金燕玲

金燕玲自爆子宮癌康復期間再患乳癌 蘇施黃陪走抗癌路

最新娛聞

廣告

66歲的金燕玲兩年前確診患上子宮癌第一期,要接受手術切除淋巴、子宮、卵巢及盲腸,並要接受六次化療及四次電療,抗癌路艱辛難捱,幸好身邊一直有密友蘇施黃陪她打這場硬仗,令她積極面對病情,不過天意弄人,兩年後的今日同樣是過年前,金燕玲做運動時感覺到左胸有粒硬體,經醫生診斷後證實患上乳癌。日前金燕玲開設個人影片頻道,親自宣布再患癌症,片中金燕玲表現輕鬆,全程臉帶微笑,充滿正能量令人敬佩。

撰文:東方新地 圖片:東方新地、金燕玲youtube個人頻道截圖、蘇施黃fb圖片

金燕玲
金燕玲步蘇施黃後塵在youtube開個人影片頻道,第一次拍片卻是公開自己再患癌的消息。
金燕玲
金燕玲表示是自己親手摸到左胸有硬粒。

金燕玲希望親口宣布

前年金燕玲在蘇施黃的電台節目自爆患子宮癌,手術後需要接受多次化療,更因化療影響脫髮而決定剃光頭,但幸好有密友蘇施黃陪伴下積極面對,最後抗癌成功,可惜早前她再次發現患上乳癌。金燕玲在youtube發放的首個影片中表示:「我即刻搵醫生檢查,直至年初五確診係乳癌,點解我要公開去講呢?人人都分享飲食扮靚,一來我希望呢件事由我自己口中講出嚟,二來係我之前患癌呼籲大家做身體檢查同埋買保險,但今次我唔係因為身體檢查揭發,係我自己摸到,對我嚟講可能係上帝保佑我,竟然畀我自己發現到。呢粒嘢(腫瘤)好細,我好幸運,因為已經開刀做完手術。」

金燕玲
金燕玲表示患癌令她最大的領悟是一定要買保險,因她不想成為別人的負擔。
金燕玲
醫生確診後表示金燕玲的乳癌是一期B,情況非常樂觀。

金燕玲幾度哽咽

好彩發現得早,金燕玲表表示自己屬癌症的一期B,日前已完成手術,雖然不用切除整個乳房,但仍要接受電療。期間她忍唔住哽咽:「心情經過係好驚,我一講就好……我唔係難受,但個經歷真係好驚,原來胸對女人嚟講係幾緊要,醫生見完我話係樂觀,因為粒嘢(腫瘤)唔大,但佢話要開刀之後,一路做手術一路檢驗有冇擴散。」最終金燕玲已將腫瘤切除,兩粒淋巴亦冇受到癌細胞感染,手術後翌日就能出院。她坦言分享自己的經歷是想提醒大家:「我呼籲大家,當你得閒冇事就去摸吓,平時我都唔會摸,因為根本唔知腫瘤係點,但我今次經驗話畀大家知,原來我個胸突然好脹,粒嘢會覺得『哽』住好明顯,如果你摸到一粒奇怪嘢,就立即搵醫生。」片中的金燕玲勇於面對癌症,強忍眼淚,同時她自覺非常幸運:「可能好多人問有冇搞錯中兩次,係,我中過流感,兩年前後打孖上兩個癌症,但我不得不講我係好幸運嘅人,今次絕對係不幸中之大幸。」

金燕玲
金燕玲表示最擔憂是要切除胸部。
金燕玲
想起當時的心情,金燕玲眼睛紅了!
金燕玲
片中的金燕玲講到再度患癌的心路歷程,一時感觸曾用手拭淚。
金燕玲
金燕玲想把自己的經歷與大家分享。

