鄧兆尊

鄧兆尊帶G奶新歡上鏡 直認愛豬扒 新歡鄉音答會餵飽愛郎

最新娛聞

廣告

政府最近頒布限聚令由四人減至二人,大家都對替有三位女友、最愛一拖三出街食飯的鄧兆尊擔心,兆尊親自解畫指近來只會獨自出街,不過實際上,對G奶新歡陳小姐錫到燶的兆尊,點會冷落佢呢,最近兆尊更帶埋新歡上鏡,鏡頭前直認愛食豬扒。

文:東方新地 圖:東方新地:影片截圖

最近苑瓊丹為凍肉直銷公司拍攝宣傳短片,特邀好友兆尊亮相,原田係賣凍肉第一時間想起鍾情豬扒的兆尊。
最近苑瓊丹為凍肉直銷公司拍攝宣傳短片,特邀好友兆尊亮相,原田係賣凍肉第一時間想起鍾情豬扒的兆尊。
G奶新歡陳小姐在鏡頭前撒嬌被指係豬扒,兆尊即話氹番新歡話只係講笑。新歡的G奶貨真價實,五寸深溝好鬼搶鏡。
G奶新歡陳小姐在鏡頭前撒嬌被指係豬扒,兆尊即話氹番新歡話只係講笑。新歡的G奶貨真價實,五寸深溝好鬼搶鏡。
兆尊直認愛豬扒,但讚自己要得嘅都係靚扒,包括身邊呢位陳小姐。
兆尊直認愛豬扒,但讚自己要得嘅都係靚扒,包括身邊呢位陳小姐。

獨霸兆尊 G奶新歡獲孖住出鏡

有「現代韋小寶」之稱的鄧兆尊最愛一拖三、擁有三位紅顏知己包括大婆Carmen、二奶車厘子,三奶Claire數月前分手,G奶新歡陳小姐立即頂上。鄧兆尊過去最愛一拖三出街食飯,三位女友都可以和平共處,是一眾男士夢寐以求的事,所以最近政府將限聚令由四人減至二人,大家都對兆尊的近況相當關注,兆尊就曾表示唔怕受影響,因為呢段時間都多留家中,出外都係獨自一人。不過兆尊對新歡陳小姐明顯錫到燶,被傳媒影到每次喺街都係拖住新歡,又拍拖去沙灘玩大長碌。明顯偏心的鄧兆尊近日更帶埋新歡上鏡,事源好友苑瓊丹為凍肉直銷網站拍片宣傳,兆尊幫手,仲帶埋新歡陳小姐雙雙亮相。

新歡陳小姐是唯一一個獲兆尊帶埋上鏡,入宮數月,受寵情度蓋過大婆同二奶。
新歡陳小姐是唯一一個獲兆尊帶埋上鏡,入宮數月,受寵情度蓋過大婆同二奶。
鄉音未甩的陳小姐,話會煮好嘢食畀兆尊,以餵飽兆尊為目標。
鄉音未甩的陳小姐,話會煮好嘢食畀兆尊,以餵飽兆尊為目標。
拍拖鍾情豬扒,平日卻最愛食牛扒,陳小姐話為了鎖住兆尊個胃同心,會煮牛扒餵飽兆尊。
拍拖鍾情豬扒,平日卻最愛食牛扒,陳小姐話為了鎖住兆尊個胃同心,會煮牛扒餵飽兆尊。

鄉音新歡親解獲寵原因:煮飯畀兆尊食囉﹗

在短片中,苑仔對兆尊「大逼供」,先是取笑兆尊鍾意食豬扒,所以賣凍肉就第一時間諗起兆尊,兆尊笑住話:「秘密嘅嘢你都知?扒有好多種,靚嘅擺喺屋企嘅,係靚豬扒嚟﹗」然後就話帶咗新歡陳小姐一齊上嚟,叫苑仔自己問吓新歡,仲話乜問題都問得,在旁的陳小姐即撒嬌被指豬扒,場面搞笑,苑仔直接問點樣俘虜兆尊,令兆尊返目己屋企?陳小姐用帶有鄉音的廣東話答:「煮飯畀佢食囉﹗」原來用玩煮飯仔呢招去留住兆尊,去仲話會煮兆尊最愛的牛扒,認同鎖住男人的心先鎖着男人的胃。兆尊笑言生活中鍾意豬扒,但食就鍾意食牛扒,苑仔又問係咪每個老婆各自有一個屋企?兆尊笑笑口話:「梗係啦﹗否則火燭啦﹗邊個煮飯煮得好,我咪返邊個屋企囉。」兆尊仲話後生時飢不擇食,現在只會揀好嘢食,身體健康最重要,不知是否語帶雙關。

苑仔話之前搵兆尊上佢喺開電視個節目訪問,點擊率好高,所以今次拍片都搵番兆尊。
苑仔話之前搵兆尊上佢喺開電視個節目訪問,點擊率好高,所以今次拍片都搵番兆尊。

鄧兆尊春情大爆發 冷落兩房獨愛新歡

被封「現代韋小寶」的鄧兆尊曾揚言對女友們絕不偏私,不過自從新三奶L小姐出現後,形勢完全改變,時間分配亦錯晒。L小姐為獨霸兆尊無所不用其極,恃住有G奶肉感身材,令兆尊神魂顛倒,熱戀期的激情挑起無限慾火,搞到兆尊將正印Carmen與二奶Cherry(車厘子)打入冷宮,幾乎日日都係G奶日。同新歡打得火熱的鄧兆尊,早前更衝出灣仔,陪住新三奶勇闖南灣與陽光玩遊戲,面對進擊的L小姐姣騰騰掃髀罅,兆尊根本無力招架,之前話過與女友不會公開親熱的他,情不自禁破晒戒拖晒手又錫膊頭。為博新三奶一笑冷落其餘兩C,兆尊仲話冇大細超?

