鄭嘉穎

原來入行25年!那些年鄭嘉穎 也是純情小鮮肉

最新娛聞

廣告

最近鄭嘉穎喺50歲前迎娶細佢22年嘅陳凱琳,而無綫亦趁勢重播兩人訂情劇《殭》,加上嘉穎新電影《L風暴》又上映緊令佢人氣爆旺。適逢今年喺鄭嘉穎入行25周年,搵嚟佢罕見嘅廿嚟歲小鮮肉相片,澎湃青春魅力盡顯。

撰文:東方新地 │圖片:新傳媒圖片

鄭嘉穎 93年初出道小鮮肉

鄭嘉穎93年出道,當年24歲小鮮肉嘅佢青靚白淨,拍埋大佢兩年兼已出道兩年嘅女歌手唐韋琪, 同樣散發無限青春。

94年 24歲純情美男

94年仲未滿25歲嘅鄭嘉穎替某純寫真雜誌影咗輯靚相,呢個含情脈脈純情美男媾死女look,當年冧死唔少女fans。

鄭嘉穎呢個抱結他嘅相,靚就靚但rock電結他唔啱mood,改抱木結他就啱晒咁靜態嘅格局嘞!

王馨平情侶檔獻唱

鄭嘉穎同王馨平都係93年出道兼同公司,經常合唱、同台演出,94年終擦出愛火花,但雙方死口唔認拍抱,呢次喺商台某活動上同台合唱,但為避嫌企到開一開,到後嚟先慢慢公開。

94年攞新人獎笑晒

相中嘅鄭嘉穎目光如炬,繑住手笑晒口,好似話俾大家知佢對樂壇同前途都充滿信心,原來佢啱啱攞咗第六屆叱咤樂壇流行榜頒獎典禮「叱咤樂壇生力軍金獎」。

新人獎項四喜臨門

鄭嘉頴出道首年即連奪叱咤樂壇流行榜頒獎典禮「叱咤樂壇生力軍金獎、十大勁歌金曲頒獎典禮「最受歡迎男新人銀獎」、十大金心情歌頒獎典禮「本地金心新人獎」、十大中文金曲頒獎音樂會「最有前途新人獎銅獎」四喜臨門。

演反派 江玉郎重生

97年鄭嘉穎被迫到台灣發展,但工作少窮到燶,99年為生活喺林志穎版台劇《絕代雙驕》演反派江玉郎,憑帥氣演出獲無綫賞識邀回港簽約,到04年《翡翠戀曲》終首次擔正男一。

陳凱琳訂情劇《殭》

16年鄭嘉穎喺劇集《殭》演不死人,而劇中陳凱琳不斷畀嘉穎拒愛,為同佢喺埋一齊自願被咬成為殭屍;現實中,嘉穎同凱琳喺拍攝《殭》期間擦出愛火花,係兩人嘅定情劇。

榮膺視帝登高峰

06年《天幕下的戀人》

06年鄭嘉穎同周麗淇喺《天幕下的戀人》再度合演情侶,嘉穎憑俊朗幽默、官仔骨骨、風度翩翩嘅演出,榮獲萬千星輝頒獎典禮「最佳男主角」首奪視帝

11年《怒火街頭》

11年鄭嘉穎再憑《怒火街頭》破格地痞律師Law霸一角,連奪萬千星輝頒獎典禮「最佳男主角/最受歡迎電視男角色」、馬來西亞MY AOD我的最愛頒獎典禮「我的至愛男主角」、新加坡星和無線電視大獎「我最愛TVB男藝人」、亞洲電視大獎「最佳戲劇男主角」,成五料視帝

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!