使徒行者2

釘姐爆seed冇影 《使徒行者2》多咗陳豪柏豪袁偉豪

最新娛聞

廣告

日前TVB宣布同內地娛樂公司合作,除咗翻拍經典劇《創世紀》,亦會開拍《使徒行者2》。不過林峯同佘詩曼相繼離巢,日前阿佘講明寧願拍電影版續集都唔會接劇,即係肯定釘姐同爆seed都唔會出現晌《使徒2》!冇咗男女主角,得番「卓Sir」苗僑偉同「歡喜哥」許紹雄留低,吸引力實會大減。不過TVB新加入黃翠如同宣萱,仲有陳豪、袁偉豪、周柏豪,希望呢個「三豪子」組合幫到手啦!

延伸閱讀:

《城寨英雄》朝霞慘死 觀眾哭崩

花曼半夜喊住寫遺書

《使徒行者》電影版冇咗「爆seed」林峯,但阿佘肯繼續做釘姐,加埋張家輝、吳鎮宇同古天樂三大男星,票房依然大收近6億!電影版行得通,電視版又點呢?日前TVB落實開拍續集,不過今次連阿佘都冇埋,得番三哥同Benz雄,而且好受歡迎嘅Kobe又晌上集死咗,原班人馬散得七七八八!

不過TVB勝在板凳深度夠,即係話,冇咗林峯阿佘,仲有其他人補上。日前陣容已經落實,視帝陳豪將會做男主角,宣萱亦會頂替阿佘做女一;另外翠如BB、周柏豪同牙佬袁偉豪都有份,三大男神加入,又有女神翠如BB,計牌面應該唔差太遠嘅!

全文完

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!