鍾嘉欣婚禮 王君馨贈花球予苟芸慧

鍾嘉欣同老公Jeremy今日喺溫哥華舉行婚禮，曾於劇中演嘉欣父親嘅秦沛亦獲邀出席，一齊分享「女兒」喜悅！而講到新娘拋花球一幕，幸運兒原來係「處女黨」之一王君馨，佢接到後即po相至微博，但搞笑留言：「哎呀！接到花球添…點算…？」原來王君馨曾答應苟芸慧，若搶到花球會送俾對方，之後王君馨亦說到做到，並留言：「識做嘅….說過如果攞到會俾你，加油ah苟苟。」恨嫁嘅苟姑娘之後回覆：「辛苦了寶貝！我突然變得好搶手！」係就恭喜你喇！