關楚耀

一舞傾城|「Marco哥」關楚耀求婚成功 豪送網紅女友20萬現金最經典

最新娛聞

廣告

TVB劇集《一舞傾城》熱播中,飾演富二代「Marco哥」的關楚耀一出場又揸跑車又派錢,更與陳星妤有感情線。現實中關楚耀就同網紅女友Joann已經拍拖6年多,更於「520」日子宣佈求婚成功!兩人愛得火熱,關楚耀豪送20萬現金畀女友作情人節禮物更一度成為網民熱議話題。

關楚耀 關楚耀於TVB新劇《一舞傾城》中飾演富二代「Marco哥」,成功吸引網民眼球。
關楚耀於TVB新劇《一舞傾城》中飾演富二代「Marco哥」,成功吸引網民眼球。(圖片來源:TVB《一舞傾城》劇照)

關楚耀拍拖6年宣佈求婚成功

關楚耀與網紅女友Joann拍拖6年多,經常周遊列國甜蜜拍拖。早前兩人就豪遊日本和泰國等地,Joann一度上傳巨星鑽戒嘅照片上限時動態,令外界一直推測兩人是否已經訂婚。兩人在昨晚就齊齊發文宣佈關楚耀求婚成功,成功抱得美人歸:「最後,她嫁給了愛情💕我也娶了愛情💞 She said YES 💍!! and it’s forever ❤️」。

關楚耀 關楚耀與網紅女友Joann拍拖6年多,兩人在昨晚就齊齊發文宣佈關楚耀求婚成功,成功抱得美人歸
關楚耀與網紅女友Joann拍拖6年多,兩人在昨晚就齊齊發文宣佈關楚耀求婚成功,成功抱得美人歸(圖片來源:IG@jjjoann)
關楚耀 網紅女友Joann發限時動態透露關楚耀係喺泰國求婚。
網紅女友Joann發限時動態透露關楚耀係喺泰國求婚。(圖片來源:IG@jjjoann)

土豪上身送網紅女友20萬現金

關楚耀於新劇《一舞傾城》飾演富二代,一出場就派錢超級豪氣。現實生活中亦對女朋友非常慷慨,曾經於今年情人節送給細11年空姐女友Joann Law20萬現金!網紅女友Joann當日於社交網上載了兩個限時動態,先是手揸泰式奶茶拍照表示︰「今日個天同我心情一樣咁靚」,之後再出另一個動態,Joann影住自己大髀上的兩大疊一千蚊紙,並寫道︰「Waaaaa諗住簡簡單單食餐飯,佢突然拎個信封出嚟,『情人節快樂』我以為佢寫咗一疊情信。」還有︰「任何玫瑰花都不及任你花,隨便花」、「錫女朋友的男人會發達」。

關楚耀 Joann先放了一張揸住泰式奶茶的照片上限時動態。
Joann先放了一張揸住泰式奶茶的照片上限時動態。(圖片來源:IG@jjjoann)
關楚耀 之後Joann再post一張拎住兩疊1,000蚊紙的照片,真係好疊水。
之後Joann再post一張拎住兩疊1,000蚊紙的照片,真係好疊水。(圖片來源:IG@jjjoann)

平反撈唔掂傳聞

Joann在限時動態高調放閃,並Tag了關楚耀的IG帳號,被網指她有心炫富,引來網民的討論,有人估計該疊鈔票約有20多萬,這份情人節禮物的確重手。有指關楚耀土豪上身,是因為去年以參展商的身分到海南島出席首屆中國消博會時,貼出了一段在當地大排檔唱歌的影片,之後就有報道傳他撈唔掂,今年情人節大送兩大疊銀紙畀女友,順便為自己大平反。

近年在內地發展的關楚耀,被指撈唔掂。
近年在內地發展的關楚耀,被指撈唔掂。(圖片來源:IG@uglykwan)
有人覺得關楚耀送錢而不是過數的行為太過高調,亦有人力撐他錫女友。Joann 去年曾在IG跟網民大玩「你問我答」,透露自己以,000創業,至今已有7位數的積蓄,一嘗百萬年薪的感覺。
有人覺得關楚耀送錢而不是過數的行為太過高調,亦有人力撐他錫女友。Joann 去年曾在IG跟網民大玩「你問我答」,透露自己以$4,000創業,至今已有7位數的積蓄,一嘗百萬年薪的感覺。(圖片來源:IG@jjjoann)

女友多次催婚 因1事立定決心求婚

關楚耀前幾年北上工作,曾一度因為疫情而被逼分隔兩地,全靠視像通訊來維繫感情。兩人穩定拍拖多年,Joann亦曾經多次在社交平台曬出婚戒和婚紗暗示想結婚,關楚耀接受訪問時指女友雖然冇直接俾壓力自己,反而選擇隔空逼婚,笑指對方醒目女。不過當時就因為事業剛起步,所以都未有計劃想結婚。

直至去年關楚耀踩單車發生意外,導致左邊膊頭骨移位要做手術,多得女友悉心照顧,兩人的感情變得更好。關楚耀當時更表示等待通關和經濟復甦,就會搵機會向女友求婚!

