更來自一個富貴家庭!郭子豪父親開廠做製衣起家,現經營時裝貿易生意,身家不容小覷。父母住在大埔康樂園,而郭子豪就大個仔要有自己空間,以月租約三萬五租附近半山的獨立屋龍城堡,豪到爆!閒時唔使開工,郭子豪就揸佢部價值80萬的Audi座駕,去到家人住的康樂園會所做Gym。

唔想「成功靠父幹」

雖然屋企咁富貴,不過郭子豪一直甚少提及家庭背景,保持低調。熱愛幕前幕後工作的郭子豪,讀書時期已經喜歡攞住DV四圍拍,曾專程報讀演藝學院的導演課程。之後佢開設製作公司,幫過馮允謙拍微電影,講到明唔想「成功靠父幹」!

同場加映:大台15位富貴兵團逐個捉

趙希洛英文底子好

岀身自富裕家庭的趙希洛自幼便於英國讀書,加上經常接觸英語音樂劇,英文底子好就不在話下。近年多番飾演精神病人,更被封為TVB「御用癲婆」。除了拍戲,她同樣能擔起節目主持,佢有份主持J2飲食節目《搵食飯團》。

被網友封為無綫「御用癲婆」的Candice,希望自己的演出可以更加多元化,最想演的仲係弱勢社群嘅角色,她說:「想演一些缺乏社會關懷的人,包括一些身體有缺陷、精神有問題、自閉症病人,因為我覺得社會不了解這些人,想透過角色令大家關懷他們,不要帶着歧視眼光。」

而喺《棟仁的時光》飾演Emma姐嘅趙希洛(Candice)都成為網友焦點,趙希洛飾演極度乞人憎嘅公司監製,著數攞盡但就經常擺阿姐款仲要針對下屬,個角色設定注定唔討好,但網民大讚佢演出夠自然不造作,演技跟同劇嘅唐詩詠、朱晨麗、賴慰玲有得揮。

雖然喺劇中形象刻薄潑辣,但現實中,趙希洛打扮清純女性化,臉上成日掛上甜美的笑容!

黃翠如拒靠富爸爸置業

黃翠如小時候家住馬鞍山恆安邨,爸爸黃永華於九龍灣經營魚檔,98年跟伯父、即聯旺集團(8217)主席黃智果做建築和裝修,並出任行政總裁,生活先開始富起來。雖然黃翠如父母喜歡買賣物業,現持有多個住宅及商廈單位,但翠如現時並冇物業,亦唔打算靠屋企畀首期置業,而蕭正楠名下只有現居的華景山莊單位。

黃翠如有個聯旺集團富爸爸,被封百億千金,但佢從來唔會洗腳唔抹腳,用的一分一毫都係自己辛苦工作賺回來,堅決不靠父蔭。翠如近年都係住村屋,架cooper揸咗幾年都唔換,衣食就更加慳,經常着贊助嘅免費衫!

黃翠如爸爸黃永華嘅建築公司聯旺(8217)兩年前於聯交所配股上市,翠如一家人慶祝爸爸事業成功!而翠如於fb寫下爸爸勵志故事:「老爸由賣魚小販做到地盤工人,由手板被冰壞到腳板被地盤釘刺穿,苦了很多很多年,前幾年老爸說要退休,我第一個舉腳贊成,然而,他卻沒有停下來,今天是爸爸的大日子,不再是你為我們驕傲,而是我們為您驕傲,老豆,好叻仔。」

陳凱琳

2013年港姐陳凱琳以大熱姿態當選成三料冠軍,被譽為近十年最靚港姐,家住九龍塘玉蘭路五千呎過億元獨立屋,有指陳爸爸是舖王,坐擁十多項物業,包括九龍塘大宅、數個九龍住宅單位及位於青山道、上海街、佐敦、金巴利道等地舖,每個月齋坐收租已過百萬十分和味,陳父不但早年炒舖賺近半億,現時仍手持三間市值近5千萬商舖收租。曾自稱中產的Grace笑言父親是做小生意。

朱千雪

2012年港姐季軍朱千雪,有樣有才有家底,有指她於19歲時已獲從事五金生意的父親送贈兩個市值逾千萬、分別位於小西灣藍灣半島和愉景灣的物業,所以暫休一年去中大讀碩士都無有怕。

莊思敏 莊思華 莊思明

莊思敏嘅爸爸是中國光大控股前主席莊寶,家族身家估計逾8億,而莊思敏都透露自己是馬來西亞拿督女,顯赫家世!

陳瀅

宅男女神陳瀅屋企家底豐厚,有指陳瀅媽媽的第二任丈夫在內地從事房地產生意,有商場大王之稱,在廣州有一棟6層樓高的商場。變成富家女的陳瀅不但留學加拿大,在港都住豪宅及揸名車。

何雁詩

何雁詩有個做生意的富爸爸,早在她參加《超級巨聲》的時候,每次都有司機接送,何雁詩家住大埔滌濤山,自己喺奧運站浪澄灣有一個八百多萬嘅物業揸手,唔止養得起自己,養埋男友都綽綽有餘,阿Fred唔使憂啦!

邵珮詩

14年港姐冠軍邵珮詩䣃任後拍過《潮流教主》、《愛回家之八時入席》等劇,雖然工作量不多,但原來她頭不小,是維他奶創辦人之一邵蔚明的曾孫女。

王卓淇 父親東莞設廠

14年港姐亞軍王卓淇父親是護膚品生產商,前年在東莞落成逾50萬呎廠房,規模十分大。王卓淇自己亦能手持大角咀一號銀海及廣州白雲區600萬物業。

無綫劇《果欄中的江湖大嫂》內王卓淇同惡人阿媽甄詠珊相依為命要捱窮,現實中王卓淇家底豐厚、一個手袋已經係無綫姐仔幾個月人工,盛傳拍劇愛炫富、開工有幾個跟班,排場架勢似大小姐!