蘇施黃患難見真情

兩年前金燕玲患子宮癌,蘇施黃衣不解帶照顧金燕玲外,更為怕外出後把細菌傳給枕邊人,寧願在客廳睡氣墊吹氣床,金燕玲與癌魔搏鬥大半年,終完成所有療程,康復進度理想。今次金燕玲再患乳癌,蘇施黃繼續守在她身邊陪住抗癌,默默鼓勵,在金燕玲拍片公開事件後,蘇施黃也在社交網上載一張兩人合照,並留言大讚對方抗癌非常厲害:「金小姐叫我代感謝大家。佢真係好犀利的,做完手術第2日已出院,第3天已出街佢話唔好當自己有病匿埋喺屋企喎。我做司機蘇,駕車也小心翼翼,費事揼親佢。這幅相是手術後拍攝的,衷心多謝大家關心。」

金燕玲
蘇施黃陪住金燕玲走過兩次癌路,相信二人感情又再昇華。
金燕玲
蘇施黃在社交網出po大讚金燕玲好犀利,順便幫金燕玲宣傳她的新youtube頻道。

金燕玲youtube自爆患乳癌經過:

金燕玲患子宮癌 怕女兒擔心選擇隱瞞

天意難違!患病無法控制,冥冥中可能亦有安排,兩年前在女兒 Emma建議下做子宮頸抹片檢查,金燕玲不幸驗出患上子宮癌第一期,不過,當時醫生就表示,如果再遲發現,可能好大件事。由於是惡性腫瘤USPC(腫瘤名稱),未能做微創手術,金燕玲要接受手術將淋巴、子宮、卵巢及盲腸一併切除,之後還接受了六次化療及四次電療;面對突如其來的惡疾,金燕玲除咗憂心自己病情,更最怕是女兒Emma知道後擔心,直至手術完成後才敢將患癌一事告知親妹及女兒。金燕玲坦言:「佢(女兒)知道一定會喊,令我仲擔 心,會令我情緒波動,所以冇同佢講,做完手術之後,仲死頂扮精神同佢傾視像,不過,佢成日問點解我咁早瞓,都知瞞唔得耐,最後都話咗畀佢知!」

女兒 Emma 是金燕玲的命根,為怕女兒擔心,金燕玲在手術後才將患癌一事告知女兒,治療期間更由阿蘇每日向女兒報告她的精神狀況,好讓女兒安心。
女兒 Emma 是金燕玲的命根,為怕女兒擔心,金燕玲在手術後才將患癌一事告知女兒,治療期間更由阿蘇每日向女兒報告她的精神狀況,好讓女兒安心。
化療期間,金燕玲大部分時間留家養病,台灣導演楊德昌太太便曾到她家探她。
化療期間,金燕玲大部分時間留家養病,台灣導演楊德昌太太便曾到她家探她。

做化療面形身形有變化 曾患輕度抑鬱

同癌魔搏鬥半年,金燕玲終於完成所有抗癌療程,身體狀態開始好轉,她亦頻密出關會友,當年陪老友關之琳慶祝57歲生日,還親自入廚為老友炮製生日飯。不過抗癌辛酸不足為外人道,完成第一次化療,金燕玲已大量甩髮,看見浴缸三大堆掉下來的頭髮,即使早有心理準備,情景亦令她相當難受,之後她索性剃光頭,包頭巾遮掩病容,受化療影響,副作用亦接踵而來,就連味覺和嗅覺亦被影響,做完第二次化療,更骨痛劇烈,骨頭神經痛即使手指輕輕一掂,都已經痛得厲害,除咗化療帶來身體上的痛楚,身體虛弱亦令她情緒波動,因化療藥導致面形和身形有所變化,她更透露因此有過輕度抑鬱。

完成所有抗癌療程,身體逐漸康復的金燕玲,精靈出關打麻雀,悉心打扮下亦明顯精神飽滿,她聽從醫生吩咐外出時戴上口罩防菌,之前因化療脫髮, 她亦戴帽保暖!
完成所有抗癌療程,身體逐漸康復的金燕玲,精靈出關打麻雀,悉心打扮下亦明顯精神飽滿,她聽從醫生吩咐外出時戴上口罩防菌,之前因化療脫髮, 她亦戴帽保暖!

