鍾培生

陳嘉倩、簡淑兒認曾上鍾培生屋企 鍾培生勁冧嘉倩BB豪言包紅館報天氣

最新娛聞

廣告

鍾培生父子被袁嘉敏大爆不是好人,連日爆大鑊,又拉埋陳詩欣老公落水,最新消息指袁嘉敏不滿鍾培生媾無綫姐仔葉蒨文,爭風呷醋下爆完又爆﹗隨即令一眾曾為鍾培生YouTube頻道拍攝《date with鍾培生》的女藝人都捲入當中﹗被稱為「鍾女郎」的陳嘉倩、簡淑兒、陳婉衡有回應﹗

陳嘉倩、簡淑兒回應上鍾培生屋企

鍾培生兩年前邀請女藝人、網紅為其網上頻道擔任《Date with鍾培生》女主角,講到明同鍾培生的一日拍拖日誌,打正旗號媾女片﹗ 近日鍾培生被袁嘉敏爆大鑊,令呢班「鍾女郎」被追問有否到訪過鍾培生屋企,令外界有更多幻想﹗

鍾培生 陳嘉倩在鍾培生大宅化妝準備拍片,當時由大J拍下花絮﹗
陳嘉倩在鍾培生大宅化妝準備拍片,當時由大J拍下花絮﹗(圖片來源:大J影片截圖)

陳嘉倩:工作需要

在眾多「鍾女郎」當中,前主播陳嘉倩最得鍾培生歡心,在片中豪言為她包下紅館讓她報足一晚天氣﹗陳嘉倩被傳媒求證是否曾到訪鍾家,陳嘉倩直認有,但只是因應鍾培生之邀去拍攝聖誕節目,同場還有大J,講明只為工作,對於鍾培生開口埋口都勁冧佢,陳嘉倩就指純粹節目效果﹗

鍾培生 陳嘉倩回應傳媒時,指上鍾生屋企是因工作需要﹗
陳嘉倩回應傳媒時,指上鍾生屋企是因工作需要﹗(圖片來源:FB@陳嘉倩)

簡淑兒:上過去食飯﹗

而簡淑兒曾與鍾培生拍片一日大澳遊,在片中簡淑兒更親餵鍾生食嘢,態度親暱,現與前機師麥大力拍拖的簡淑兒就話只見過鍾培生兩次,一次是慈善活動,另一次是拍攝 《Date with鍾培生》,都是因工作需要,問到有否去過鍾家,簡淑兒就話曾與幾個朋友去鍾家食飯﹗」

鍾培生 簡淑兒認有上過鍾家食飯,但強調有其他朋友﹗
簡淑兒認有上過鍾家食飯,但強調有其他朋友﹗(圖片來源:FB@簡淑兒)

曾傳緋聞陳婉衡:大家唔熟﹗

至於因拍片而傳緋聞,有指因此而令陳婉衡同當時男友分手,陳婉衡就話拍攝後都沒有再聯絡,同對方唔熟,沒有上過鍾家﹗

鍾培生 陳婉衡話拍片後曾在活動上見過鍾培生﹗但大家唔熟﹗
陳婉衡話拍片後曾在活動上見過鍾培生﹗但大家唔熟﹗(圖片來源:FB@陳婉衡)

冧陳嘉倩豪言包紅館報天氣 拍片晒與女神約會 獲簡淑兒親餵令人妒忌

「富三代」鍾培生因向林作發起百萬擂台戰而成為新聞人物,「林鍾一戰」未打前,鍾培生的底細卻令外界突然有興趣,兩年前鍾培生在YouTube開設頻道,為了激增點擊,鍾培生邀請一班女神拍片,以「Date with鍾培生」為題拍攝一系列短片,頭一條片便約會宅男女神簡淑兒,鍾培生在片中大耍冧女招,當中最冧陳嘉倩,更豪言話要包起紅館讓嘉倩BB報天氣,有錢就係任性﹗

鍾培生以「最接近天使嘅人類」以及「最接近人類嘅天使」嚟形容陳嘉倩。
鍾培生以「最接近天使嘅人類」以及「最接近人類嘅天使」嚟形容陳嘉倩。

鍾培生在與女神約會的一系列共拍了十條片,位位屬女神級人馬,包括拖住簡淑兒遊大澳、帶《美選D.n.A》崔菲嫣坐直升機到西貢野餐歎魚子醬、與陳婉衡野外露營孖住跳彈床、為靚女Mikie包纜車上山頂等,片中鍾培生不時展示口花花本領氹女,鍾培生最冧係陳嘉倩。

陳嘉倩一出瑒,鍾培生即陶醉地大力索:「好大陣仙氣呀﹗」去冧女神。
陳嘉倩一出瑒,鍾培生即陶醉地大力索:「好大陣仙氣呀﹗」去冧女神。

鍾培生肉麻招冧陳嘉倩

鍾培生介紹陳嘉倩出場時,以「最接近天使的人類」、「最接近人類嘅天使」來形容,其後二人一起做皮革手工,鍾培生為嘉倩BB製作皮革玫瑰花,一開始鍾培生就不停話自己係嘉倩BB的粉絲,更為了贏嘉倩BB一個忠粉,而鬥快在對方post留言,原因不想錯過最接近女神的機會,更對鏡頭向該忠粉挑機話自己唔會輸。

