陳嘉倩

陳嘉倩孖BenSir拍片為香港人打氣 七情上面獲讚 網民爭住課金

最新娛聞

廣告

陳嘉倩由新聞主播轉型KOL後又加入ViuTV做主持,已經半隻腳踩咗入娛樂圈,近日她受Ben Sir(歐陽偉豪)邀請拍片,合力在疫情下為香港人打打氣,陳嘉倩在片中佔一半都是獨腳戲,被讚七情上面,演技大爆發,連導演都點名讚陳嘉債,網民大讚陳嘉倩演得放之外,紛紛用實際行動課金撐嘉倩BB。

文:東方新地 |圖:陳嘉倩IG、Ben Sir IG、YouTube「戲B」截圖
陳嘉倩最近獲Ben Sir邀請在其YouTube頻道「戲B」拍片,為疫情下的大家打打氣,有「宅男女神」之稱的陳嘉倩驚喜現身拍片,令網民驚訝嘉倩BB原來幾好戲,在長11分半鐘的「一起隔離的日子」片段中,陳嘉倩佔了一半是一人對鏡頭演戲,好考演技。

陳嘉倩 嘉倩BB
陳嘉倩一開始以招牌甜美笑容,演繹打工仔WFH時,如同被老細透過電腦鏡頭監控一樣。
陳嘉倩 嘉倩BB
陳嘉倩由溫柔OL突然發惡咆哮:「你咪當我seven﹗」語氣及表情都好狠勁﹗

陳嘉倩為打工仔發聲

陳嘉倩演繹打工仔,在疫情下被公司安排work from home,本來以招牌甜笑對鏡頭打招呼,語調溫柔:「 以前返工就朝九晚五,依家?依家我哋每日廿四小時網上見囉﹗」其後表情及語氣都來個180度大轉變,陳嘉倩突然對鏡頭咆哮:「乜公司改咗名叫 seven咩?你唔好當我seven呀,都唔好當我係OK(便利店)呀﹗我講多次,唔OK呀﹗」

陳嘉倩 嘉倩BB
陳嘉情在片段中表情多多、情緒起伏大,對鏡哀怨問:「zoom夠未?」
陳嘉倩 嘉倩BB
陳嘉倩不滿WFH如被監控一樣,更話「依家連WhatsApp都監控大家,轉用signal、mewe囉﹗」陳嘉倩再爆seed:「熄你個爐呀,me你個we呀,點解我一定要安裝呢啲社交工具?廿四小時都要監控住我?要我廿四小時都要應機?」

瘋狂拍鏡頭發洩

陳嘉倩一輪嘴話由朝到黑都要zoom,又要透過zoom開會,老細透露鏡頭監視大家,愈講愈激動的陳嘉倩,怒氣沖沖不停拍打鏡頭發洩,道盡打工仔們心聲,WFH之苦況。

陳嘉倩 嘉倩BB
陳嘉倩瘋狂拍打鏡頭發洩,令鏡頭移位甚至跌落地,假戲真做,好入戲﹗係咪冇睇過嘉倩BB發忟憎呢?鏡頭前真係難得一見﹗

陳嘉倩鬧爆政府:「佐敦就封封封﹗關又唔見你封﹗

陳嘉倩為打工仔出完氣後,再鬧爆政府防疫政策以示不滿,嘉倩再出招牌甜美笑容問:「我係咪好似BB?所以你想好似BB咁保護我?」下一秒嘉倩BB怒打梳化發洩怒轟:「點解要困住我?我想出去呀﹗我要出去﹗做咩事?住佐敦有罪咩?我問你呀住佐敦有罪咩?佐敦幾時變咗個小區呀,答我呀,搵人答我呀,封封封﹗關你又唔封﹗封封封,我瘋畀你睇﹗」說罷陳嘉倩對天失笑,真係七情上面﹗

陳嘉倩 嘉倩BB
陳嘉倩在片中鬧爆政府在防疫政策上的不足,好激動﹗
陳嘉倩 嘉倩BB
飾演其父的Ben Sir在片段中後段出現,教阿女陳嘉倩要「換位思考」,更叫她嘟嘴錫錫,以「化悲憤為親吻」,心情自然變得輕鬆﹗

送肉嘴派福利

飾演陳嘉倩父的Ben Sir突然出現,教阿女陳嘉倩學「換位思考」,Ben Sir爆金句:「唔好為呢個位置去搞亂自己,依家疫情沒有最壞只有更壞,喺呢啲環境中,你試吓muah。」Ben Sir叫嘉倩BB跟住 一起嘟起嘴「將悲憤化為親吻」心情自然會變輕鬆。

陳嘉倩 嘉倩BB
BenSir叫阿女瞓低休息,背景出現一個黃色告示牌,相信別有用意﹗
陳嘉倩本來氣沖沖,躺下時聽住BenSir唱歌,兼眼有淚光。
陳嘉倩本來氣沖沖,躺下時聽住BenSir唱歌,眼有淚光,真係我見猶憐。
陳嘉倩 嘉倩 BB BenSir
陳嘉倩最後更對鏡送肉嘴,大派福利。

導演長文讚:「嘉倩的演員之路是成功﹗」

陳嘉倩在11分半鐘片段中,演勻喜怒哀樂,獲網民激讚,又驚呼:「原來嘉倩BB咁好戲﹗」,又留言請BenSir搵埋嘉倩BB開live,不少網民更自動獻身表示為睇嘉倩BB演出爭住要課金。

原來呢段片的導演是獨立劇團好戲量創團藝術總監楊秉基,他編劇的獨立短片《1+1》先後獲得鮮浪潮最佳電影及IFVA公開組金獎,楊導演亦留言公開大讚陳嘉倩的演繹令人喜出望外。

陳嘉倩 嘉倩 BB BenSir

陳嘉倩演技獲網民大讚。
陳嘉倩演技獲網民大讚。
陳嘉倩 嘉倩 BB BenSir
為了可以繼續睇嘉倩BB的演出,網民紛紛留言要課金。
陳嘉倩 嘉倩 BB BenSir
該片導演楊秉基亦發長文公開大讚陳嘉倩。

中大師兄妹再合作

陳嘉倩和BenSir同是中文大學英文系畢業,二人其實不是首次合作,不過演戲拍片卻是首次,熟玩社交網的BenSir一早在網上作出預告,令一眾網民相當期待。

陳嘉倩 嘉倩 BB BenSir
BenSir貼出自己身穿醫生袍,以及穿上護士服的陳嘉倩的相預告二人的合作,表示希望在疫情下為大家醫病,其實BenSir呢個look是他客串《誇世代》時的造型,在片中是不會出現的。
陳嘉倩 嘉倩 BB BenSir
陳嘉倩呢個護士look亦不會在片中出現,明顯為吸引一眾網民眼球。
陳嘉倩 嘉倩 BB BenSir
片中一身阿爺睡衣的BenSir啜住珍寶珠邊演戲。
陳嘉倩 嘉倩 BB BenSir
BenSir大晒和嘉倩BB合照,令宅男們羨慕不已。

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!