陳凱琳

陳凱琳邀細佬Derek助陣上節目 爆Derek靠玩交友App迎娶靚老婆

最新娛聞

廣告

由陳凱琳(Grace)監製及主持的明珠台節目《Love Matters with Grace》,逢星期三晚上9時至9時半於明珠台播出,在8月31日播出的第三集,Grace就邀得其龍鳳胎胞弟Derek擔任節目嘉賓,大談有關交友App的社會現況,以及其親身經驗,原來Derek去年娶的靚老婆都是在交友App上認識!

陳凱琳 Grace話好多謝細佬肯幫手拍攝她的第一個英文清談節目。
Grace話好多謝細佬肯幫手拍攝她的第一個英文清談節目《Love Matters with Grace》。(圖片來源:IG@ghlchan)

陳凱琳細佬Derek 靠交友App搵到真愛

近年愈來愈多人使用交友App,有的藉此覓到真愛,有的卻遇上愛情陷阱。《Love Matters with Grace》第三集,Grace就邀請了她的胞弟Derek擔任嘉賓,暢談關於交友應用程式的現象及分享親身使用的經驗。Grace透露自己從未用過交友App,而Derek卻從該處尋找到真愛,他的老婆Wing正是於交友App上認識的。

林作 陳凱琳在細佬婚後兩日出po祝賀:「Call me 二姑奶 Congratulations to my little brother @derek_hcc for marrying the love of his life! 由細睇到你大⋯你真係大個仔啦!要好好錫老婆!」
陳凱琳細佬Derek在去年3月迎娶已拍拖數年的女友阿Wing,升呢做人夫,阿Wing更獲網友大讚樣貌十分標緻。(圖片來源:IG@ghlchan)
林作 弟婦(左)早已融入家中,之前細佬 Derek帶住她到陳凱琳家中慶祝聖誕節。
弟婦阿Wing(左)早已融入家中,之前細佬Derek曾帶住她到陳凱琳家中慶祝聖誕節。(圖片來源:IG@derek_hcc)
陳凱琳 Derek在約兩個月前已和老婆阿Wing一同離港,移民到加拿大。
Derek在約兩個月前已和老婆阿Wing一同離港,移民到加拿大。(圖片來源:IG@ghlchan)

第一次約會便認定對方 短訊傾偈傾到凌晨2點

在「Memory Lane」的環節中,Grace向Derek提問如果現在要回到交友App上的第一個約會,他會如何計劃,Derek表示會帶對方去一間體面的餐廳,因為他覺得二人要坐下來聊天才可以互相深入了解。其後,被問到跟老婆的相識經過,Derek甜蜜地分享他倆傳訊息聊天會聊到凌晨2時,Grace聽畢大為震驚,並立刻追問哪個時候開始認定對方為終身伴侶,Derek繼續甜蜜撒糖,透露與對方第一次約會時便已認定,令Grace大感羨慕。

陳凱琳 Derek同老婆已結婚約一年半,仍
Derek同老婆已結婚約一年半,仍不時在社交網放閃,非常Sweet。被Grace問及最近一次說「我愛你」的對象是誰,Derek果斷回答是老婆,更表示每日早晚都會跟老婆說「我愛你」。(圖片來源:IG@derek_hcc)
陳凱琳 Grace在節目中與Derek暢談關於交友App的現象,Derek更分享用交友App認識到其老婆的親身經驗。
Grace在節目中與Derek暢談關於交友App的現象,Derek更分享用交友App認識到其老婆的親身經驗。(圖片來源:TVB提供)
陳凱琳 Grace與細佬Derek一同到訪鹽田梓,玩得好興奮。
Grace與細佬Derek一同到訪鹽田梓,玩得好興奮。(圖片來源:TVB提供)
陳凱琳 最後,Grace與Derek大玩「Spin the Bottle」遊戲,挑戰「Truth or Dare」,若不想接受懲罰,Derek需說出自己想與哪一位明星拍攝色 情電影。
最後,Grace與Derek大玩「Spin the Bottle」遊戲,挑戰「Truth or Dare」,若不想接受懲罰,Derek需說出自己想與哪一位明星拍攝色 情電影。(圖片來源:TVB提供)

重溫陳凱琳父女童年合照曝光 原來同爸爸咁似樣基因強大!

31歲陳凱琳 (Grace)同龍鳳胎細佬Derek樣貌混血味濃,曾被網民質疑是否陳爸爸「親生」,早前林作出價100萬要求驗DNA,以證血統關係,不過陳凱琳一家堅決拒絕。日前(16日)陳凱琳分享多張童年照為爸爸慶生,「父女之謎」正式解開。

林作 一家五口的全家福中,可以見到大家姐同父母最似樣,都係純正中國人樣,但陳凱琳同孖生細佬,點睇都以為佢哋係mix!
陳凱琳一家五口全家福中,可以見到陳凱琳同孖生細佬外表混血味濃,故曾被網民質疑是否陳爸爸「親生」。(圖片來源:新傳媒圖片庫)
林作 陳凱琳細個已經被人話似混血兒,細佬則由細到大都膚色較黑。
陳凱琳細個已經被人話似混血兒,細佬則由細到大都膚色較黑。(圖片來源:IG@ghlchan)

