陳嘉寶

陳嘉寶一招令工人姐姐自願留家抗疫 呼籲善待外傭要將心比己

最新娛聞

廣告

陳嘉寶(Anjaylia)今年1月誕下三女,身為三孩之母的陳嘉寶在照顧家庭方面,要感謝「神隊友」老公黃頌祈,同時多得家僱幫手﹗陳嘉寶同網民大玩你問我答時,有感而發長文講到與家中外傭的相處,指一直視為家中一分子,並呼籲僱主們要將心比己善待她們,更講出以一招成功令外傭自願留家抗疫﹗

陳嘉寶從小教導女兒:工人姐姐係家人

陳嘉寶在IG同網民玩你問我答,有一名網民指曾目睹陳嘉寶一家對工人姐姐好好,陳嘉寶指想趁機向大家呼籲要善待工人姐姐姐,她指「工人姐姐對我哋屋企嚟講,就係屋企一分子,所以從小都教小朋友,姐姐有兩個屋企,一個喺菲律賓,一個就係我哋屋企,唔係淨係幫我哋做嘢嘅﹗」

陳嘉寶 32歲陳嘉寶17年結婚,婚後誕下三名女兒,產前產後都壯態極好,四肢依然纖瘦,曾被懷疑搵代母﹗
32歲陳嘉寶17年結婚,婚後誕下三名女兒,產前產後都壯態極好,四肢依然纖瘦,曾被懷疑搵代母﹗(圖片來源:IG@anjaylia)

陳嘉寶心痛有外傭被無良對待:工人姐姐都係人

陳嘉寶分享日前與工人姐姐的對話中,從而得知有僱主不滿姐姐工作態度,會用剋扣食物、令工人姐姐食不飽當作懲罰,令陳嘉寶驚訝的是原來並不是個別例子,指更有不少僱主會「動手」﹗令陳嘉寶很憤恨,強調「工人姐姐都是人,佢哋離鄉別井來到一個陌生地方都只係為咗頭家,我哋做僱主,唔係人哋主人﹗將心比己,你返工做錯嘢係唔係老細可以對你郁手郁腳?係咪可以倒咗你半盒飯要你餓住嚟做嘢?假設你識得有人咁樣對佢哋姐姐,請勸阻」

陳嘉寶 陳嘉寶陀三女時,帶住大女二女出街好大陣仗,多得工人姐姐協助﹗
陳嘉寶陀三女時,帶住大女二女出街好大陣仗,多得工人姐姐協助﹗(圖片來源:IG@anjaylia)

陳嘉寶擔心外傭外出易受感染

陳嘉寶指疫情期間,僱主們都會擔心姐姐放假出去群聚會容易受感染,唔想她們放假外出,陳嘉寶指慶幸自己的工人姐姐很「癡家」,但好明白她們放假想去玩想抖吓氣想休息,因為大部分擔心留在家,僱主會繼續叫她們工作,根本沒法休息﹗陳嘉寶提出一個有效方法,就係即使姐姐留喺屋企,都要為佢提共充足嘅私人空間:「如果大家真係想姐姐留家,就算屋企無一間房間畀佢,都可以提自己千祈唔好畀佢幫手(有時佢哋唔好意思唔幫),同時禁止小朋友搵姐姐玩」,陳嘉寶希望大家同工人姐姐都和諧共處﹗

陳嘉寶 在《IT狗》演出飲食網站 CookCookGuide 創辦人Shirley,角色性格堪稱「極品港女」,為了做KOL呃Like眾籌無所不用其極,原來連Anjaylia自己都受不了這個角色。
在《IT狗》演出飲食網站 CookCookGuide 創辦人Shirley,角色性格堪稱「極品港女」,為了做KOL呃Like眾籌無所不用其極,原來連陳嘉寶都受不了這個角色。(圖片來源:IG@anjaylia)
陳嘉寶 陳嘉寶在《IT狗》中極乞人憎,但鏡頭後與演員們合作愉快﹗
陳嘉寶在《IT狗》中極乞人憎,但鏡頭後與演員們合作愉快﹗(圖片來源:IG@anjaylia)
陳嘉寶 陳嘉寶回應網民問題時,有感而發長文呼籲大家要善待家中外傭﹗
陳嘉寶回應網民問題時,有感而發長文呼籲大家要善待家中外傭﹗(圖片來源:IG@anjaylia)

陳嘉寶同網民玩QnA:

陳嘉寶誕三女後宣布封肚 爆老公享受被女圍

陳嘉寶(Anjay)月前再添一女兒,英文名叫Azaliah,原本預產期在去年十二月有機會做聖誕BB,但最後「逾期居留」至2022 年1 月初才出世,BB女重7.2磅,現時已有三名千金的陳嘉賓同時宣布封肚﹗陳嘉寶指誕下三女一刻相當感動:「 好感動呀,尤其係醫生將一出嚟嘅BB即刻擺喺我心口畀我抱咗好耐,之前兩個女都冇畀我抱咁耐。啱啱上一刻明明仲喺個肚入面,突然之間就出咗嚟擺喺心口上面,感覺好神奇。」

