陳敏之

陳敏之做飲食節目劣評如潮 網民大彈其表現不專業!

最新娛聞

廣告

最近,陳敏之與區永權(Albert)為無綫主持最新旅遊飲食節目《到此一遊 台北》,帶觀眾食盡台灣地道美食兼玩轉新景點。本來二人合作做飲食主持,理應為觀眾帶來新鮮感,可惜節目出街後,不單收視一般,更惹來觀眾劣評如潮,指陳敏之做主持非常唔掂!

撰文:東方新地|圖片:電視截圖、新傳媒圖片庫、陳敏之facebook

陳敏之做飲食節目劣評如潮

最近,TVB星期一至五晚播出陳敏之與區永權(Albert)為無綫主持的最新旅遊飲食節目《到此一遊 台北》,節目中,二人帶觀眾食盡台灣地道美食兼玩轉新景點。本應二人合作做飲食主持應為觀眾帶來新鮮感,可惜節目出街後,不單收視一般,仲引來觀眾敏之於節目中的表現!

陳敏之經常拒試食

惹來劣評的原因是網民唔太鍾意敏之做飲食主持的作風,例如有一集,二人試食全台灣最臭的臭豆腐,但敏之一聞到臭豆腐味時,馬上面色一沉!

作為一個飲食主持,試食物就必定係指定動作,但敏之就堅拒食臭豆腐,指臭豆腐真係好臭外,仲不斷強調自己好想嘔!

敏之皺哂眉同Albert講自己真係接受唔到食臭豆腐,平心而論,雖然食臭豆腐的確唔係個個都接受到,但有網友嫌敏之有欠做飲食主持咩都要放入口試食嘅專業。

堅拒將臭豆腐放入口嘅敏之仲喺鏡頭前表示自己好想嘔,而拍擋Albert見對方面對臭豆腐咁辛苦,唯有自己一個人在鏡頭面前試食介紹。

點知當Albert食緊第一口臭豆腐想講出食後感時,敏之即刻就同對方講:「講嘢唔好對住我!」唔知當下Albert聽到呢句有咩感覺呢?

唔洗食嘅敏之講完後,面色依然好難看,仲要個身側開Albert,好似想有咁遠避咁遠,真係睇得出佢幾唔鍾意臭豆腐同食臭豆腐啲人!

敏之其後於個人社交網上載節目片段兼留言︰「真係睇番都聞到臭。」

陳敏姐常現「厭食」樣

話說,敏之面對自己唔鍾意食嘅食物時,表現出討厭兼嫌棄嘅表情都唔係第一次。例如第六集介紹酸菜白肉鍋時,敏之對餐桌上散發的濃濃酸菜味,就馬上變樣。

另外,亦有一次二人評點台北三大牛肉麵時,敏之知道枱上有牛睪丸後,大叫作嘔,仲話死都唔會吃…結果就梗係區永權自己再一次好無奈兼無癮咁自己一個人吃。

節目中,不時都會見到Albert自己一個人密密食,而敏之就喺旁邊望住對方邊食花生。

網民大彈其表現不專業

敏之喺節目中嘅表現,惹來網民狂鬧,有網友指節目組應搵《學事學非》、《3日2夜》嘅年輕人做主持或會仲好看,亦有網友認為作為主持咩都唔食因怕肥,又經常嫌棄試食,表現唔專業,仲為Albert有敏之呢個拍擋感到辛苦。

其實敏之就唔係第一次做主持,最近亦成為《流行經典50年》主持之一,不過可能日後要諗諗自己啱唔啱做飲食節目主持。

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!

關鍵詞
陳敏之