郭柏妍

郭柏妍洗腦魔音受賞識 成就解鎖挑戰跳唱廣告歌

最新娛聞

廣告

出爐「飛躍進步女藝員」郭柏妍(Rosita)樣貌甜美,加上在《下流上車族》飾演「芊芊」人氣急升,大受觀眾喜愛,不過早前她《歡樂滿東華》一展歌喉之後,就被冠以「魔音」稱號,但她這把「魔音」卻獲得廣告商垂青,近日首次獲邀拍攝電視廣告,仲要挑戰跳唱廣告歌!

郭柏妍 郭柏妍日前於《萬千星輝頒獎典禮2022》中,首次獲提名即打低多名前輩奪得「飛躍進步女藝員」。
郭柏妍日前於《萬千星輝頒獎典禮2022》中,首次獲提名即打低多名前輩奪得「飛躍進步女藝員」。(圖片來源:IG@rositakpyy)

郭柏妍 畀自己首歌洗晒腦

現年25歲的郭柏妍日前在社交網分享自己首個廣告影片,並留言:「好多個第一次!第一次拍電視廣告,然後喺排舞老師嘅耐心指導下,第一次嘗試唱跳!大家覺得點先?」她又笑指當日一拍完,已經畀自己首歌洗晒腦,係咁loop住首歌!

郭柏妍 郭柏妍首次挑戰獻唱廣告歌。
郭柏妍首次挑戰獻唱廣告歌。(圖片來源:IG@rositakpyy)
郭柏妍 難得有機會翻盤,郭柏妍落足心機練唱!
難得有機會翻盤,郭柏妍落足心機練唱!(圖片來源:IG@rositakpyy)

狂戒口避走音

郭柏妍笑言今次是她難得大翻盤的機會,所以在為這首廣告歌錄音前,她已在屋企練習咗好耐,仲特別戒口唔食辣嘢同煎炸嘢,以及飲多啲水,以免出現走音、突然高音或者唱錯聲的情況,佢仲話好在這次只係自己一個人錄音,所以就唔會有帶偏其他人的慘劇出現!

郭柏妍 今次得郭柏妍自己一個錄音,不會帶偏其他人。
今次得郭柏妍自己一個錄音,不會帶偏其他人。(圖片來源:YouTube@TVB娛樂新聞台)
郭柏妍 郭柏妍錄歌時仲手舞足蹈,唱得好投入,獲網民大讚好Cute!
郭柏妍錄歌時仲手舞足蹈,唱得好投入,獲網民大讚好Cute!(圖片來源:YouTube@TVB娛樂新聞台)

自認跳舞表現OK

除咗廣告歌之外,郭柏妍又在廣告中首次挑戰跳唱,不過她自認表現得OK,感覺不算好難,應該可以過關,加埋其他Dancers一齊跳,出來效果仲好活潑㖭。

郭柏妍 郭柏妍在廣告中露腰又晒腿,同其他Dancers一齊跳舞,表現活潑。
郭柏妍在廣告中露腰又晒腿,同其他Dancers一齊跳舞,表現活潑。(圖片來源:IG@rositakpyy)

網民:魔音代表有魔力

雖然郭柏妍都自認把聲好「洗腦」,但網民就畀好多支持佢,大讚:「女神把聲好響亮,好提神!前途無限」、「好好聽呀,魔音代表有魔力嘅聲音,芊芊加油」、「呢首又唔係唱得太差,台慶首歌佢唔識用氣用力啫,跟老師學下應該會好啲嘅」、「又唱又跳,洗脫魔音之名」等等。

吳偉豪 萬千星輝頒獎典禮 面對郭柏妍獻吻,林敏驄竟然一臉呆滯。
之前林敏驄話要作首歌畀郭柏妍,連名都叫《魔性大發》,又話要教佢唱歌,郭柏妍開心表示今次焉知非福,仲話嚟緊在林敏驄的演唱會,希望有機會可以上台一雪前恥。(圖片來源:東方新地)
郭柏妍 郭柏妍唔止成為新一代力捧花旦,仲有音樂鬼才林敏驄照住,真係行運一條龍。
郭柏妍唔止成為新一代力捧花旦,仲有音樂鬼才林敏驄照住,真係行運一條龍。(圖片來源:IG@rositakpyy)

新劇《奪命提示》挑戰做打女

此外郭柏妍近日已開始投入新劇《奪命提示》的拍攝,劇中她將會同視帝陳山聰同大馬視后劉佩玥合作,陳山聰飾演其表哥,劉佩玥就飾演其上司,並會同丁子朗有感情線,仲要首次挑戰動作場面。

