曾志偉

開記招否認曾性侵 曾志偉:忍只會令網絡暴力愈來愈嚴重

最新娛聞

廣告

藝人曾志偉今天在下午4時30分舉行了記者會,為了最近在內地網上瘋傳他疑性侵藍潔瑛嘅傳言一事而作出回應。曾志偉今天在兩位律師和兒子曾國祥陪同下出席記者會,在曾志偉發表回應事件前,他旁邊的大律師林嘉仁就提醒現場記者,曾志偉今天不會回答大家任何問題,希望大家聽曾志偉回應時留心一點。

曾志偉:忍只會令網絡暴力愈來愈嚴重

以下是曾志偉在記者會的發言:「各位新聞界朋友好,辛苦大家,最近喺網絡上岀現對我不實嘅報道,針對我嘅報道,呢啲報道對我係非常嚴重嘅指控,而係已經嚴重影響我個人嘅聲譽,更加令我難過係佢令我身邊支持我嘅朋友,我至愛嘅家人,我嘅仔女,甚至明星足球都受到不必要嘅傷害,所以我覺得我有必要行岀來進行一次公開嘅回應。」

「針對之前喺網上流傳曾志偉性侵藍潔瑛呢個報導,我可以同大家講係完全捏造,尊重女性喺我堅持嘅原則,我願意配合任何形式嘅調查,我亦都堅決用法律嘅手段去維護自己嘅聲譽。」

「對於嗰位韓女士在新浪微博對我不實嘅指控,我已採取法律行動去起訴佢,目前已經進行法律程序,喺呢次嘅指控裡面有一樣係針對我地明星足球隊話我地足球隊係借慈善足球為名,尋歡為實,其實呢個報導喺2006年裡面我地已經控告對方誹謗已作出勝數。但喺咁多年後竟然仲有啲有心人拎岀嚟抹黑,係令我非常難過同唔開心。」

「我希望法律比到我一個最終結果還我一個公道,但我更加希望嗰啲網絡發佈傳播不實嘅新聞報道,惡意中傷他人嘅壞風氣係可以早日停止,網絡當然帶比我哋好多便利,但係都比一啲立心不良嘅壞份子更容易利用網絡嘅網友不知情混水摸魚,操縱大衆嘅情緒去傷害他人,但事後佢哋係唔洗付出任何代價,呢個先係令我覺得最悲哀。」

「以往我對於呢啲失實嘅報導我都喺採取不聞不問,不瞅不睬嘅態度,因為我覺得清者自清,洗乜回答佢,點解要比對方一個炒作嘅機會,達到對方嘅目的呢?但係今時今日嘅網絡世界已經行唔通,今次呢件事喺令我深深明白如果你對造言或傳言者一味忍讓,又唔令到佢哋付出代價嘅話,只會令網絡暴力愈嚟愈嚴重,真相愈嚟愈難見天日,謠言同網絡暴力係一時,但喺對於相關人造成嘅傷害喺一世。」

「我希望呢啲咁嘅事同埋被害者愈嚟愈少,由於呢件事已經開始咗司法程序,所以我只會喺今日同大家公開回應,日後我就唔會再係台上面答覆。多謝大家,辛苦大家。」

曾志偉啜爆性感女模影片詳情?

近日曾志偉與一名性感女模慶生的視頻流出,從片中可見曾志偉在飯局中為壽星女熱唱生日歌之後,特意走向女模身旁一同吹蠟燭,隨後更…詳情請看

被啜爆的性感女模是誰?

影片流出之後,女模的身份背景亦立即被起底。原來女模擁有180cm魔鬼身形,曾經被傳是擔任過多間上市公司主席富豪余錦基的契女…詳情請看