陳凱琳細個勁似爸爸 用成個鐘剪片為壽星慶生

陳凱琳爸爸日前(16日)生日,乖女陳凱琳透露用咗成個鐘將多張童年與爸爸合照剪接成短片,為壽星陳爸爸製造驚喜,仲話自己永遠都係爸爸心目中嘅小女孩。從短片中可見,陳凱琳童年眼睛水汪汪、鼻高高、咀仔細細,同爸爸餅印一樣,冇理由唔係親生喇掛,睇嚟「父女之謎」終於可以告一段落。

陳凱琳 陳凱琳童年眼睛水汪汪、鼻高高、咀仔細細,同爸爸餅印一樣。
陳凱琳童年眼睛水汪汪、鼻高高、咀仔細細,同爸爸餅印一樣。(圖片來源:IG@ghlchan)

陳凱琳弟Derek血統事件懶人包!

陳凱琳弟弟Derek早前在個人社交平台上載肉緊攬實爸爸的合照,相中陳父坐在他大腿上並啜手指,畫面溫馨,他用英文寫道:「你真的長大了很多,很為你感到驕傲呢!」。不過不少網民又再質疑二人是否親生父子,因為爸爸膚色較白,而Derek膚色較深,而且輪廓深像外國人,父子外貌不太似樣,頓時再次成為網友焦點。

陳凱琳
(圖片來源:連登討論區)
林作 陳凱琳
(圖片來源:IG@derek_hcc)
林作 陳凱琳
(圖片來源:IG@derek_hcc)

陳凱琳弟弟Derek曾於Instagram個人檔案中強調自己是100%香港人。

陳凱琳
(圖片來源:IG@derek_hcc)

林作出一百萬抽出求驗DNA

及後有「抽水王」之稱的林作近揚言願意拿出早前與鍾培生拳賽中得到的100萬,要求Derek與爸爸驗DNA證實是親生父子關係:「本人願意用100萬港幣向Derek Chan not Cheung 發出挑戰:俾(畀)你一條毛俾(畀)我。同埋你老豆(竇)一條毛。如果DNA比照證實你地(哋)係父子,我俾(畀)100萬你。如果唔係,順便比照係咪有印巴血統。順便咋,純八卦,驗到冇嘅我都俾(畀)100萬你。冇他,純碎(粹)之前嗰個Derek(鍾培生)俾(畀)咗我一百萬零用錢冇錠(碇)使。同埋真心好奇及堅信不移。Derek,你願意接受挑戰嗎?」

林作 陳凱琳
(圖片來源:IG@jolamchok)

鄭嘉穎、陳凱琳胞姊出面回應 林母加碼至1000萬

事件鬧大之後,林作曾透露陳凱琳胞姊Joyce曾回覆表示100萬似乎太少,及後林作即時作出反應,找到林媽媽做金主將酬勞推至1,000萬!鄭嘉穎在出席活動受訪時,表示指陳凱琳細佬及家人心情都好正常,而嘉穎亦認為大家很清楚林作有何目的,不回應就是最好的回應,總之事件對他們一家人並沒有影響。

林作 陳凱琳
(圖片來源:IG@jolamchok)
陳凱琳 林作
林作轉載疑似陳凱琳家姐Joyce發出的帖文。(圖片來源:IG@jolamchok)
陳凱琳
(圖片來源:IG@jolamchok)
陳凱琳
(圖片來源:IG@jolamchok)

陳媽媽剖白子女被指似印度人之謎

其實陳凱琳母親劉惠嫺Connie曾接受港台節目《舊日的足跡》訪問,曾罕有開腔為子女的混血外表解畫。Connie表示Grace與Derek出世時與長女Joyce同樣白淨,不過後來兩姐弟去到14至15歲突然變得眼大臉尖,而細佬Derek更生多了鬚根。Connie又透露自己母親擁南亞血統:「可能我媽媽係馬來西亞人,擁有亞裔嘅容貌,細佬又喜歡戶外活動,又或者加拿大嘅食物有好多荷爾蒙啦」。所以 Grace和細佬Derek都有著混血的外表。

陳凱琳父母都是中國人,Grace與龍鳳胎弟弟Derek的外表卻像混血兒,不時成為網民討論焦點。
陳凱琳父母都是中國人,Grace與龍鳳胎弟弟Derek的外表卻像混血兒,不時成為網民討論焦點。(圖片來源:IG@ghlchan)
陳凱琳母親劉惠嫺Connie早前接受港台節目《舊日的足跡》訪問,曾罕有開腔為子女的混血外表解畫。
陳凱琳母親劉惠嫺Connie早前接受港台節目《舊日的足跡》訪問,曾罕有開腔為子女的混血外表解畫。(圖片來源:IG@derek_hcc)

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!

撰文:東方新地圖片來源:IG@ghlchan、IG@derek_hcc、TVB提供圖片