郭柏妍 芊芊 白色強人2 這次跳鋼管舞的戲份,是郭柏妍首次在幕前的性感演出。
《雙生陌生人》中連鋼管舞都跳過,相信郭柏妍挑戰動作戲無難度。(圖片來源:TVB《雙生陌生人》截圖)
郭柏妍 芊芊 白色強人2 當中有大露背。
當中有大露背。(圖片來源:TVB《雙生陌生人》截圖)

重溫《歡樂滿東華》郭柏妍走曬音

林敏驄早前率領《下流上車族》一班演員在《歡樂滿東華2022》獻唱《下流上車族》的主題曲籌款。林敏驄與郭柏妍在彩排時一同接受訪問,郭柏妍就話自己是浴室高手,搞到林敏驄都搞笑回覆道:「咁一定失禮啦,到時應該失敗告終喇!結果郭柏妍就真係唱到走曬音,仲要唱得最大聲!

歡樂滿東華 郭柏妍唱到走曬音,一向深受網民喜愛的她都被網民都話「上帝真係好公平 咁靚女但魔音」
郭柏妍唱到走曬音,一向深受網民喜愛的她都被網民都話「上帝真係好公平 咁靚女但魔音」(圖片來源:TVB《歡樂滿東華》截圖)

郭柏妍辯稱食完辣辣壽司至走音

事後郭柏妍接受傳媒訪問時,對網民封她的歌喉為「魔音」表示驚訝,指自己今次都只係第一次唱,之前幾日已在家中瘋狂練習,叫大家包容一下,畀個機會佢,仲話下次一定會畀足200分努力,唱番好啲畀大家聽!最後她表示今次唱得唔好,係因為啱啱食完辣辣壽司,辣到佢不停咳,跟住把聲就開始走音!

郭柏妍 郭柏妍表示唔驚自己唱得差,最驚係影響到同台的其他表演唱。
郭柏妍表示唔驚自己唱得差,最驚係影響到同台的其他表演唱。(圖片來源:TVB《歡樂滿東華》截圖)

林敏驄出手拯救郭柏妍

一鳴驚人的郭柏妍初次啼聲即成為熱話,該合唱片段更被熱播,而林敏驄事後就後製咗一個「終極好聽Balance版」放上社交網,幫愛女芊芊(郭柏妍)洗白返個污名,最好笑是有網民聽完新版問林敏驄與舊版有甚麼分別,林敏驄笑言只是整細聲咗,不少網民都撐郭柏妍不是歌星,即使唱得唔好亦冇所謂,看來她甚有觀眾緣。

郭柏妍 林敏驄在社交網上載了一個好聽版。
林敏驄在社交網上載了一個好聽版。(圖片來源:FB@林敏驄)
郭柏妍
(圖片來源:FB@林敏驄)
郭柏妍
(圖片來源:FB@林敏驄)

郭柏妍爆林敏驄應承送新歌

郭柏妍的阿Q精神令網民加分,為此她更決心學唱歌擺脫「魔音」之名:「我決定學唱歌,進行『魔音改造計劃』,驄哥話會幫我作首新歌叫《魔性大發》,多謝佢幫我整咗個十級好聽版,仲話教我唱歌……我好期待,以佢嘅才華作歌應該一晚都起貨,嚟緊佢仲話有演唱會,我密謀喺佢個唱度一雪前恥。」呢個咁高難度嘅「魔音改造計劃」,林敏驄真係搞得掂?

郭柏妍 魔音女藝人 歡樂滿東華 林敏驄率領《下流上車族》一班演員在《歡樂滿東華2022》獻唱
郭柏妍表示不會因為被封為「魔音」而放棄再唱歌,更建議TVB開一個《魔音改造計劃》節目幫吓佢。(圖片來源:YouTube@TVB娛樂新聞台)
郭柏妍 芊芊 白色強人2 最近正密密拍劇的郭柏妍,話要度到期先可以參加到《飛越木人巷》。
郭柏妍是2020年的港姐季軍,入行僅兩年就受無綫力捧,獲得「飛躍進步女藝員」獎。(圖片來源:IG@rositakpyy)
郭柏妍 芊芊 白色強人2 郭柏妍加入TVB未夠一年已拍過《白色強人II》、《青春不要臉》等劇集,有不少發揮機會。
郭柏妍近日憑劇集《下流上車族》中「芊芊」一角人氣急。(圖片來源:IG@rositakpyy)

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!

撰文:東方新地圖片來源:IG@rositakpyy、YouTube@TVB娛樂新聞台、TVB《雙生陌生人》截圖、TVB《歡樂滿東華》截圖、FB@林敏驄、東方新地資料或影片來源:YouTube@TVB娛樂新聞台、YouTube@中銀香港 BOCHK、YouTube@TVB(official)