體會人間有情 密友蘇施黃無間斷陪伴

抗癌吃盡苦頭,但亦令她體會人間有情,這段最難捱日子,一直有密友蘇施黃陪伴支持,令她堅強去打這場硬仗。兩年前接受完手術及第一次化療,金燕玲親身上阿蘇節目《大玩派》承認患癌,當時就大讚阿蘇對她照顧無微不至,更試過在情人節,她突然想吃栗子蛋糕,阿蘇即緊張為她張羅,令她吃了患癌後最好胃口的一餐。據知情者透露:「化療嘅副作用好多,過程真係好痛苦,阿蘇知道呢場仗唔易捱,除咗畀好多鼓勵 Elaine(金燕玲),Elaine想食咩都會諗方法做到,知佢唔開心,亦會任由佢發洩,畀佢可以抒發情緒!每次Elaine做完化療,等佢休息足夠,阿蘇就會安排飯局同雀局,等Elaine可以食鍾意嘅嘢,又可以多啲朋友陪,分散注意力可以唔覺咁辛苦!」

金燕玲抗癌路相當辛苦,幸有密友蘇施黃陪伴打這場硬仗,接受抗癌療程期間,亦不時上阿蘇節目,分享抗癌歷程。
金燕玲抗癌路相當辛苦,幸有密友蘇施黃陪伴打這場硬仗,接受抗癌療程期間,亦不時上阿蘇節目,分享抗癌歷程。
化療令金燕玲吃盡苦頭,阿蘇安排一班好友輪著陪她飯局傾偈為她打氣,令她樂觀面對病情,早前同黃子華、蔡一智夫婦及容祖兒飯局。
化療令金燕玲吃盡苦頭,阿蘇安排一班好友輪著陪她飯局傾偈為她打氣,令她樂觀面對病情,當年同黃子華、蔡一智夫婦及容祖兒飯局。
完成抗癌療程,金燕玲亦頻密出關會友,與阿蘇一齊為老友關之琳慶生,精神飽滿的她還親自下廚炮製美食賀好友。
兩年前完成抗癌療程,金燕玲亦頻密出關會友,與阿蘇一齊為老友關之琳慶生,精神飽滿的她還親自下廚炮製美食賀好友。

發哥傳授復康秘技金燕玲狀態回勇

除了密友悉心照料,好友亦給金燕玲無比正能量,這段期間更得發哥傳授復康秘技,令她狀態回勇,據知情者透露:「發哥好注重健康,呢十幾年都鑽研咗一套養生方法,因為同阿蘇好老友,發哥都好關心Elaine嘅康復進度,見Elaine完成晒抗癌療程,身體冇之前咁虛弱,亦鼓勵佢多啲做運動,雖然暫時未可以外出行山,但發哥都建議Elaine喺屋企附近慢行同拉筋,每日循序漸進,等狀態再好啲,亦可以去行山,飲食方面亦要食清啲,儘量以魚同菜為主,仲有朝早要食飯,咁先有能量維持 一日,不過一個星期都可以放肆一次,嗰日可盡情食自己鍾意嘅嘢!」

同阿蘇老友鬼鬼的發哥,對金燕玲抗癌復康路表現關心,經常透過阿蘇問候Elaine(金燕玲)健康情況!
同阿蘇老友鬼鬼的發哥,對金燕玲抗癌復康路表現關心,經常透過阿蘇問候Elaine(金燕玲)健康情況!
有發哥傳授復康秘技,金燕玲精神愈來愈好,頻頻發哥約阿蘇晨早去行山,之後一齊去咗大埔吃地道美食,阿蘇更在社交網開心share。
有發哥傳授復康秘技,金燕玲精神愈來愈好,頻頻發哥約阿蘇晨早去行山,之後一齊去咗大埔吃地道美食,阿蘇更在社交網開心share。

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!