王父在東莞有萬呎廠房經營護膚品生意,為王卓淇買車買樓留港發展演藝事業!

張寶兒 張寶欣

兩姐妹分別於2016、2017年參選香港小姐,兩人皆奪得「友誼小姐」的獎項。姐姐(張寶兒)加入了溏心風暴的拍攝,而妹妹(張寶欣)仍在藝人訓練班中學習。麥明詩是姐姐的朋友,而兩姐妹出身於大富之家,父親於禮頓山擁有多個物業,一共擁有至少3億物業,是億萬千金,貴氣逼人。

張寶兒最為人熟悉的要數她的火辣身材,近日姐姐張寶兒公開與TVB當紅小生袁偉豪的戀情,令人羨慕袁偉豪能找到這麼富貴而又身材澎湃的女友。

簡淑兒富貴住豪宅

新一代宅男女神簡淑兒(Jessica)又靚清純,喺早前播出嘅《波士早晨》中,飾演索爆OL ,又喺《平安谷之詭谷傳說》飾演天真可愛嘅小女孩淼淼,迷倒不少宅男。不過睇番佢當年選港姐的舊照,同依家分別真係好大喎!查實Jessica係一名富家女,家族經營珠寶金飾生意,佢亦曾經幫屋企生意做生招牌,而佢自己就同家姐住喺九龍站豪宅凱旋門,名副其實係賺錢買Bra戴!

出身自組合「少女標本」的簡淑兒,自從喺《愛‧回家之八時入席》中飾演秘書Elsa後備受關注,招牌腰果眼、甜美笑容加上密密短裙露長腿成為觀眾討論焦點。喺《平安谷之詭谷傳說》中簡淑兒飾演一個天真可愛的小女孩淼淼,不過就有個獸父鄭子誠,仲差啲被侵犯!紥一對孖辮、楚楚可憐的樣子,真係無得輸!

《波士早晨》係處女劇

接住《平安谷》出街的新劇《波士早晨》中,簡淑兒飾演成日撞板甩碌嘅年輕OL Hana,其實套劇早係三年前拍下,仲係簡淑兒拍嘅第一套劇!

《波士早晨》男主角方面有黃智賢、洪永城等,吸引力一般;反而女演員陣容更吸引!除了人見人愛的Ali李佳芯、好耐無拍無綫劇的陳慧珊外,觀眾在同一時間又見到簡淑兒!今次簡淑兒飾演一個初級秘書仔,怕怕醜又驚青咁,由佢演繹就適合不過!

而佢喺《迷》入面飾演田蕊妮女兒Chloe,角色設定係一個中學生,雖然佢真人同阿田只係相差13歲,但完全冇違和感!

妝頭出事?

但回到2012年簡淑兒選港姐時,實在只可以用一個四字詞:「其貌不揚」,細眼、扁鼻兼顴骨又大,難怪頭圈已經被淘汰。事隔6年面目全非,愈大愈靚,簡淑兒就曾經解釋係當初官方妝頭出事喎!

原來係富家女

由美國回流返港的簡淑兒,入行以來都甚少談及自己的家庭背景,只知道佢有6兄弟姊妹,但原來佢家境相當不俗!簡淑兒父母經營珠寶生意,在上水及將軍澳都有專門店。另外喺紅磡一幢工業大廈亦購入兩個單位作寫字樓,生意規模唔算細。簡淑兒亦曾經幫屋企生意做生招牌,擔任代言人兼模特兒,甚至贊助過TVB及亞視藝人鑽石首飾出席活動。

簡淑兒 強調自己純天然

簡淑兒之前出席活動,被問到疑似變樣的傳聞,佢就話用人生最核突的舊照同現時相比,分別當然大,所以點講都冇用。之後佢強調自己係純天然,自己選美後就去拍劇,如果有整大家都會留意到。但問題係,依家真係好多人留意你唔同咗樣喎……

提到被爆係有錢女,佢就話屋企只係做一啲小生意,自己出入唔會有司機接送,平時返電視城或者出席活動都係搭巴士。另外又稱自己雖然同家姐住,但就唔係住凱旋門,絕對唔係有錢女。

羅天宇燒烤場太子爺

08年港男羅天宇主演《愛·回家》成功入屋,原來佢媽咪係靠做生意及炒樓起家,現時主力經營位於西貢嘅4萬呎燒烤場以及茶餐廳生意。

謝東閔 按摩店老闆

參加《超級巨聲2》入行嘅謝東閔,近年演出過唔少劇集,原來佢家境亦不俗,爸爸開髮型屋,媽媽就開外傭介紹所,自己亦喺美孚開按摩店。

朱智賢 車行太子女

2013年落選港姐朱智賢 (Ashley)係謝東閔女友,佢去年在J2旅遊節目《3日2夜》大騷身材而人氣急升,狂騷32C上圍加長腿被獲封為新咪神,原來佢父親開車行,亦係太子女一名。

豪放女唔錫身

朱智賢參選港姐前曾經做過空姐,之後在一間財經公關公司做公關,加入無綫後毫不吝惜身材,拍節目着三點式當食生菜。現實生活中的她亦好豪放,不時穿bra攬狗晒床照,又或者只圍浴巾出鏡一樣冇所謂。

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!