擁有G奶的L小姐原來是性情中人,與兆尊曬住傾唔停,坐姿與笑聲同樣豪邁。
擁有G奶的L小姐原來是性情中人,與兆尊曬住傾唔停,坐姿與笑聲同樣豪邁。
兆尊的新三奶L小姐約三十幾歲,身材超級圓潤皮膚白滑,完全是兆尊喜歡的類型。
兆尊的新三奶L小姐約三十幾歲,身材超級圓潤皮膚白滑,完全是兆尊喜歡的類型。

鄧兆尊南灣慾戰G奶國產新歡

L小姐成功獨霸兆尊,令向來佛系的兆尊離開他的活動範圍(灣仔與銅鑼灣),甚至親自揸車陪她去十年都唔去一次的海灘,兆尊曬太陽的畫面罕有地出現,而且仲非常之香艷。早前兆尊與L小姐在淺水灣現身,見海灘非常多人,二人轉去附近的南灣,身穿黑色碎花三點式的L小姐看來對自己的逼爆身材充滿自信,不斷擺出大媽甫士要兆尊為她影寫真,期間又揭開泳衣用手指篤自己心口團肉,影相時又借意彎腰騷G奶,甚至出手姣掃兆尊髀罅,令他長時期維持開心興奮的狀態,笑唔停。

"L小姐突然揭開自己件泳衣,仲用手去篤胸,兆尊即緊張叫停唔想益人,其實目測都睇到<br

沉醉於溫柔香的兆尊,破晒戒與L小姐公開拖手,場面好溫馨。
沉醉於溫柔香的兆尊,破晒戒與L小姐公開拖手,場面好溫馨。

歎慣的兆尊最抗拒戶外活動,今次肯紆尊降貴陪女友享受日光浴實屬難得,身穿T恤短褲的他為配合L小姐,碌完沙灘纏綿完,又陪她行去海邊影相,不過影咗幾張相兆尊就提議離開,令L小姐扁晒嘴。以前兆尊與女友行街都是保持距離,絕少被影過拖手或有其他親熱行為,他曾說為公平起見不會與任何一位女友有公開的親密行為,所以今次他與L小姐的互動絕對是前所未有,拖手與攬攬錫錫全部做齊,而且睇得出兆尊樂在其中。能令兆尊破晒戒,國產L小姐果然威力無窮,看來即使正印Carmen與二奶車厘子聯手對抗,都未必係佢對手。

鄧兆尊與新三奶L小姐來到南灣,蓆都冇張就咁瞓低,二人攬住碌來碌去又錫吓嘴仔咁,好纏綿。
鄧兆尊與新三奶L小姐來到南灣,蓆都冇張就咁瞓低,二人攬住碌來碌去又錫吓嘴仔咁,好纏綿。
L小姐春情大爆發,姣到出汁出手掃兆尊髀罅,已過半百的兆尊亦禮尚往來,含春反白眼輕啜女友香肩。
L小姐春情大爆發,姣到出汁出手掃兆尊髀罅,已過半百的兆尊亦禮尚往來,含春反白眼輕啜女友香肩。
來自國內的 L小姐在沙灘上狂擺大媽甫士,其中一個彎腰跌 G奶,令兆尊睇到口擘擘。
來自國內的 L小姐在沙灘上狂擺大媽甫士,其中一個彎腰跌 G奶,令兆尊睇到口擘擘。
由岸上影到落水,L小姐都可以擺出不同款式的大媽甫士,而兆尊亦好落力做好攝影師的本份。
由岸上影到落水,L小姐都可以擺出不同款式的大媽甫士,而兆尊亦好落力做好攝影師的本份。
有兆尊陪去沙灘的 L小姐,離開時換了透視裙,邊行邊請兆尊食波餅,絕對唔會放過任何一個發姣機會。
有兆尊陪去沙灘的 L小姐,離開時換了透視裙,邊行邊請兆尊食波餅,絕對唔會放過任何一個發姣機會。
仍然有心有力的兆尊,雖然身材稍削,但仍用他強而有力的臂彎攬實 L小姐。
仍然有心有力的兆尊,雖然身材稍削,但仍用他強而有力的臂彎攬實 L小姐。
平時多見兆尊做步兵,在灣仔及銅鑼灣一帶游走,這日他罕有地親自做司機接載新三奶外出。
平時多見兆尊做步兵,在灣仔及銅鑼灣一帶游走,這日他罕有地親自做司機接載新三奶外出。