冥冥之中

冥冥之中|郭羨妮諷刺娘家無綫拍劇收賣人命 最高記錄直踩3日3夜

最新娛聞

廣告

郭羨妮相隔六年倒戈幫ViuTV拍原創劇《冥冥之中》,上周首播已引起網上熱討,網民聲音不似預期,更列出三大原因揚言要棄劇,不過郭羨妮依然四出為劇宣傳。日前郭羨妮接受Do姐鄭裕玲主持的商台節目《口水多過浪花》訪問,直言以前在無綫試過為拍劇直踩三日三夜,所以現在拍劇要開條件一定要有12小時休息,唔會畀自己再捱殘。

冥冥之中 郭羨妮 郭羨妮日前與柏天男一齊上Do姐的電台節目《口水多過浪花》做嘉賓。
郭羨妮日前與柏天男一齊上Do姐的電台節目《口水多過浪花》做嘉賓。(圖片來源:IG@sonijakk)

郭羨妮接劇《冥冥之中》前講條件

郭羡妮婚後產女減少幕前演出,相隔多年再為ViuTV拍新劇《冥冥之中》,令一眾觀眾好期待。郭羡妮日前為劇宣傳,與柏天男一齊接受Do姐鄭裕玲主持的商台節目《口水多過浪花》訪問,郭羨妮有不諱言接拍前曾開出條件:「因為我年紀真係唔細喇,我好坦白,我唔係嗰啲𡃁妹可以幾日唔瞓,因為我以前chur過呀,我好驚呀,我唔想,我覺得瞓覺對女人嚟講好重要,睡眠不足呢我根本就唔知自己做緊乜嘢,我連對白都記唔到你叫我演咩戲啫?所以我話我一定要有12個鐘頭瞓覺,咁我開出呢個條件佢話『冇問題,我應承你。』」

郭羨妮 郭羨妮原來接拍《冥冥之中》前曾與導演開出條件,一定要有足夠休息。
郭羨妮原來接拍《冥冥之中》前曾與導演開出條件,一定要有足夠休息。(圖片來源:IG@sonijakk)
冥冥之中 郭羨妮 離開無綫後的郭羨妮養尊處優,刻意減產。
離開無綫後的郭羨妮養尊處優,刻意減產。(圖片來源:IG@sonijakk)

Do姐都有同樣經歷

港姐出身的郭羨妮,當選港姐冠軍後就簽約無綫,曾受力捧拍過不少劇集,她口中所講被chur到好驚的經歷,明顯是在指娘家無綫,郭羡妮自爆最高紀錄曾直踩三日三夜冇得休息,而今次ViuTV的導演黃偉賢就一口答應她開出的條件,才能說服她重返幕前。身旁的Do姐亦表示認同,佢仲勁,試過拍劇直踩四日:「嘩,都唔知自己講咩,講完之後我問『我講咩呀?啱唔啱呀?』冇辦法,佢又話個景要咁樣,好多茄喱啡好多臨時演員,一定要拍晒,但我都唔知自己做乜呀!」

冥冥之中 郭羨妮 郭羨妮曾是無綫力捧花旦,拍過不少劇做女一。
郭羨妮曾是無綫力捧花旦,拍過不少劇做女一。(圖片來源:東方新地資料庫)
冥冥之中 郭羨妮 當年在無綫捱更抵夜拍劇的日子,郭羨妮試過三日三夜冇得瞓,佢話諗起都驚。
當年在無綫捱更抵夜拍劇的日子,郭羨妮試過三日三夜冇得瞓,佢話諗起都驚。(圖片來源:東方新地資料庫)

郭羨妮支持囡囡入行

郭羡妮在訪問中提及囡囡朱家愛(Kylie)都有參演《冥冥之中》,更大表支持:「我覺得未嘗不可,同埋佢呢個角色係自閉症嘅,唔需要講對白,呢個係一個好緊要嘅point,佢唔使任何training都可以做到,我喺屋企同佢講好晒點樣做,我問佢『想唔想做?跟媽咪去做呢個角色』,佢話『好喎好喎』,佢都未細心諗過係咩,未真係知道拍戲係咩回事,佢淨係知爸爸媽媽係拍戲嘅,但佢唔知道做演員係點。我覺得可以畀佢出嚟見下人,去交流下,學下嘢呀,睇下合作性係點樣啦,點樣拍戲……」

冥冥之中 郭羨妮 郭羨妮非常支持女兒入行拍劇,可讓她多些接觸外面的世界。
郭羨妮非常支持女兒入行拍劇,可讓她多些接觸外面的世界。(圖片來源:IG@sonijakk)

鄧梓峰鼓勵下選港姐

至於當年郭羨妮為何參選港姐?原來關鄧梓峰事,47歲的郭羨妮入行前任職空姐,當年在機艙巧遇乘客鄧梓峰,她憶述當時情形:「佢當時話『你點解唔參加香港小姐呢?我話畀你聽你贏梗㗎!』其實一直都有人叫我參加,even我做咗空姐,有啲老總呀,或者係高級啲嘅,都會話『阿妹,你咁靚,你去選港姐啦!』嗰陣時我去考過警察,我去遞Form,嗰個女警都話『點解唔去選港姐呀你?做乜嚟做警察呀?』」多得鄧梓峰,郭羡妮在99年以大熱姿態奪得港姐冠軍、「最上鏡小姐」、「國際親善小姐」及「千禧才智小姐」獎項,翌年再奪得國際華裔小姐冠軍,順利入行發展。