鍾培生話大膽問一句:「女神係咪唔使屙屎?」搞到嘉倩BB好尷尬話唔答呢個問題。
鍾培生話大膽問一句:「女神係咪唔使屙屎?」搞到嘉倩BB好尷尬話唔答呢個問題。

鍾培生為陳嘉倩搞四面台紅館騷

鍾培生話自己有一個志願:「我想同你合作,包起紅館畀你去報天氣,呢個係一個商業計劃。」鍾培生指有意為嘉倩BB包起紅館,讓她報道由2015至2017年的天氣,又叫嘉倩BB幻想一下現場的震撼,又話會開四面台有中間旋轉舞台。」陳嘉倩笑言可能得佢一個觀眾,鍾培生又話為她作了首歌並即席演唱,冧到嘉倩笑晒﹗

鍾培生話以前每次見到陳嘉倩報天氣,就會好開心,所以有個商業計劃想包起紅館,讓陳嘉倩再報天氣,仲話真係計劃投資。
鍾培生話以前每次見到陳嘉倩報天氣,就會好開心,所以有個商業計劃想包起紅館,讓陳嘉倩再報天氣,仲話真係計劃投資。
鍾培生 仲話開四面台,中間有個旋轉舞台。
仲話開四面台,中間有個旋轉舞台。

陳嘉倩交足戲

鍾培生在片中不時展示其古法媾女法,剪緊花瓣時話:「點解我剪咗個心嘅?因為對住嘉倩BB﹗」當陳嘉倩在縫皮革時,鍾培生又出招:「你小心啲唔好整親手呀,定係你想我捉住你隻手縫?」後來又唱出為陳嘉倩作了首歌,全首歌只有「嘉倩」、「女神」歌詞,rap住唱,九唔搭八,不過陳嘉倩都好入戲,交足表情﹗有網民問鍾培生課金多少先可以請嘉倩BB女神拍片?鍾培生親自回覆話:「女神係唔可以課金,而係用真誠打動。」

鍾培生唱出為女神而作的歌,陳嘉倩交足戲話好冧好浪漫﹗戲技一流﹗
鍾培生唱出為女神而作的歌,陳嘉倩交足戲話好冧好浪漫﹗戲技一流﹗

鍾培生古法冧陳嘉倩:

鍾培生與簡淑兒拍拖遊大澳

鍾培生第一條媾女片便搵來有「宅男女神」之稱的簡淑兒拍拖遊大澳,鍾培生不時興奮跳起,又話大澳的確是拍拖好地方,片中簡淑兒白色背心、白長褲、白波鞋,長髮飄飄,好清純。鍾培生與簡淑兒花了一天在大澳拍片,介紹大澳風光。

鍾培生介紹簡淑兒時,表現興奮不停彈跳。
鍾培生介紹簡淑兒時,表現興奮不停彈跳。
鍾培生與簡淑兒在玩巨型棋子時,鍾一手捉住對方手臂。
鍾培生與簡淑兒在玩巨型棋子時,鍾一手捉住對方手臂。
出海睇白海豚,鍾培生小心拖住簡淑兒上艇。
出海睇白海豚,鍾培生拖實簡淑兒上艇。

鍾培生同簡淑兒在大澳品嚐不同地道美食,買兒時玩具一起玩,簡淑兒對住鍾培生使出招牌腰果眼神及笑容,冧到鍾培生暈得一陣陣。

簡淑兒與鍾培生撐枱腳時使出招牌腰果眼電死人。
簡淑兒與鍾培生撐枱腳時使出招牌腰果眼電死人。
鍾培生兩手拿著玩具及街頭小食,簡淑兒親餵對方食雞蛋仔,女神福利,真係令人妒忌。
鍾培生兩手拿著玩具及街頭小食,簡淑兒親餵對方食雞蛋仔,女神福利,真係令人妒忌。
鍾培生為簡淑兒拍美照,簡淑兒單眼對鏡迷死人。
鍾培生為簡淑兒拍美照,簡淑兒單眼對鏡迷死人。

簡淑兒餵食鍾培生:

鍾培生孖陳婉衡跳彈床

另一集鍾培生帶陳婉衡玩野外露營,先帶她玩沙灘打排球,再落水玩獨木舟,再玩越野車,夠晒刺激,陳婉衡拍完呢段約會片後傳出緋聞,有傳成為陳婉衡與當時男友分手導火線,不過二人否認緋聞。

鍾培生開車載陳婉衡。
鍾培生開車載陳婉衡。
鍾培生 一齊跳彈床。
一齊跳彈床。
一齊野外露營,滿臉油光的陳婉衡為鍾培生燒烤食物,坐住等食。
一齊野外露營,滿臉油光的陳婉衡服侍鍾培生燒烤食物,鍾培生坐住等食,好鬼歎。

陳婉衡陪跳彈床:

坐直升機到西貢食野餐

其中一集鍾培生帶曾參加ViuTV《美選D.n.A》崔菲嫣,坐直升機到西貢鹹田灣野餐,在沙灘上歎香飲檳食魚子醬、黑松露。

鍾培生安排坐直升機到西貢鹹田灣,只為去野餐。
鍾培生安排坐直升機到西貢鹹田灣,只為去野餐。
鍾培生 坐沙灘歎香檳。
坐沙灘歎香檳。
鍾培生預備了魚子醬,崔菲嫣大啖食。
鍾培生預備了魚子醬,崔菲嫣大啖食。

帶女坐直升機去野食:

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!

撰文:東方新地圖片來源:鍾培生YouTube截圖