關楚耀 雖然被逼婚多年,但直至關楚耀去年踩單車發生意外後先立定決心求婚。
雖然被逼婚多年,但直至關楚耀去年踩單車發生意外後先立定決心求婚。(圖片來源:IG@uglykwan)

關楚耀錫住空姐女友 做司機車車女友去機場

早年傳出搭上IG網紅兼空姐Joann Law,關楚耀從來冇正面回應、又唔願公開放 閃,不過做訪問周不時都會透露目前身邊有伴。到底另一半係唔係Joann?謎底終於解開!關楚耀的座駕曾被發現喺機場快線落客位出現,九秒九時間放低咗位乘客後極速 離開。邊個落車?之唔係著住空姐制服「又要飛喇」個網紅女友Joann囉!其實郭富城、 吳卓羲幾多男星都係開車送女友去機場被揭發戀情,落一落客雖然快過閃電啫,不過關楚耀咁都肯冒險,睇得出佢好錫呢任女友嘅!

一個變身成為潮人攝影師、一個就最鍾意影靚相做網紅,關楚耀同Joann 去年被相機帶出賣咗情侶關係。
一個變身成為潮人攝影師、一個就最鍾意影靚相做網紅,關楚耀同Joann 被相機帶出賣咗情侶關係。(圖片來源:新傳媒資料庫)
關楚耀 相機繩咁特別,又好難唔發現二人嘅地下情!
相機繩咁特別,又好難唔發現二人嘅地下情!(圖片來源:微博@joannjoannjoann)
雖然唔肯公開女友身份,不過關楚耀都算唔話得,日前親自送空姐女友去返工。
雖然唔肯公開女友身份,不過關楚耀都算唔話得,肯親自送空姐女友去返工。(圖片來源:新傳媒資料庫)
關楚耀 IG 同微博都有唔少粉絲,Joann不時被網民質疑五官千變萬化有整容之嫌,睇番真身同平時靚相又有好大出入。
IG 同微博都有唔少粉絲,Joann不時被網民質疑五官千變萬化,睇番真身同平時靚相又有好大出入。(圖片來源:新傳媒資料庫)

被網民篤爆用A貨晒命 新女友驚變女版「蛇精男」

曾任模特兒嘅佢現職空姐,仲係一名網紅KOL,她的IG上有9萬4千多名粉絲,同Kelvin的9萬6千名粉絲數目差唔多。Joann早年做過model,睇番佢當年幫公司影嘅官方照,再對比一下依家嘅樣似乎真係女大18變,鼻樑直過間尺,仲有V煞臉,最恐怖係貪靚嘅Joann早年喺IG同微博post相,話瘦係餓出嚟,瘦到背脊骨突出,仲練成「牙籤手」、「牙籤腿」!

關楚耀 當年做model時公司幫佢影嘅相。
當年做model時公司幫佢影嘅相。(圖片來源:新傳媒資料庫)
關楚耀 IG嘅相你話係另一個人相信無人有異議。
IG嘅相你話係另一個人相信無人有異議。(圖片來源:新傳媒資料庫)
關楚耀 真係好似「蛇精男」。
真係好似「蛇精男」。(圖片來源:IG@jjjoann)
關楚耀 驚驚。
驚驚。(圖片來源:IG@jjjoann)
關楚耀 唔知係真係瘦到咁,定P到咁?
唔知係真係瘦到咁,定P到咁?(圖片來源:IG@jjjoann)

TVB《一舞傾城》陳法蓉將率領幾多位索女在舞廳工作?

《一舞傾城》以八十年代尖東舞廳做背景,預告片中陳法蓉將率領一班無綫女藝人集體下海⋯⋯按此看角色介紹

TVB《一舞傾城》劇情背景與那一套劇相似?

有觀眾表示,劇集出發點如果係仿效《華燈初上》,難免貨比貨,而新劇《一舞傾城》的風格與無綫1990年代的一部經典劇集極為相似,有觀眾提出不如改劇名⋯⋯按此看劇情介紹

圖片來源:IG@jjjoann、IG@uglykwan、新傳媒資料庫