陳嘉寶公布月初誕下第三名千金,母女平安,恭喜晒﹗
陳嘉寶公布1月初誕下第三名千金,母女平安,恭喜晒﹗(圖片來源:IG@anjaylia)
陳嘉寶首次公開全家福,不過大女二女容貌仍然保持神秘。
陳嘉寶首次公開全家福,不過大女二女容貌仍然保持神秘。(圖片來源:IG@anjaylia)

陳嘉寶為女改名跟足夫家傳統

陳嘉寶又指三女的英文名是她和老公黃頌祈經過深思熟慮改的,陳嘉寶指:「 英文名『Azaliah』係喺聖經入面搵嘅,其實呢個係一個傳統,因為先生五代都係基督徒,呢幾代都係會喺聖經裡面搵英文名,頭兩個女嘅名Hosanna同Eliana都係有意思嘅,Hosanna嘅意思係asking for God、Eliana嘅意思係God had answered,我想將呢個故事延續落去,Azaliah嘅意思係God has reserved,Azaliah同我個名讀音都好似,就當係送畀自己嘅禮物。而中文名就留返畀爺爺同嫲嫲改,中文名都係想向長輩致敬。」

陳嘉寶同老公加三個女,由兩口子變成五口之家,好幸福﹗
陳嘉寶同老公加三個女,由兩口子變成五口之家,好幸福﹗(圖片來源:IG@anjaylia)
陳嘉寶懷胎九個月零孕味 聖誕卸貨晒巨肚孕照
陳嘉寶雖然模特兒出身,但甚少露腰拍照,陀第三胎才首次影孕照,並以bra top上陣,陳嘉寶笑言首次在鏡頭前咁赤裸﹗(圖片來源:IG@anjaylia)

陳嘉寶願望成真生夠三個 仔女不拘

陳嘉寶指成為三女之母感覺好完美,同時宣布封肚,現在會好好坐月,亦不忘為有份參與的ViuTV新劇《IT狗》宣傳,佢話:「 對於BB嘅期望,最緊要係佢哋都健健康康、開心平安,我同先生意向一致,生仔生女都冇所謂,我已經完成一個壯舉,我同先生最大嘅目標係希望有三個小朋友、年紀近啲嘅,可以一齊成長係好開心嘅事。」

陳嘉寶透露自己好懶沒有安排baby shower,只相約了相熟朋友食飯,點知好友為她在席間玩「篤波波」公布BB性別﹗
陳嘉寶透露自己好懶沒有安排baby shower,只相約了相熟朋友食飯,點知好友為她在席間玩「篤波波」公布BB性別﹗(圖片來源:IG@anjaylia)
陳嘉寶話夫婦仔女都唔拘,又爆老公知道BB性別立即開一支靚紅酒與友分享﹗
陳嘉寶話兩公婆對仔女都唔拘,又爆老公知道BB性別立即開一支靚紅酒與友分享﹗(圖片來源:IG@anjaylia)

陳嘉寶爆老公享受被女圍

陳嘉寶現育有三名千金,笑言老公最享受被女圍,陳嘉寶話:「又多一個女圍住,佢好唔得閒嘞,我冇乜事就去出先,佢搞掂晒!諗番起老公一知道係女嘅時候,就開咗支靚酒,仲請朋友食飯慶祝,依家生完三個,理想達到嘞!」

陳嘉寶再做媽媽﹗
陳嘉寶三度做媽媽,感覺人生圓滿﹗(圖片來源:IG@anjaylia)

陳嘉寶神奇穿搭零孕味晒終極巨肚孕照

陳嘉寶(Anjaylia)三年抱三,2017年跟丈夫黃頌祈(Epaphras)婚後先後誕下大女Hosanna與二女Eliana,第三胎2022年1月誕生!陳嘉寶揚言誕下第三胎後封肚,故她決定趁產前拍攝一輯絕美的懷孕照來留下美好回憶﹗

陳嘉寶懷第三胎首拍孕照

兩女之母陳嘉寶陀第三胎才首次正式拍攝懷孕照,得天獨厚的陳嘉寶懷胎九個月,四肢仍然纖幼,當日以bra top 配襯多套時尚服飾,型格中帶有自由赤裸的感覺,baby bump猶如赤裸的生命在母親的體內孕育出來,做慣模特兒的陳嘉寶竟然不太習慣,大嗌感覺赤裸裸的!

