鍾培生

鍾培生周五開記招公布與林作正式開戰 拍片寸林作靠麥明詩上位

最新娛聞

廣告

「富三代」鍾培生因不滿林作抽水「抄我一百萬」而發起的擂台戰,連日隔空口水戰,林作賴皮一味拖延,連埋門簽合約都玩嘢撕爛合約,令鍾培生火起拍片鬧爆林作係「契弟」,明言上擂台打林作是「為民除害」。講足大半個月的「林鍾一戰」終於有進展,周五(5日)舉行記者會,公布擂台賽的細節,屆時鍾培生及林作都會出現及接受訪問。

文:東方新地 |圖:鍾培生IG、鍾培生YouTube截圖、林作IG

鍾培生昨晚(2日)在其YouTube頻道首度拍片談林作,鍾培生一開始便爆粗鬧爆林作。
鍾培生昨晚(2日)在其YouTube頻道首度拍片談林作,鍾培生一開始便爆粗鬧爆林作。

鍾培生揶揄林作:「成就係同過香港小姐一齊﹗」

鍾培生首度拍片道出跟林作的瓜葛始末,並解釋討厭林作的原因,一開始鍾培生指林作的成就只有「同過香港小姐一齊」,狠批林作借女人上位冇問題,但分手後還要踩低對方去抬高自己,直指林作人格「唔好得去邊」。

鍾培生直指林作:「你嘅成就就係同過香港小姐一齊﹗」
鍾培生直指林作:「你嘅成就係同過香港小姐一齊﹗」

鍾培生又話本身唔認識林作,但曾在兩個場合中見過面,鍾培生一臉厭惡話:「我唔想詆毀你學校,我都識好多朋友係讀牛津,個個知書識禮,但竟然有一個咁粗口爛舌,粗口多到我頂唔順我企身走咗去﹗」鍾培生又直指林作一直是他死穴,因為大家同月同日生日(12月23日),在討論區不時被網民作比較,鍾培生怒轟:「將我同佢比較,簡直拉低我智商。」

鍾培生直斥林作做「契弟」。
鍾培生直斥林作做「契弟」。
鍾培生指因為同林作同一天生日,不時被網民在討論區談論及比較,直指將林作跟他比較是「拉低我智商」。
鍾培生指因為同林作同一天生日,不時被網民在討論區談論及比較,直指將林作跟他比較是「拉低我智商」。

鍾培生打林作:「最大嘅娛樂盛事﹗」

鍾培生又指身邊人所有人、網民、媒體對他決定打林作,都表示支持,他的決定只是為民除害:「你話香港人幾咁想睇我打佢,我相信呢件事係對全香港市民嚟講,最偉大嘅娛樂盛事﹗」

鍾培生指無論朋友、家人、前度、媒體等都支持佢上擂台打林作。
鍾培生指無論朋友、家人、前度、媒體等都支持佢上擂台打林作。
鍾培生請林作不要再消費自己,大家不能作比較,因為層次太不同:「唔好搵我同佢比,我係同Mayweather(前世界級拳王)玩㗎﹗」同時晒出與有「不敗拳王」之稱的Mayweather合照。
鍾培生請林作不要再消費自己,大家不能作比較,因為層次太不同:「唔好搵我同佢比,我係同Mayweather(前世界級拳王)玩㗎﹗」同時晒出與有「不敗拳王」之稱的Mayweather合照。

鍾培生淺水灣道大宅開記招

今日鍾培生透過公關公司出通告,公布周五(5日)舉行「培生擂台記者會」,並指自上月18日鍾培生對林作發出的擂台邀請,現經過多番交流「 鍾培生先生與林作先生將上擂台一戰,並於記者招待會上公布拳賽進度及細節。」而記招地點在鍾培生的淺水灣道豪宅,林作及鍾培生會出席並接受記者訪問。

林作向傳媒透露已開始接受撆擊操練,並指經訓練後已經好勁﹗
林作向傳媒透露已開始接受拳擊操練,並指經訓練後已經好勁﹗
鍾培生指自己之前接受四個月訓練便上擂台比賽。
鍾培生指自己之前接受四個月訓練便上擂台比賽。

鍾培生、林作已簽生死狀

鍾培生接受傳媒訪問時話已簽生死狀,預計年中開賽。 而林作就表示已開始接受操練,並承認日前雙方已簽好合約,表示「打死無命賠」,不過林作依然信心十足,話經過操練後覺得自己好勁,又話會發起眾籌買重五百萬保險。

鍾培生與林作日前已簽好打擂台合約,二人分別晒出合約簽署,林作更留言:「林作,真男人。約已簽,大家睇死我?我就打俾你睇」繼續信心十足。
鍾培生與林作日前已簽好打擂台合約,二人分別晒出合約簽署,林作更留言:「林作,真男人。約已簽,大家睇死我?我就打俾你睇」繼續信心十足。

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!