冥冥之中 郭羨妮 郭羨妮是中英混血兒,當年選港姐以大熱姿態勝出。
郭羨妮是中英混血兒,當年選港姐以大熱姿態勝出。(圖片來源:無綫影片截圖)

《冥冥之中》郭羨妮擔任「死神」公司CEO 背後有Big Boss操控

一間沒有名字的公司,一班貌似普通的上班族,表面上與一般的商業機構無異,但原來公司執行的任務,是產生連鎖效應的死亡事件,從而平衡人口。三名經理彭森 (栢天男 飾)、心兒 (劉心悠 飾)、寶玲 (袁綺雯 飾),自從香港分公司CEO蘇麗珍 (郭羡妮 飾) 揚言要退休後,辦公室內一場明爭暗鬥展開,都希望能坐上蘇麗珍的位置。而背後操控住的公司原來係…

冥冥之中 郭羨妮忽然離職,三位神死經理即想取替她做CEO,郭羨妮勸喻三人要三思及有心理準備﹗
郭羨妮忽然離職,三位神死經理即想取替她做CEO,郭羨妮勸喻三人要三思及有心理準備﹗(圖片來源:《冥冥之中》截圖)
冥冥之中 栢天男飾彭森、劉心悠 飾心兒、袁綺雯飾寶玲,三人都想坐正郭羨妮個位﹗
栢天男飾彭森、劉心悠飾心兒、袁綺雯飾寶玲,三人都想坐正郭羨妮個位﹗(圖片來源:)

冥冥之中|網民3大棄劇原因

《冥冥之中》由郭羨妮、劉心悠、潘燦良、栢天男等擔演,首集交待已百歲的郭羨妮,在一間死神公司擔任CEO,公司職員的任務就是要用殺人去平衡人口﹗劇集題材新鮮,同時又大玩近年大熱的平行時空﹗播出一集就引起網民熱討,但卻以負評居多,網民更指三大因素令他們棄劇﹗

1. 女演員妝容出事 見到劉心悠要熄機﹗

《冥冥之中》有多年無拍港劇、有「最美港姐」之稱的郭羨妮加盟,夠驚喜,加上有女神級的劉心悠,不少網民在劇集播出前已對該劇睇高幾線﹗可惜睇完劇,卻狠批「女演員嘅妝容出晒事」,隨即引起網民熱烈回應,指女演員太厚粉、眼妝太誇等,又指「睇預告片見到郭羨妮有一幕淡妝好靚,但啲大頭鏡頭就好厚粉,靚都變唔靚﹗」,有網民更指劉心悠出場令人好失望,留言:「心悠BB點解搞成咁?」、「個樣又膠妝又厚個鼻又怪,睇唔落去﹗」、「因為劉心悠我決定棄劇﹗」等﹗

2.拍攝手法怪、鏡頭運用好「大台」

《冥冥之中》監製黃偉賢曾在無綫任職編導,曾執導不少經典劇包括2004年《陀槍師姐IV》、2006年《法證先鋒》、2012年《危情護花》等﹗《冥冥之中》播出前,監製黃偉賢已預告題材創新,而且帶有燒腦成份,目標觀眾是一班喜歡思考的人,講明唔係師奶劇﹗不過網民卻狠批無論拍攝手法、鏡頭攞位、以至燈光都好「大台」,好舊式,更不滿分鏡時用類似power point形式打字去交待,令人覺得老土又低質,「好似無綫劇睇親信就要讀出嚟咁﹗」、「原來係大台過去,唔怪得甩唔到陣除」等﹗

3.演員咬字不清

另一個最趕客原因,是女主角郭羨妮和劉心悠講對白令人聽得好辛苦,有網民問:「每一次聽劉心悠講對白就令我出戲,發音怪又咬字唔清楚」,同時亦有網民對郭羨妮講對白好有意見,「佢講對白一向係咁㗎?咬字同節奏都好怪﹗」、「好似得下唇會郁,好生硬﹗」、「係咪痴脷筋,聽得好辛苦﹗」等﹗

即睇《冥冥之中》最新劇情劇透

《冥冥之中》有郭羨妮囡囡神秘客串﹗?

《冥冥之中》第一集尾聲前,袁綺雯飾演寶玲為求目的,執行任務夠心狠手辣,但回家即時變了另一個樣,不但關心體裇家傭,更是一位慈母,回家見到睡在梳化的囡囡即上前錫錫,有網民發現該小演員是郭羨妮的10歲囡囡,不過小演員一直睡著未見更多鏡頭﹗但網民指劇中小演員無論鼻型、眉型、嘴以至髮際頭髮鬈曲都跟郭羨妮女似到十足﹗劇集終播出演員名稱時,按出場序計算,最後一行出現:朱家愛飾莫雪,郭羨妮嫁內地武指兼導演朱少杰,女兒中文名未有公開,只稱女兒英文名Kylie,咁啱又係姓朱﹗

郭羨妮接拍ViuTV《冥冥之中》前開咩條件?

郭羨妮日前接受Do姐主持嘅電台節目訪問,直言以前無綫拍劇直踩無得休息,因此而家拍劇要開條件保障自己⋯⋯詳情請看

Do姐曾經試過拍劇拍到失神?

Do姐聽到郭羨妮嘅分享後表示認同,更話當時「都唔知自己講咩」⋯⋯詳情請看

撰文:東方新地圖片來源:《冥冥之中》截圖、ViuTV圖片、FB@ViuTV、IG@sonijakk資料或影片來源:YouTube@viutv