陳嘉寶婚後三年抱三,懷三胎都肥胎唔肥人,臨盆在即都未有出現水腫,得天獨厚﹗
陳嘉寶婚後三年抱三,懷三胎都肥胎唔肥人,臨盆在即都未有出現水腫,得天獨厚﹗(圖片來源:IG@anjaylia)

陳嘉寶笑指被質疑搵代母

陳嘉寶對懷第三胎才拍孕照時預告封肚:「呢次應該係最後一次大肚啦,應該唔再有﹗另外大家成日問我個肚喺邊?過去兩胎成日問我點解唔影?今次就影嘞,做個紀念,同埋滿足大家嘅好奇心,其實我係有肚㗎!之前曾經有人懷疑過大女Hosanna唔係我生,話我係搵代母,今次就攞出嚟畀大家睇吓啦!呢個感覺好赤裸、太性感嘞!又覺得自己好似豬八戒有個大肚腩,哈哈哈﹗」

陳嘉寶懷胎九個月零孕味 聖誕卸貨晒巨肚孕照
陳嘉寶懷第三胎才影孕照﹗(圖片來源:IG@anjaylia)

陳嘉寶自嘲似豬八戒

陳嘉寶找來了專業團隊合力製作,服裝指導、化妝、髮型跟攝影師,但拍攝時卻被囡囡「考起」了,大女Hosanna與二女Eliana相當活躍,不時跑來跑去,場面難以控制,Anjay無奈說:「同老公影結婚相,到依家都會好掛住嗰種感覺,但係做咗人父母,同小朋友一齊影相嘅感覺係好忙亂、忙亂同忙亂,目標只係想快啲影到有就得嘞,感覺係變咗任務。」不過當看到一家五口拍出來的效果,陳嘉寶就覺得辛苦也值得!

陳嘉寶自嘲似豬八戒﹗
陳嘉寶自嘲似豬八戒﹗(圖片來源:IG@anjaylia)

陳嘉寶希望延續影全家福傳統

提到拍攝全家福,原來陳嘉寶婆婆家族在上世紀二、三十年代是經營照相館的,當看到家中懷舊的全家福,陳嘉寶特別感觸,她說:「婆婆培養咗鍾意影相嘅興趣,亦鍾意影全家福,婆婆亦會將以前嘅故事同我媽咪分享,所以我哋屋企都鍾意影相,有一種情意結。」

陳嘉寶指兩女相當活躍在影樓跑來跑去,好不容易一人抱一個影相,拍攝時出動家人及工作人員引囡囡才能令她們稍為安定,不落地狂奔﹗
陳嘉寶指兩女相當活躍在影樓跑來跑去,好不容易一人抱一個影相,拍攝時出動家人及工作人員引囡囡才能令她們稍為安定,不落地狂奔﹗(圖片來源:陳嘉寶發片截圖)

預產期在聖誕期間,Anjay陀第三胎心情輕鬆,不過接近臨盆開始有點緊張,她同時又希望待節日後才「卸貨」,她笑說:「仲未準備走佬袋,不過BB用品已經齊備,所以都唔會擔心。因為BB預產期啱啱係聖誔節同元旦嘅節日,希望畀我過晒啲party先出嚟就可以安心地坐月,因為如果坐月嘅時候party,好多嘢都唔食得,所以等我enjoy埋先啦!」

陳嘉寶懷胎九個月零孕味 聖誕卸貨晒巨肚孕照
片段中陳嘉寶零P圖下,挺住巨肚都未有水腫﹗(圖片來源:陳嘉寶發片截圖)
陳嘉寶懷胎九個月零孕味 聖誕卸貨晒巨肚孕照
背面睇唔出大肚﹗(圖片來源:陳嘉寶發片截圖)
陳嘉寶懷胎九個月零孕味 聖誕卸貨晒巨肚孕照
陳嘉寶話唔慣咁赤裸在人前﹗(圖片來源:陳嘉寶發片截圖)
陳嘉寶懷胎九個月零孕味 聖誕卸貨晒巨肚孕照
陳嘉寶以衣服遮肚,完全睇唔出已陀B九個月﹗(圖片來源:陳嘉寶發片截圖)

陳嘉寶最想坐完月即開工

陳嘉寶話「卸貨」之後就可以畀返多啲時間大女及二女,瘋狂地抱返佢哋,對大家要公平,陳嘉寶強調坐月保養好身體後,便盡快繼續工作:「之後會好好學習分配時間,除咗可以喺屋企同工作上,再要喺屋企裡面分返開幾份,另外我發現,除咗下一代,我哋嘅上一輩都需要陪伴,要好好珍惜。」

陳嘉寶日前與老公staycation慶祝結婚四周年,一起到泳池暢泳﹗
陳嘉寶之前與老公staycation慶祝結婚四周年,一起到泳池暢泳﹗(圖片來源:IG@anjaylia)
陳嘉寶穿上泳衣,背面完全睇唔出是一名大肚婆﹗
陳嘉寶穿上泳衣,背面完全睇唔出是一名大肚婆﹗(圖片來源:IG@anjaylia)
陳嘉寶懷胎九個月零孕味 聖誕卸貨晒巨肚孕照
陳嘉寶即將成為三孩之母,但仍有陣少女味﹗(圖片來源:IG@anjaylia)

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!

撰文:東方新地圖片來源:IG@anjaylia