陳凱琳

陳凱琳父女童年合照曝光 原來同爸爸咁似樣基因強大!

最新娛聞

廣告

31歲陳凱琳 (Grace)同龍鳳胎細佬Derek樣貌混血味濃,曾被網民質疑是否陳爸爸「親生」,早前林作出價100萬要求驗DNA,以證血統關係,不過陳凱琳一家堅決拒絕。日前(16日)陳凱琳分享多張童年照為爸爸慶生,「父女之謎」正式解開。

林作 一家五口的全家福中,可以見到大家姐同父母最似樣,都係純正中國人樣,但陳凱琳同孖生細佬,點睇都以為佢哋係mix!
陳凱琳一家五口全家福中,可以見到陳凱琳同孖生細佬外表混血味濃,故曾被網民質疑是否陳爸爸「親生」。(圖片來源:新傳媒圖片庫)

陳凱琳細個勁似爸爸 用成個鐘剪片為壽星慶生

陳凱琳爸爸日前(16日)生日,乖女陳凱琳透露用咗成個鐘將多張童年與爸爸合照剪接成短片,為壽星陳爸爸製造驚喜,仲話自己永遠都係爸爸心目中嘅小女孩。從短片中可見,陳凱琳童年眼睛水汪汪、鼻高高、咀仔細細,同爸爸餅印一樣,冇理由唔係親生喇掛,睇嚟「父女之謎」終於可以告一段落。

陳凱琳 陳凱琳童年眼睛水汪汪、鼻高高、咀仔細細,同爸爸餅印一樣。
陳凱琳童年眼睛水汪汪、鼻高高、咀仔細細,同爸爸餅印一樣。(圖片來源:IG@ghlchan)

同場加映:陳凱琳公開弟弟Derek離港真正原因!林作原來已經掌握DNA證據?

自從陳凱琳公開細佬Derek的樣貌之後,Derek被指完全唔似爸爸而一直都被質疑是否「親生」。早前林作公開表示出一百萬希望Derek與父親驗DNA,及後有金主林媽媽加持加埋至$1,000萬酬勞,但Derek亦不為所動,更宣布離開香港,嚇到林作收回挑戰,不過一直沉默的陳凱琳終於都鬆口回應,指出Derek離開香港的真正目的。另一方面,林作又再度發文,表示已經掌握DNA證據?

陳凱琳 31歲陳凱琳 Grace)樣貌混血味濃。
31歲陳凱琳 (Grace)樣貌混血味濃。(圖片來源:IG@ghlchan)
林作 陳凱琳
(圖片來源:IG@derek_hcc)

林作聲稱已掌握Derek DNA 證據!可以慳返1000萬

雖然事件隨住Derek 宣布離開香港後已經逐漸掉淡,但林作在6月27日突然更新IG,表示已收到Derek的DNA資料,更聲稱資料來源是「某間醫學公司」,寫道:「除非到今晚9點,這個post有兩千個like,及IG及FB Page followers到45K,本人才會考慮公開一旦獲得的任何結果。」

陳凱琳
(圖片來源:IG@jolamchok)

公開陳凱琳弟弟離開香港真正原因 林作寸爆兩姊弟

不過其實林作早前在IG已分享於Derek宣布離港的片段,並發長文道歉,並收回1,000萬挑戰,希望挽留對方。當時已很多網民議論紛紛,批評林作玩出火:「老友,過咗火位啦」、「人地(哋)家事關你X事咩」、「覺得你無資格叫人留定走,搞完人哋再叫人唔好唔開心?」文中,林作聲稱Derek是因為不堪身世疑雲的壓力而離開香港,但其實今年四月尾,陳凱琳接受傳媒訪問時已指弟弟Derek將會跟老婆移民加拿大,一早計劃要展開新生活,她表示從來未試過與弟弟分隔如此長時間,坦言非常不捨。

陳凱琳
(圖片來源:IG@jolamchok)
陳凱琳
(圖片來源:IG@jolamchok)
陳凱琳
(圖片來源:IG@derek_hcc)

陳凱琳弟Derek血統事件懶人包!

