Dee

毒舌大狀|阿Dee何啟華遇無綫採訪 被針對勁躁底 《東張+》直接裁走

最新娛聞

廣告

新年到,無綫應該燒咗本超厚「小氣簿」,因為近月有很多對台藝人陸續亮相無綫,最近連ERROR成員阿Dee何啟華亦獲放寬,日前他出席電影宣傳,大圍受訪環節竟在《TVB娛樂新聞台》播出,好似好大方!但同台的《東張+》卻播出刻意裁走何啟華的片段,明顯雙重標準彈弓手。

按此看《毒舌大狀》角色介紹
阿Dee 阿Dee與子華神一齊拍賀歲片《毒舌大狀》。
阿Dee與子華神一齊拍賀歲片《毒舌大狀》。(圖片來源:IG@deegor_hkwa)

《毒舌大狀》阿Dee傍住子華神做宣傳

日前由黃子華領軍的電影《毒舌大狀》舉行大型宣傳活動,身為演員之一阿Dee何啟華被子華神欽點「貼身」一齊做宣傳。無綫和子華神關係極度友好,所以當日派出兩隊攝製隊到場採訪,分別在《TVB娛樂新聞台》和《東張+》播出。新一年燒咗「小氣簿」後,《TVB娛樂新聞台》亦開始見到ViuTV 旗下藝人亮相,以為ViuTV一哥阿Dee這次順利登上對家電視台的節目,點知同一個訪問卻有兩個版本。

阿Dee 這日阿Dee出席電影宣傳活動企在子華神身旁一齊接受圍訪,無綫亦有派人採訪,期間子華神更為阿Dee舉咪收音。
這日阿Dee出席電影宣傳活動企在子華神身旁一齊接受圍訪,無綫亦有派人採訪,期間子華神更為阿Dee舉咪收音。(圖片來源:YouTube@ViuTV截圖)
阿Dee 在ViuTV播出的片段中,有阿Dee接受訪問時的畫面,其表情與動作超級誇張。
在ViuTV播出的片段中,有阿Dee接受訪問時的畫面,其表情與動作超級誇張。(圖片來源:YouTube@ViuTV截圖)
阿Dee ViuTV一哥阿Dee突然躁底,以咪牌舉高個頭來洩憤。
ViuTV一哥阿Dee突然躁底,以咪牌舉高過頭來洩憤。(圖片來源:YouTube@ViuTV截圖)

Dee哥3秒躁底怒舉咪牌

阿Dee雖然是子華神身邊紅人,但在整個訪問環節中,阿Dee多次被現場採訪記者無視,一時嫌他企得唔夠埋,一時又話個咪牌太低見唔到,搞到平時四萬咁口嘅阿Dee都動怒,即時閃過3秒躁底黑面樣,最後他選擇用超大動作把手上咪牌高舉過頭發洩,希望可以換來更多關注,可惜以上種種行為,無綫的《TVB娛樂新聞台》只出大合照畫面而冇播阿Dee圍訪時的訪問,而《東張+》則貫徹「宗旨」Cut得就Cut,完全裁走阿Dee的畫面,所以想睇原汁原味訪問,就只能返回ViuTV 的官方社交網。

阿Dee 無綫十分畀面子華神,派人採訪其新片的宣傳活動,在「娛樂新聞台」播出的片段中可見,圍訪時有阿Dee的畫面都照出,不過就冇播佢受訪時的片段。
無綫十分畀面子華神,派人採訪其新片的宣傳活動,在《TVB娛樂新聞台》播出的片段中可見,圍訪時有阿Dee的畫面都照出,不過就冇播佢受訪時的片段。(圖片來源:YouTube@ TVB娛樂新聞台截圖)
阿Dee 無綫玩彈弓手,在「東張+」播出的片段,因為大合照栽唔走阿Dee,焗住播出。
無綫玩彈弓手,在《東張+》播出的片段,因為大合照裁唔走阿Dee,焗住播出。(圖片來源:YouTube@東張+截圖)
阿Dee 「東張+」全部訪問片段都裁走阿Dee,明明他企正子華神身旁,都夾硬「被消失」。
《東張+》全部訪問片段都裁走阿Dee,明明他企正子華神身旁,都夾硬「被消失」。(圖片來源:YouTube@東張+截圖)

《東張+》cut走阿Dee版

《TVB娛樂新聞台》阿Dee有樣冇訪問版

ViuTV足本訪問

無綫近月開始解封播MIRROR COLLAR

無綫貴為大台,開台幾十年以來只要非是對台藝人都全無機會亮相,就連娛樂新聞都決不報道。但近年ViuTV 走勢凌厲,栽培出來的新人全部都人氣超然,橫掃歌影視三範,方丈只能跪低,續早前轉播電影《過時·過節》宣傳片,令Mirror 成員呂爵安(Edan)初次現身無綫,再有去年商台籃球比賽報道Mirror 成員盧瀚霆Anson Lo)喊;連早前吒咤頒獎禮,就算「親生女」姚焯菲同Yumi呆坐成晚,無綫都有報道Collar 成員SoChing復出,不過今次阿Dee就唔知點解畀人cut走,唔通真係明針對ERROR成員?

阿Dee SoChing在吒咤頒獎禮上復工,TVB娛樂新聞台亦有到場採訪及報道,不過就沒有舉TVB咪牌。
SoChing在吒咤頒獎禮上復工,TVB娛樂新聞台亦有到場採訪及報道,不過就沒有舉TVB咪牌。(圖片來源:YouTube@ TVB娛樂新聞台截圖)
阿Dee Mirror全員在商台的籃球比賽現身,回應阿Mo事件,TVB娛樂新聞台亦有到場採訪,更大字標題報道,明顯大台都要跟紅頂白。
Mirror全員在商台的籃球比賽現身,回應阿Mo事件,TVB娛樂新聞台亦有到場採訪,更大字標題報道,明顯大台都要跟紅頂白。(圖片來源:YouTube@ TVB娛樂新聞台截圖)
阿Dee 去年最先亮相無綫的Mirror 成員是Edan和Anson Lo,二人憑電影《過時·過節》宣傳片出現在無綫節目內。
去年最先亮相無綫的Mirror 成員是Edan和Anson Lo,二人憑電影《過時·過節》宣傳片出現在無綫節目內。(圖片來源:YouTube@ TVB娛樂新聞台截圖)

賀歲片《毒舌大狀》卡司陣容強勁?

賀歲喜劇《毒舌大狀》由黃子華擔正,除咗Dee哥、栢天男及謝君豪等參與演出外,仲有去年憑《梅艷芳》一戲成名的王丹妮及廖子妤,兩姐妹再度同場較量演技⋯⋯按此看電影詳情

2023年兔年賀歲片仲有邊套?

2023年賀歲片仲有黃子華主演嘅《毒舌大狀》,以及萬眾期待嘅⋯⋯按此看電影詳情

撰文:東方新地圖片來源:IG@deegor_hkwa、YouTube@ViuTV截圖、YouTube@東張+截圖、YouTube@ TVB娛樂新聞台截圖