陪羅康瑞北上公幹 奔六朱玲玲 錫婚放閃

撰文：東方新地｜圖片：新傳媒圖片庫、微博

朱玲玲夫唱婦隨拍拖公幹

新一年度香港小姐又誕生，話就話長江後浪推前浪，不過香港人相信絕對不會有異議，幾多浪都唔會取代到朱玲玲「最美麗港姐」地位。如今就快「登六」，仲多咗長子霍啟剛對寶貝仔女做埋「最美麗嫲嫲」，朱玲玲日常除咗湊孫、同朋友打羽毛球、熱心公益同慧妍雅集活動以外，重心唔使講，當然係陪吓老公。

貴為瑞安集團董事長，70歲的羅康瑞繼續工作不言休，不過工作再忙，都盡量陪太太朱玲玲四圍去、出席活動。年頭難得擠出七日大假同朱玲玲飛去澳洲攤抖吓，平時就係老婆變身賢內助，陪番轉頭周圍公幹。日前上午返公司處理業務、下午要趕直通車上廣州，好彩有個好太太負責收 拾好短程行李、晨早先去時代廣場採購物品、再夾啱時間去到瑞安中心門口接埋羅康瑞齊齊去到紅磡火車站。兩公婆一如既往衣著樸素、連色系都係一個tone，肩並肩從落車處行入車站。經過零食店，朱玲玲買多兩合禮盒零食北上送禮、羅康瑞就乖乖企埋角落等太太買妥一齊出發。都話幸福唔係睇身家多少，而係關乎身邊有個啱key另一半。

靚足40年

9月7日生日的朱玲玲即將踏入60歲，氣質顏值依然高班，完全冇走樣。

幫老公打點

坐下午直通車北上，羅康瑞如常先返公司，朱玲玲就負責收拾行李、補購用品，再坐保母車去灣仔接老公收工。

司機搶住落車幫攞行李，羅康瑞就自己行李自己拎，指點司機去幫太太。

落車後二人肩並肩行去火車站，唔止步伐一致，連穿著用品都係一樣色系又非常樸素，難怪啱key。

打羽毛球keep fit

自言沒有特別保養容顏，只會keep住打羽球鍛鍊身體，朱玲玲自爆近年羽毛球腳葉倩文愛上哥爾夫球，所以近來練波都搵咗馬浚偉頂上。

孖住約老友

除咗公事同慈善活動，兩公婆參加私人聚會亦形影不離，經常可見羅康瑞陪朱玲玲見老友林子祥、葉倩文、杜德偉及李樂詩。

天然美

77年當選港姐冠軍，九個月後舉行童話婚禮嫁入豪門霍家，朱玲玲不論任何階段、身為三子之母定係一對孫仔孫女的嫲嫲，四十多年來容顏氣質不減當年，最美港姐稱號絕對當之無愧！

19歲

77年當選港姐冠軍，被封「最美麗港姐」！

20歲

20歲嫁霍震霆。

46歲

仔都咁大，朱玲玲仍明艷照人。

59歲

同麥明詩合照都唔輪蝕。