事緣陳凱琳弟弟Derek近日在個人社交平台上載肉緊攬實爸爸的合照,相中陳父坐在他大腿上並啜手指,畫面溫馨,他用英文寫道:「你真的長大了很多,很為你感到驕傲呢!」。不過不少網民又再質疑二人是否親生父子,因為爸爸膚色較白,而Derek膚色較深,而且輪廓深像外國人,父子外貌不太似樣,頓時再次成為網友焦點。

陳凱琳
(圖片來源:連登討論區)
林作 陳凱琳
(圖片來源:IG@derek_hcc)
林作 陳凱琳
(圖片來源:IG@derek_hcc)

陳凱琳弟弟Derek曾於Instagram個人檔案中強調自己是100%香港人。

陳凱琳
(圖片來源:IG@derek_hcc)

林作出一百萬抽出求驗DNA

及後有「抽水王」之稱的林作近揚言願意拿出早前與鍾培生拳賽中得到的100萬,要求Derek與爸爸驗DNA證實是親生父子關係:「本人願意用100萬港幣向Derek Chan not Cheung 發出挑戰:俾(畀)你一條毛俾(畀)我。同埋你老豆(竇)一條毛。如果DNA比照證實你地(哋)係父子,我俾(畀)100萬你。如果唔係,順便比照係咪有印巴血統。順便咋,純八卦,驗到冇嘅我都俾(畀)100萬你。冇他,純碎(粹)之前嗰個Derek(鍾培生)俾(畀)咗我一百萬零用錢冇錠(碇)使。同埋真心好奇及堅信不移。Derek,你願意接受挑戰嗎?」

林作 陳凱琳
(圖片來源:IG@jolamchok)

鄭嘉穎、陳凱琳胞姊出面回應 林母加碼至1000萬

事件鬧大之後,林作曾透露陳凱琳胞姊Joyce曾回覆表示100萬似乎太少,及後林作即時作出反應,找到林媽媽做金主將酬勞推至1,000萬!鄭嘉穎在出席活動受訪時,表示指陳凱琳細佬及家人心情都好正常,而嘉穎亦認為大家很清楚林作有何目的,不回應就是最好的回應,總之事件對他們一家人並沒有影響。

林作 陳凱琳
(圖片來源:IG@jolamchok)
陳凱琳 林作
林作轉載疑似陳凱琳家姐Joyce發出的帖文。(圖片來源:IG@jolamchok)
陳凱琳
(圖片來源:IG@jolamchok)
陳凱琳
(圖片來源:IG@jolamchok)

陳媽媽剖白子女被指似印度人之謎

其實陳凱琳母親劉惠嫺Connie曾接受港台節目《舊日的足跡》訪問,曾罕有開腔為子女的混血外表解畫。Connie表示Grace與Derek出世時與長女Joyce同樣白淨,不過後來兩姐弟去到14至15歲突然變得眼大臉尖,而細佬Derek更生多了鬚根。Connie又透露自己母親擁南亞血統:「可能我媽媽係馬來西亞人,擁有亞裔嘅容貌,細佬又喜歡戶外活動,又或者加拿大嘅食物有好多荷爾蒙啦」。所以 Grace和細佬Derek都有著混血的外表。

陳凱琳父母都是中國人,Grace與龍鳳胎弟弟Derek的外表卻像混血兒,不時成為網民討論焦點。
陳凱琳父母都是中國人,Grace與龍鳳胎弟弟Derek的外表卻像混血兒,不時成為網民討論焦點。(圖片來源:IG@ghlchan)
陳凱琳母親劉惠嫺Connie早前接受港台節目《舊日的足跡》訪問,曾罕有開腔為子女的混血外表解畫。
陳凱琳母親劉惠嫺Connie早前接受港台節目《舊日的足跡》訪問,曾罕有開腔為子女的混血外表解畫。(圖片來源:IG@derek_hcc)
林作 弟婦(左)早已融入家中,之前細佬 Derek帶住她到陳凱琳家中慶祝聖誕節。
弟婦(左)早已融入家中,之前細佬 Derek帶住她到陳凱琳家中慶祝聖誕節。(圖片來源:IG@derek_hcc)

陳凱琳對林作挑機事件作出咩回應?

其實早在Grace當選港姐時已被誤會是混血兒,當年陳凱琳曾回應傳媒⋯⋯詳見:林作挑機陳凱琳細佬豪出100萬

陳凱琳細佬樣貌似南亞裔的最大原因是什麼?

陳凱琳母親劉惠嫺Connie曾接受港台節目訪問,曾開腔為子女的混血外表解畫⋯⋯詳見:陳凱琳激罕晒童年照

撰文:東方新地圖片來源:IG@ghlchan、IG@jolamchok、IG@derek_hcc、連登討論區、新傳媒圖片庫