鄭欣宜

鄭欣宜開個唱前瘦咗 拒著性感歌衫有原因⋯

最新娛聞

廣告

鄭欣宜喺九龍灣為本月21及22號假紅館舉行嘅《Break A Leg演唱會》做綵排,首次在紅館舉行個唱,欣宜當然想出力做到最好,不過早前跌斷腳嘅佢腳傷未癒,佢惟有忍痛綵排,欣宜話雖然瘦咗好多,但唔會著性感歌衫,而今年有份提名金像奬最佳女配角嘅佢,仲話已經準備咗戰衣㖭!

撰文:東方新地|圖片:新傳媒圖片

鄭欣宜個唱 無視腳傷跳熱舞

鄭欣宜為個唱進行排練,只見她無視腳傷的影響,依舊大跳勁舞,佢坦言:「其實跳嘅時候都係會痛,不過排舞老師好好,會偏重喺我沒事嗰隻腳。」Joyce表示演唱會內會唱別人的歌:「因為我睇show嘅時候會好鍾意大聲跟著唱,所以這次我都選咗一啲大家好熟悉嘅歌,畀大家一起唱。」。

拒著性感歌衫有原因⋯

欣宜話個唱唔會有好多性感歌衫,佢話雖然最近因腳傷,加上做綵排有做運動而瘦咗,但都唔會突個肚腩出嚟畀人睇!欣宜又笑言瘦咗好多,怕大家唔認得佢!

準備戰衣去金像獎

嚟緊星期日係金像獎,今年被提名「最佳女配角」的葉德嫻憑《明月幾時有》被看高一線,而能與葉德嫻匹敵的,口碑極佳的《29+1》鄭欣宜。被提名金像獎女配角的欣宜話因此興奮咗好幾日,而佢都有同導演彭秀慧傾咗好耐,諗著什麼衣服出席頒奬禮:「我尋日至試完衫,好開心可以同咁多前輩一齊出席呢個盛事。」

睇番鄭欣宜去年底去旅行時因為跌斷左腳兼腳骨移位,而要做手術及物理治療,至今未完全康復,當日佢自拍視頻擔心到爆喊,欣宜話自己好鍾意跳舞,佢希望多做物理治療加速康復,絕對唔可以因此影響佢等咗好耐嘅紅館夢!

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!