郭富城

除夕2021|AK郭富城硬撼MIRROR 重溫56歲城城90年代型仔相 造型走在潮流尖端

最新娛聞

廣告

由香港旅遊發展局於今年復辦除夕(31/12)倒數活動「香港跨年倒數演唱會」取代除夕倒數煙花匯演,最後由ViuTV投得製作權,當晚仲會有MIRROR做嘉賓。雖然傳聞TVB在此騷爭輸畀ViuTV,但原來TVB又已經加盟另一個除夕騷,而且聲勢浩大有郭富城撐場,同一時間打正對台,仲出奇招送車送電話吸客,兩騷硬撼!現年56歲嘅郭富城,九十年代紅極一時,絕對不比今時今日的MIRROR遜色,《東方新地》同大家溫故知新,重溫廿零三十歲嘅城城,靚仔有型到無得頂!

撰文:東方新地-卓琦|圖片:東方新地

NEW TV斥資3,000萬做騷打對台,重金禮聘郭富城做表演嘉賓

除了MIRROR的「香港跨年倒數演唱會」,今年對面岸亦都有另一個除夕倒數騷,由NEW TV主辦,TVB亦有份參與、於中環海濱活動空間亦都有大型活動《2021美麗的夜香港跨年演唱會》。而且嘉賓陣容非常誇張,包括天王郭富城、周慧敏、李克勤、林子祥、曾比特以及SupperMoment等,而且設有16,000個座位,齋論人數已經完勝對岸!

(圖片來源:NEW TV Facebook)
仲有郭富城。(圖片來源:NEW TV Facebook)

郭富城勁歌熱舞壓軸登場

同一個夜晚,在中環海濱活動空間,就有郭富城現場現出,一人擔當長達六分半的勁歌熱舞,包辦了經典金曲《狂野之城》及《動起來》,帶動觀眾的熱情,祝大家有個開開心心的2022年!

Aaron郭富城壓軸登場,勁歌熱舞慶祝新一年嘅到來!(影片來源:TVB (official))

重溫城城型足30年 92年 雪中感嘆「酷」

90年未滿25歲嘅郭富城喺台灣憑一個廣告迷倒無數台灣少女,同年9月推 出首張國語碟大賣,92年更推出以冬天為主題嘅台版寫真集《相約在冬季 》,呢張相城城頭身鋪晒雪,呢個回眸又酷又迷人眼神,當年不知有幾多少女畀佢迷倒!

郭富城
(圖片來源:新傳媒資料室)

92年 四大天王之一

郭富城92年以歌星身份回流香港,首張粵語碟全城大賣,屢奪音樂獎項下,同張學友、劉德華,黎明被封「四大天 王 」,相中嘅城城合眼自摸胸,加上衣不稱身同怪色牛仔褲,古怪又搞笑。

郭富城
(圖片來源:新傳媒資料室)

93年 溫柔撚雀

郭富城93年登上某偶像雙周刊封 面人物,並影咗輯顏色對比強烈嘅靚相,成個白馬王子嘅城城好似馴獸師咁,兩隻綠色彩鳳全程當佢係主人咁黐到實寸步不離。

重溫56歲郭富城90年代型仔相 造型走在潮流尖端!
(圖片來源:新傳媒資料室)

94年 歌影雙棲紅人

重溫56歲郭富城90年代型仔相 造型走在潮流尖端!
(圖片來源:新傳媒資料室)

94年成為某電影雜誌封面人物嘅郭富城,影壇樂壇成績亮麗,相中擺出十指交叉放胸口嘅手勢,畀人一副自信心十足嘅感覺。

94年 控凳仔起勢舞

郭富城跳舞勁係人都知,替無綫影嘅呢輯靚相之中,城城著上福爾摩斯款外套配畫家帽,拎起張古董式木凳好似想同佢共舞咁款。

重溫56歲郭富城90年代型仔相 造型走在潮流尖端!
(圖片來源:新傳媒資料室)

94年 四眼文青look

郭富城激罕以四眼 look 示人,呢張替某電視周刊影嘅戶外靚相,罕有以四眼仔造型示人,戴上粗黑框眼鏡,充滿溫文爾雅感覺。

重溫56歲郭富城90年代型仔相 造型走在潮流尖端!
(圖片來源:新傳媒資料室)

94年 紅館個唱扮MJ

94年郭富城粵語碟《 狂野之城 》狂賣十一萬張,從曲風到形象都銳意求變,同年首次喺紅館舉行十六場狂野誘惑演唱會,城城更以偶像Michael Jackson裝束喺台上又唱又跳。

重溫56歲郭富城90年代型仔相 造型走在潮流尖端!
(圖片來源:新傳媒資料室)

95年 潮戴阿婆頭箍

六四分界一直係郭富城嘅標誌招牌髮型,但驚 fans睇厭睇悶,呢次大玩阿婆頭箍髮型,唔老氣之餘反而覺得好 潮。

重溫56歲郭富城90年代型仔相 造型走在潮流尖端!
(圖片來源:新傳媒資料室)

95年 大變髮飛機頭

除阿婆頭箍髮型,郭富城放膽嚟個大變髮,呢個髮尾飛起嘅髮型,當年潮流興起,不少女藝人追捧,但城城就係極少的男藝人玩呢款髮型,一樣潮得起。

重溫56歲郭富城90年代型仔相 造型走在潮流尖端!
(圖片來源:新傳媒資料室)

96年 油光滑蛋撻頭

96年郭富城呢個滑到反光嘅蛋撻頭,gel到實一實八號風球都吹唔散,好在佢笑容燦爛,如果唔係就似人工智能機械人。

重溫56歲郭富城90年代型仔相 造型走在潮流尖端!
(圖片來源:新傳媒資料室)

97年 至yeah洋蔥頭

郭富城髮型愈玩愈放,97年更梳咗個洋葱頭,頭髮尖豎向頂加副型格黑超,極具cyber feel,一度帶起熱潮。

重溫56歲郭富城90年代型仔相 造型走在潮流尖端!
(圖片來源:新傳媒資料室)

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!