宋熙年

陳智燊英國娶宋熙年 年尾香港簽紙補擺酒

最新娛聞

廣告

無線藝人陳智燊(Jason)同宋熙年(Sarah)已經結咗婚啦!恭喜晒!兩人噚日喺英國倫敦秘密行禮,雙方家人同朋友都有出席,為佢哋送上最真摰嘅祝福!而今日佢哋嘅結婚相終於曝光,真係隔住個mon都feel到有幾sweet呀,真係羨煞旁人!

 

延伸閱讀︰

《嘩鬼上學去之農夫篇》第一集 五大惡搞事

官恩娜有仔萬事足 晒萌爆囝囝出浴照

兩位公開戀情之後,愈愛愈高調!早排佢哋已經入咗紙排期結婚,預計年底會喺香港擺酒。不過據知佢哋早兩日已經靜雞雞飛咗去英國準備婚禮,而噚日就有位攝影師唔小心喺Instagram爆咗佢哋結婚嘅花絮!而同一時間,Sarah都喺Instagram post咗張自己嘅相,背脊貼咗張寫住「Bride」新娘嘅印水紙,喺儀式開始之前忍唔住同大家分享做新娘嘅喜悅!

睇睇一對新人嘅造型先,Jason著住白色禮服黑色煲呔,一身白馬王子look,而Sarah嘅婚紗一樣係白色嘅,透視長裙加埋deep V同大露背,性感得嚟又高貴!Sarah除咗有白色頭紗點綴之外,仲有銀色嘅頭飾同埋耳環,當然唔少得閃到爆嘅鑽戒啦!另外,雖然佢哋都兩位喺外國長大,不過都有著中式禮服,跟足傳統禮儀向父母敬茶!認真孝順!

原本諗住低調舉行婚禮,雖然通晒天,事後兩人都承認已經結婚,仲話多謝大家嘅祝福,度蜜月返嚟再慢慢分享喎!真係恭喜晒陳生陳太呀!

回顧一下兩人過去幸福嘅時刻:

 

全文完

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!